Romanos 1:13 - Nuevo Testamento Toba Maskoy

¹³ Ketlhengkap elialheng'a ko Roma, avanhe lhta niekhe askeltemo atnentak amaika'a ham, koka heliasakha lhma lhta nnak ma'a. Asmak'a alhta niekhe apaiaksek ania'a aktaqmanma kakpota meliaskamek enenlhet'avok ma'a, ka stemakha lhta nhan ma'a mo'ok iokhalhma apkellomakha nak metnangko judios.

Romanos 1:13 ပူးပေါင်းရင်းမြစ်များ

Juan 12:24

Have niapak ankek lhema aktek anak analhko la konne lhepop, nkaimelhkek sekhe malha atsepma la'a kakpota nkotektepok nkolhamekhak na akielhna, koka mangkotno la malha atsepma m'a, mankotalhkek na akielhna.

Juan 15:16

Ma lhta heliekiesangkok ketlhengkap, ko'o koka nkeniemai'ak askeliekiesaiangko ehenke, ka askellapaso lhma nkek ham kakpota nkolhnangkok ngkeskama akielhna metka aktemongvaiam annelha. Netamen hata nhan ellangkok hata Tata apkelelmalhnengka la'a qaselha, akieplomo koka asvesai'a nak.

Juan 4:36

Etlhevangkok hata akianmoma apkellelto la apkenmakmekama apnaklhekamok akielhna. Ka akielhna nak enenlhet ma'a ngkoitek hata aliennaktema apnenio'ok nkotnengvaianlha nnelha m'a. Nkolpaihekhak hata apvalho'ok lhemek ma'a apkellelto apkenaikamok kakpota nhan apnaklhekamok.

Hechos 1:15

Lhema knem na ntemak ma'a, apkelpaqmetkeskamo Pedro m'a apkellelto apkelialheng'a m'a, apkaknekhek nak malha 120 enenlhet'avok ma'a, lhna aptemak apkellanemo:

Hechos 14:27

Ka apkelvekho lhnak Antioquia m'a, apkellankesekho lhnak apkellelto iglesia m'a, ka apkeleltennaseiangka lhnak ania'a aktemakha Eniapom Neten apkelanai'a qaselha neksa apketlhengama m'a. Apketlheianmo nhan aktemakha apkelpasmoma mota Apveske kakpota eleltennasangkok na ania'a aktaqmanma metnangko nak judios kakpota meliaskamek na m'a.

Hechos 15:12

Lhamakho enenlhet nak apkelvanmeiangkok apkeltakmelkeskamavek nak apkelailheiangko m'a. Ka apkelempai'o lhnak na apkeleltennasekama Pablo kakpota nhan Bernabe lhamakho aktemakha apkellanai'a qaselha mongenatkeskama, qaselha hempelapkeskama nhan alleniem'o Eniapom Neten apieseksek metnangko nak judios ma'a,

Hechos 19:21

Netamen ma'a, apmahai'o etnek amaika'a Pablo iokhalhma Macedonia kakpota nhan Acaya, netamen mokhom ma'a Jerusalen, ka tep ma'a apmahai'o emhangkok iokhalhma Roma.

Hechos 21:19

Ka apkelpaivesangko lhta nhan Pablo m'a, apkeltennangka lhamakho aktemakha apasmoma Eniapom Neten neksa apmakmekama mota apieseksek metnangko judios.

Hechos 28:14

Ka nelvetangvakho lhta engelialheng'a m'a, apkellelto lhta angaqhangkok na sekhek lheme lhema semana m'a. Netamen nellempokho lhta mokhom netlhengama, nelvakho lhta apiav'akha temma Roma.

Romanos 1:12

Hata asvaktamo ta ham, angeliatalhkak hata aniem'o mongeliaskeiam anak.

Romanos 11:25

Ketlhengkap elialheng'a metnangko nak judios, melakpo nkek nkotlhenek apvalho'ok apkeliekieskama Eniapom Neten aniem'o nema apkeliamo apankave', have m'a. Nietne lhta apeneskamo Eniapom Neten akielhammalhka apmak'akha etnehek, napokha israelitas nkeliennakvaiakme lhta apvalho'ok akvakmo toka aknem ma'a aptaikamok meliaskeiam aplhamakho nak metnangko nak judios.

Romanos 7:1

Ketlhengkap elialheng'a, apkeliavek ley anak nietnek akmovana takhaplhet'ok apkellelto nak mokhom aphalhnanko'ok, koka apkeletsepo la'a, mmaskek na akmovana ley.

1 Corintios 1:10

Ketlhengkap elialheng'a, askelelmalhneskaskek akieplomo apvesai'a apveske engankok Jesucristo ntasek etnangko mota aknemo mo'ok apvalho'ok apieseksek anak ketlhengkap ham. Metka nhan apkelhpaknaikama, vanlha etnangkok apkelpasmekha ham. Etnamok hata aknemo mo'ok apvalho'ok atlhenaikama kanhan aknemo mo'ok apvalho'ok apkenmak'akha la etnangkok.

1 Corintios 10:1

Ketlhengkap elialheng'a, kotlheianvakho no apvalho'ok aktemakha lhnak nanek apkelvetai'a nelieihengka akieto m'a iokhalhma metkelha temma, aplhamakho lhnak nanek apketlhengamak koneng iephopai'a akiavai'a, aplhamakho lhnak nanek na m'a apkeliekai'o alvata.

1 Corintios 12:1

Ketlhengkap elialheng'a, ka sma alpeiveskasekhak na aktemakha nenmopvanka'a aniem'o Eniapom Neten.

