Romanos 1:14 - Nuevo Testamento Toba Maskoy

¹⁴ Mongvapvanak aiekaksek ko'o aspaieskama ania'a aktaqmanma halhmankek ham, apieseksek anak ma'a griegos kanhan metnangko griegos, apieseksek neten apankavek nema apkeliangveiakmo, kakpota nhan apieseksek meliangveiakmo.

Romanos 1:14 ပူးပေါင်းရင်းမြစ်များ

Lucas 10:21

Avanhek ankek nak akpaihekha apvalhok Jesús ma'a aniem'o Espíritu Santo, ka apkenmalhnongkomo lhnak ma'a, lhna aptemak: —Eniapom apto Apveske neten kanhan nalhepop, avanhek ankek asiavenkeskamo apvesai'a lheiap ngkanek nlekavek apvalhok eliekiaqsek enenlhet apkellomakha nak apankavek kakpota eliangveskeskamho' aktemakha asketlhekmoskama aplhenammap lheiap, man koka eliekieskamak enenlhet apkellelto neten apankavek apkeliaspommap —lhna aptemak Jesús apkenmalhnongkomo Eniapom Neten.

Hechos 22:21

Koka lhta aptak heiano mokhom Apveske: "Eniakha panke', askeltave ko'o emhangkok lheiap mokhek ankek mo'ok apkellavakha apkakhaiangkolha nak metnangko nak judios", lhta aptak heiano.

Hechos 28:2

Ntase lhta hengellanei'o enenlhet apkellavakha nak ma'a, hengelvatneskasengko lhta nhan talha m'a, ka hengellavenka lhta apkeleltemo angelelhtangvomok talha m'a, semange lhta, iemmen atko'ok alhta nhan.

Hechos 28:4

Apkelvet'a lhta enenlhet apkellavakha apankavek ma'a akmakhengka apmek menasma m'a, ka apkelpaqmetkesakpo lhta mok apankavek: —Have na niapak apto ntekioma niapom hengke'e enenlhet anak, apvaiakmek tep apketsepma niekhe akvaivekamok loma nemmen, koka nkaqhok niaqmasekama akpeivomo ngken —lhta aptangkok ma'a.

Hechos 9:15

Koka lhnak aptemak mokhom Apveske apkanemo: —Eniakha ta panke, ko'o askeliekieskama m'a enenlhet anak kakpota elhenek asvesai'a apieseksek metnangko nak judios, kakpota nhan apieseksek apkeliav'akha apkelveskaie apanko'ok, kakpota nhan apieseksek israelitas.

Romanos 1:22

Apketlhenammakpave lhta mota nema apkeliamo m'a, koka malha metka apaqto'ok ma'a,

Romanos 11:25

Ketlhengkap elialheng'a metnangko nak judios, melakpo nkek nkotlhenek apvalho'ok apkeliekieskama Eniapom Neten aniem'o nema apkeliamo apankave', have m'a. Nietne lhta apeneskamo Eniapom Neten akielhammalhka apmak'akha etnehek, napokha israelitas nkeliennakvaiakme lhta apvalho'ok akvakmo toka aknem ma'a aptaikamok meliaskeiam aplhamakho nak metnangko nak judios.

Romanos 12:16

Elienlhanmamok hata nhan ellanangkok metka akmaska apieseksek ketlhengkap, metnamo nkek apkellammakpo eltemeskasentak koneng metka nak apkelletsekama, ntasek koka elpasmekhak ma'a, metnamo nkek apketlhenammakpo apankavek nema apkeliangveiakmo.

Romanos 13:8

Mangkoliet apkeliaqmoikamok po'ok, ellasekho mota po'ok, ka apkelanengko la mota ketlhengkap ma'a, koka akto aksavhomo nkek apkelieplavkeskama lhamakho ley.

Romanos 16:19

Koka aplhamakho enenlhet apkelvet'ak ketlhengkap apkellelto apkelleliehekho apveske engankok, avanhek ankek apkelpaiesekha evalhok. ¡Etnamok hata mota nema apkeliamo elieplavkesek qaselha altaqmelo nak, meltamok koka m'a nema apkeliamo elieplavkesek qaselha ngkolatsekama nak!

