Romanos 1:11 - Nuevo Testamento Toba Maskoy

¹¹ Avanhek ankek askeltemo alvetangvetak ketlhengkap, atsakhesek askelpasmoma m'a aniem'o Eniapom Neten kakpota ngkoitek aliennaktema meliaskeiam.

Romanos 1:11 ပူးပေါင်းရင်းမြစ်များ

Hechos 16:5

Aplhameiangkek nak moklhem'a iglesias, nkeliennaktengkek nak na meliaskeiam ma'a.

Hechos 19:21

Netamen ma'a, apmahai'o etnek amaika'a Pablo iokhalhma Macedonia kakpota nhan Acaya, netamen mokhom ma'a Jerusalen, ka tep ma'a apmahai'o emhangkok iokhalhma Roma.

Hechos 19:6

Ka apnengkanmo lhnak na apmeio'ok apietsekso'ok Pablo m'a, apvai'o lhnak na takhaplhet'ok Espíritu Santo. Ka apkelpaqmeteiangka lhnak nkotnakho apkelpaqmeiasma ania'a kanhan apketlheianmo ania'a aniem'o Eniapom neten,

Romanos 1:12

Hata asvaktamo ta ham, angeliatalhkak hata aniem'o mongeliaskeiam anak.

Romanos 15:29

Angelpasmekhak hata lhemek lhamakho qaselha aktaqmanma hengellaikamok alhta Cristo, have niapak ankek ma'a.

Romanos 15:32

Netamen hata m'a, apkelto la Eniapom Neten, aniakhak hatelha apieseksek ketlhengkap ham astaikama la amaika'a, akieplomo akpaihekha telha nhan evalhok, aiamposalhkak hatelha nhan ketsek ham.

Romanos 16:25

Angeltakneskasangkok hata ennengko'o Eniapom Neten apto apmopvana hengeliennakteksek engvalho'ok, ka aktemakha nak asketlhekmoskama ania'a aktaqmanma aplhenammap Jesucristo. Lhennenga tep nak na nek apeneskamo lhema qaselha Eniapom Neten apmak'akha ta etnek, malha aposkama koka ntemak ma'a.

2 Corintios 1:15

Ka nkanek mankotnama evalhok astaienta la amaika'a mokhom ham kakpota nkotnek hanet aktaiekho altakmelekha apvalho'ok ketlhengkap ham.

2 Corintios 1:21

Hengeliennakteske' ennengko'o Eniapom Neten kanhan ketlhengkap neksa neliepetkangvekha m'a Cristo, hengeliekieskek nahan.

2 Corintios 11:4

Asleng'a lhta nhan ko'o ania'a ketlhengkap apkenmaiangko lhna lhta takha alleklemo nkek apvalho'ok nema aleltennaskama ania'a mok aktemakha koka netlheianmo na mota apvesai'a Jesús. Hai, apkenmaiangko lhna lhta takha ania'a mok aktemakha nkek ania'a aktaqmanma, apkenmaiangko lhna lhta nhan takha lhema espíritu, have koka m'a Espíritu apketlhevaiangko lhta sekhe lhta.

2 Corintios 9:14

Elelmalhneskesek hata nhan Eniapom Neten ma'a akieplomo apkellamelaiakmo ketlhengkap, aniem'o akiavai'a nkek qaselha altaqmelo apkelvetai'a aniem'o Eniapom Neten.

Filipenses 1:8

Apiavek koka Eniapom Neten avanhek heliepvaiam asmahai'a alvetekhak ketlhengkap ham aniem'o akiavai'a askellamelaiam aniem'o nhan Cristo Jesús.

Filipenses 2:26

avanhek na aliepvaiam apvalhok hengke'e apmahai'a elvetekhak ketlhengkap ham, avanhek na aktaikama apvalhok apleng'a alhta ania'a anmaiosak'a apvalho'ok ketlhengkap ngkanek nemmaskema lhta ngkaqhemak hengke'e.

Filipenses 4:1

Ka m'a astakha lhkek askellano, ntasek etlhengkesek akiennaktema nkek apkelleliehekho Apveske ketlhengkap elialheng'a askellasekhai'o, heliepvaiakmek nahan, apkelpaiesekha mota evalhok, malha akianmoma la alhevai'a asnaksepma askelhanma epatek ketlhengkap.

1 Tesalonicenses 3:13

Nengeltavek na eliennakteskesek meliaskeiam, elalhnaskesek na apvalho'ok kakpota mangkolhek atlheno apkelvesai'a ketlhengkap napaqtek Eniapom Neten apvaktamo ta hengke'e Apveske engankok Jesús kakpota nhan apalhakvaktamo ta apkelpokkanma apanko'ok. Amen.

1 Tesalonicenses 3:2

Ka nellapaso lhta enialheng Timoteo ham apto nhan Eniapom Neten apkasennaikama, nenmakmekamo lhemek nahan nelpaieskama ania'a aktaqmanma aplhenammap Cristo, nellapaske lhta ham kakpota eliatekho, elpasmok nahan nkoliennak meliaskeiam ketlhengkap

2 Tesalonicenses 2:17

Nelelmalhnema nhan ma'a Eniapom Neten eliennakteskesekhok apvalho'ok, ellangkok nak apkeliennaktema kakpota ellanangkok, etlhenek na mota altaqmelo qaselha.

2 Tesalonicenses 3:3

Eniapom Neten apto have niapak ankek apaivoma, elpasmok hata m'a kakpota nkoliennak meliaskeiam ketlhengkap, enmeivok hata nhan neksa akmahai'a la nkovak ngkolatsekama.

Hebreos 13:9

Ka ngkanek na ntasek ketlhengkap meliaqmongkasekhek mo'ok aktemakha hengetlhekmoskama la'a, ngkanek lhamakho henganemakha nak alleskama mota etavangkok lhamakho nentoma la'a ketlhengkap man koka nkoliennakteskasak apvalho'ok ketlhengkap ma'a. Vanlha koka m'a nengamelaiam anak aniem'o m'a Eniapom Neten avankek nkoliennakteskesek apvalho'ok ma'a.

1 Pedro 5:10

Koka apkelvaskapo la akiakvatakho nkek apkellengaiangko akientalhnema, eltemeskesek hata nhan apkelpeivomo Eniapom neten ma'a, eliennakteksek hata nhan, elteniaskesek hata nhan apiempeiok, ellangkok hata nhan apkeliangveiakmo aktemakha apkelvetai'a. Hai, etnek hata Eniapom Neten ma'a ngkanek avanhek apkellamelaiam ketlhengkap ma'a, apkeliekieskek na kakpota elpasengvomok aktakmelakha nkek nkotnengvaiam annelha apkelpasmekha Jesucristo.

1 Pedro 5:12

Hai, akiakvatema nkek vakkahak anak astalheskama aniem'o nhan hepasmoma astema emo'ok nengaqtek eialheng Silvano, astalheskek vakkahak anak askellanemakha etnangkok, kakpota elvetaskesek qaselha altaqmelo alleniem'o Eniapom Neten akiavai'a apkellamelaiam ketlhengkap ma'a, etlhengkes hata nhan alpaihekha nak apvalho'ok aniem'o apkellamelaiam ma'a.

2 Pedro 1:12

Vanlha mota askeltemo nkotlhengkeskakho apvalho'ok asketlhekmoskama nak akto have niapak ankek, asiave niekhe ko'o apkeliavek ketlhengkap hengetlhekmoskama nak, apkelleliehekhavek nak metka nnelha,