1 Corintios 14:20

Elialheng'a, metnamo nkek malha akto nak nematkak mankoliamo nak, etnamok koka malha apkeliavo nak apkenmopvanka'a nak nkolketamama apvalho'ok, etnamok hata nhan malha akto nak nematkak mankolteniaikamok anak ngkolatsekama.

1 Corintios 14:26

Elialheng'a, hata apkaknakho ta nempaivoma alhankok ketlhengkap, ntasek ma'a napokha ennekmasangkok salmos, napokha ta nhan etlhekmosangkok, napokha ta nhan etlhenek Eniapom Neten apaivoma, napokha nhan elpaqmetama mo'ok nempaivoma melioho nak, napokha nhan apkelpeivesekha m'a. Elienlhanmamok hata apkeltakmelkeskeskama la apkellangiemhaikama po'ok.

1 Corintios 9:2

Moklhem'a enenlhet hetlhenke mota motnema nema heiapaskamo ko'o, koka apkeliavek niekhe ketlhengkap astema nema heiapaskamo ko'o ngkanek aptaiangkek na Jesucristo apkennemolhema ketlhengkap aniem'o asmakmekama altemeskesaikamok, ngvetammalhkek asto have niapak anke astema nema heiapaskamo ko'o.

2 Corintios 1:8

Engelialheng'a, nengeleltavek ennengko'o angeleltennasama ania'a aktemakha lhta nellengaiangko akientalhnema akieto m'a iokhalhma Asia, nientelhek anke lhta m'a, mmaske lhta nelelhievaso, nketlhenke lhta engelvalho'ok angenmaskengvomok kelhaha.

2 Corintios 2:14

Hai, gracias stak ko Eniapom Neten ngkanek hengeltemeskeskama hengeliephongveskaiakmo mota aniem'o nhan nelpasmekha Cristo, hengenmaiangka nhan kakpota angelpaiaksek ania'a aktaqmanma aplhenammap Cristo lhmankek ham. Ennengko'o nengelelto napaqtek Eniapom Neten malha aktonak akmases aimes la nentekhanma, akpaihekha lhmankek ham apieseksek apkellelto ta apkelvonkasemmap tep, apieseksek na apkellelto melvongkasemmap hata tep.

Galatas 3:15

Ketlhengkap elialheng'a, smak'ak aietkesek lhema qaselha aktemo nak nenieseksa ennengko'o. Apto la lhema enenlhet apkelanai'a vakkahak aktemakha apkelhpankesekha qaselha apanko'ok, netamen na etnek firma kakpota ngkolhek aiempek ma'a, netamen mankollapvankek na enmaskeksek ma'a kakpota nhan etalhesekhak mo'ok alqama la'a.

Galatas 6:18

Ketlhengkap elialheng'a, askeltavek ko'o Apveske engankok Jesucristo eltaqmelkeskesek apkellaniemhaikama ketlhengkap ham. Amen.

Filipenses 1:22

Koka asto la mokhom ehalhnankok evankek apasmok mokhom kakpota altakmelkeskesek apkellangiemhaikama aplhamakho enenlhet'avok hengke'e, moihok aktemakha hanet qaselha nak ko la aktakmelakha atnek ma'a.

Filipenses 4:17

Have ko'o asteniai'a mokhom qaselha hepasmoma la'a, vanlha koka asteniak etlhevangkok nema akiaqmongkasekha ta aniem'o helpasmoma ko'o.

Colosenses 1:10

Netamen hata m'a nkovak akietemo nkek aptaiangkolha apkanemakha nhan etnangkok Apveske, kakpota nhan ellanangkok metka nnelha qaselha akleklemelha la apvalhok ma'a, ngkeskama qaselha altaqmelo, akvakmo akvanemo lhamakho aknem apkeliekpelkangveiam Eniapom Neten.

Colosenses 1:6

akvai'o sekha lhta. Ka ania'a nak mpaihakhek aklengammalhka halhmankek ham, aliaqmongkaskesekho nhan mo'ok apvalho'ok enenlhet'avok apkellelto la apkellengai'a, ka aktaiangko lhta nhan ketlhengkap ma'a aliaqmongkaskesekho mo'ok apvalho'ok neksa apkenmaikamo lhta takha aktaqmanma nke nak apkellanei'o Eniapom Neten, kakpota nhan akto have niapak anke nak.

1 Tesalonicenses 2:18

Nenmak'a lhta niekhe angelelhiemok apieseksek anak ketlhengkap ham, ko'o Pablo nlhanie ntemak askelienlhaneiam asmahai'a niekhe angvelhiemok ham, koka Satanas mangkoltemoho.

1 Tesalonicenses 4:13

Elialheng'a, nenmak'ak angelleltennaksek akmak'akha ta ngkotnek apkellangiemhaikama apkellelto nak apkeletsepma kakpota ketlhengkap mankollaiose apvalho'ok malha aptaiangkolha nak ma'a enenlhet'avok metka nak alel·halhnekama apvalho'ok elvetak hata aktaqmanma.

2 Tesalonicenses 2:7

Nkenavek apeneskamo apkellanekha aptakha ngkolatsekama akielhammalhka m'a, vanlha koka aimelhko m'a nema aklekkeskama la nema akmangvai'a m'a,

2 Timoteo 4:17

Apveske lhtoka hepasmoma, heiaiangko nhan asiennaktema kakpota apaiaksek aklhamakho nkek ania'a aktaqmanma napaqtavek na aplhamakho metnangko nak judios, hevongkeskanke lhta nhan tep malha lhta ntemak iama akmeiva nak akmahai'a heiaqhek ma'a.