Romanos 8:12

Mankolatsama ta nengeleliahakho la aliaspongkomakha nak engelvalho'ok ngkanek avankek hengaqhek ma'a, koka nelvatesangko la nellanekamok qaselha ngkollatsekama aniem'o nhan hengelpasmoma Espíritu Santo, angelloka ta nkotnengvaianlha nnelha.

1 Corintios 14:11

Koka apvakmo la m'a lhema po'ok enenlhet mo'ok apkavakha, meihek hata aktemakha apkelpakmeiasma m'a apvanlha la'a, apkellavakha apankave nak ma'a meliehek hata nhan aptakha apaivoma po'ok enenlhet lhek.

1 Corintios 14:16

Lheiap apiavenkaskesangka la apvesai'a Eniapom Neten mo'ok nempaivoma melioho mokhom aniem'o apvalhok apanke, mankollapvankek na enenlhet elpasmekhak ellatemmongkok aktakha la apaivoma m'a ngkanek meliohok ma'a, metnangkek hata nhan lhemek gracias Eniapom Neten ma'a.

1 Corintios 2:13

Neksa nengeltennaikama la ania'a aniem'o Eniapom Neten, nengelpaqmetkek ma'a aniem'o Espíritu apanko nak ma'a, have aniem'o m'a neliangveiakmo nak enganko'ok engankave'. Hai, neksa nengelpeiveskasekha mota aptemakha Eniapom Neten, nelpaqmetkek nelpaqmeiasma aniem'o m'a Espíritu apanko nak ma'a.

1 Corintios 3:18

Apno la apieseksek ketlhengkap apkanema la nkoietnak apiangveiakmo apankok apanke', apiennengkasekpe pankek na m'a enenlhet anak, ntasek eihangvakhok apankok apanke apto meihangveiakmo, netamen hata m'a nkovak aptema apiangveiakmo m'a.

2 Corintios 10:12

Moklhem'a ketlhengkap apkelietkesakpek po'ok melhnemo, apketlhenkek na aptangko neten apankavek, koka malha metka apqatko'ok la ketlhengkap ma'a, ennengko'o koka manghengeliaqvakmok antangkok ma'a.

2 Corintios 11:19

Apkellanek ketlhengkap nema apkeliamo apankavek, koka apkelvaskapak apkellan'o enenlhet'avok anak malha alanema.

Colosenses 3:11

Apnemo po'ok enenlhet napaqtek Eniapom Neten metka apkeliekammap, ka aktonak judio, griego, mankolhnaikamo nak aliaqtemenammalhka nekhatko'ok apkellammelhakha, metka nak aliaqtemenammalhka nekhatko'ok apkellammelhakha, niekhe apiav'akha la temma aptaqmanma, nlho ka la temma apketkok akmaselhte qaselha apankok, niekhe nhan nema allasennaikama nema apkelianmoma, metnangko nema apkelianmoma, apkennemo po'ok koka m'a ngkanek Cristo apkakhangkek nengaqtek ma'a aplhamakho m'a, apto nhan neten apankek apiaspommap ma'a.

2 Timoteo 2:10

Koka asvaskapmek neksa aslengaiangko akientalhnema kakpota nkoltaqmelek apkellangiemhaikama apkellelto nak apkeliekieskama Eniapom Neten, apkelvonkasemmap hata nhan tep, elvetak hata nhan qaselha altaqmelo m'a metka anmaskengvaiam aniem'o meliaskeiam Cristo Jesús.

Tito 3:3

Ennengko'o lhta nhan malha nengelelto metka enqatko'ok la'a, mangeleliehekho nhan ma'a, malha lhta nhan neltaiangko netlheneiam la'a, hengenmaikama lhta nhan lhamakho aktemakha aletsepma ennenio'ok anak, nkelleklemave lhta nhan engelvalho'ok nellanengko la qaselha ngkollatsekama. Neten anke lhta mongeliamolhma, neliasepkeskama nhan, neltaqnongvekhe lhta emmo'ok engankave nenieseksa m'a, kanhan hengeltaknongkongke lhta nhan enenlhet.