Romanos 1:12 - Nuevo Testamento Toba Maskoy

¹² Hata asvaktamo ta ham, angeliatalhkak hata aniem'o mongeliaskeiam anak.

Romanos 1:12 ပူးပေါင်းရင်းမြစ်များ

Hechos 11:23

Bernabe lhnoka apto enenlhet apiamolhma', aklanei'o lhnak na apvalhok Espíritu Santo m'a kakpota nhan mei'askeiam ma'a. Apvekhek nak Bernabe m'a akieto Antioquia, apvetangvekho lhnak Eniapom Neten apkeltakmelkeskama enenlhet'avok ma'a, avanhek ankek nak na akpaihekha apvalhok ma'a. Ka apkeliatekho lhnak ma'a enenlhet'avok kakpota melvatesankek apkelleliehekho Apveske. Aplhaniek nak enenlhet apkellailhemo Bernabe, ka aptaiangko nhan meliaskeiam Apveske m'a.

Romanos 1:11

Avanhek ankek askeltemo alvetangvetak ketlhengkap, atsakhesek askelpasmoma m'a aniem'o Eniapom Neten kakpota ngkoitek aliennaktema meliaskeiam.

Romanos 1:13

Ketlhengkap elialheng'a ko Roma, avanhe lhta niekhe askeltemo atnentak amaika'a ham, koka heliasakha lhma lhta nnak ma'a. Asmak'a alhta niekhe apaiaksek ania'a aktaqmanma kakpota meliaskamek enenlhet'avok ma'a, ka stemakha lhta nhan ma'a mo'ok iokhalhma apkellomakha nak metnangko judios.

Romanos 15:24

asmeiakho ta España, neksa alhengama ta nalhet amai hatelha atnek amaika'a ketlhengkap ham, akiakvatakho toka. Nkopaihekha ta nhan evalhok apieseksek anak ham, askeltave niekhe nhan helpasmok hellangkok qaselha apanko'ok aimelhkelha la ko'o kakpota angvempekhok hatelha mokhom alhengama m'a.

Romanos 15:32

Netamen hata m'a, apkelto la Eniapom Neten, aniakhak hatelha apieseksek ketlhengkap ham astaikama la amaika'a, akieplomo akpaihekha telha nhan evalhok, aiamposalhkak hatelha nhan ketsek ham.

2 Corintios 7:13

Kolhva koka nnek alpaieskakmo engelvalho'ok hengke'e aniem'o nhan nenlengai'a nema alpaieskeskaiam apvalho'ok ketlhengkap ham, nkelpaihakhek engelvalho'ok nelleng'o ania'a ketlhengkap apkelpaieskeskaiam apvalhok Tito neksa apnema ham.

Efesios 4:5

Apnek na lhema aphapak Apveske, nietnek na lhema aknemo mo'ok meliaskeiam, lhema nhan apkellavkesammap konne iemmen.

2 Timoteo 1:4

Nlheianvakhek na ko evalhok lheiap aiosei'o nak apvalhok kanhan apvenemo lhta, avanhek askeltemo atekhak mokhom lheiap kakpota nkopaihekhok ankek evalhok.

Tito 1:4

Asmak'ak angvapaskesek vakkahak anak astalheskama lheiap Tito, apto nhan malha eietka aniem'o nhan aknemo mo'ok mongeliaskeiam. Askeltavek Eniapom Neten kanhan Jesucristo apto hengelvonkeskama tep etaqmelkeskesek apkaniemhaikama, eniankok na aktaqmelaikama apvalhok lheiap.

2 Pedro 1:1

Ko'o Simon Pedro asto heiapaskama kanhan heiasennaikama Jesucristo, nlhenkek evalhok aplhamakho apketlhevai'a nak mangiaskeiam aktaqmanma nke', ka kto nak ennengko'o aniem'o nak Eniapom Neten kanhan Jesucristo apto apeivomo kanhan hengelvongkeskama tep.

2 Juan 1:4

Avanhek ankek lhta akpaihekha evalhok askelvetangvaktamo lhta moklhem'a atkak ham apkellaneiangko akto have niapak anke, apkanemakha nhan antangkok ennengko'o Eniapom ma'a.

Judas 1:3

Ketlhengkap elialheng'a askellamelaiam, avanhe skeltema anaktalheskesek aktemakha m'a nengelvongkasemmalhka nak tep. Kolhva koka asmak'ak allasnama askeleltemo eliavenkasok apkeltakmelkeskama meliaskeiam anak nema allaikamok alhta aplhamakho apkellelto nak apkelpokkenammap.