Romanos 1:1 - Nuevo Testamento Toba Maskoy

¹ Ko'o Pablo, heiasennaikama Cristo Jesús, nketlhenkek evalhok ketlhengkap ham. Heliekieskama lhta Eniapom Neten kakpota atnek heiapaskama mota apaiaksek ania'a aktaqmanma apankok ma'a.

Romanos 1:1 ပူးပေါင်းရင်းမြစ်များ

Marcos 1:14

Apkaqlhengkasemmakpek nak Juan apkellavkeskama iemmen aniapom ma'a. Ka apmeiekho lhnak Jesús iokhalhma Galilea, apkeleltennaseiangka lhnak ma'a ania'a aktaqmanma aniem'o Eniapom Neten.

Juan 12:26

Apkenmak'ak hata nkek etnangkok askellasennaikama, nkaimelhkek helieploma asmangkelha la'a, alhelhma koka motaha. Ko'o Tata ta nhan eltemeskasangkok neten apankavek ma'a.

Juan 15:15

Nkomaskok hata nhan aptaikamok nema allasennaikama nak nema apkelianmoma, ka allasennaikama nak have nengaqtek apveske apankok ma'a. Ketlhengkap koka apkellelto askeltema emo'ok nengaqtek, askeleltennaskek na aktakha Tata apaivoma.

Juan 15:20

Kotlheianvakho no apvalho'ok astakha lhta askellano, nema asennaikama nak have apto neten apankek apveske apankok. Heliaqmasema lhta ko'o enenlhet, hata nhan ngkotnek ketlhengkap ma'a. Koka moklhem'a lhta nhan apkelleliehekho lhta aspaioma, eleliehekhok hata nhan aptangkolha la apketlhekmosekamok ketlhengkap ma'a.

Hechos 13:9

Ka apvai'o lhnak Saulo m'a, mo'ok nema altema koka nhan Pablo, aplanei'avek nak apvalhok Espíritu Santo, apkeltameskamavek nak Pablo m'a apiolhma Barjesus ma'a,

Hechos 20:24

Koka mamma aptaikama evalhok angvetsepok kelhaha, askeltavek ko'o asavhok asmakmekama malha askelpaivasemmalhka aptakha lhta apaivoma Apveske Jesús heiano akieplomo akpaihekha evalhok, apkeltemo lhta apaiaksek ania'a aktaqmanma aplhenammap hengellamelaiam Eniapom Neten.

Hechos 21:40

Ka apkasekho lhta apveske m'a, neksa apkenmaikama lhta m'a Pablo nelteianmeiangkolha metaimong, apkenengkasakho lhta nhan neten apmek apkeltemo elvanmak sekhek enenlhet'avok ma'a, ka apaqmeto lhta hebreo apaivoma, lhta aptak apkellano:

Hechos 22:21

Koka lhta aptak heiano mokhom Apveske: "Eniakha panke', askeltave ko'o emhangkok lheiap mokhek ankek mo'ok apkellavakha apkakhaiangkolha nak metnangko nak judios", lhta aptak heiano.

Hechos 22:7

Ka asteiakmo lhta nalhepop, asleng'o lhta nhan nema aliatekama, lhta ntak heiano: "Saulo, Saulo ¿se lha kto heiaqmasengka nak ke, he?", lhta ntak ma'a.

Hechos 26:1

Lhna aptemak apiav'akha apveske Agripa apkanemo Pablo: —Eniasennap apanke lheiap, eliata noho —lhna aptemak. Ka apiasekho lhnak neten apmek Pablo m'a apkeltema elvanmak sekhek enenlhet'avok ma'a, lhna aptemak:

Hechos 26:14

Ka nelpallakmo m'a, asleng'o nhan nema aliatekama aniem'o neten, arameo apaivoma lhtoka m'a, lhta ntak: "Saulo, Saulo ¿Se lha akto heiakmasengka nak ke, he? Akhemo heiammelhma lheiap, aptevasekpave panke malha aktonak buey la'a akiapelhketma nkek nak nema alteklheikamok anak", lhta ntak nema aliatekama ma'.

Hechos 27:23

Pelhasep lhek apiephongvo'o lhema ángel apkapaskama Eniapom Neten apto nhan apveske ehenkok ma'a, askasennaikama mota ko'o,

Hechos 9:15

Koka lhnak aptemak mokhom Apveske apkanemo: —Eniakha ta panke, ko'o askeliekieskama m'a enenlhet anak kakpota elhenek asvesai'a apieseksek metnangko nak judios, kakpota nhan apieseksek apkeliav'akha apkelveskaie apanko'ok, kakpota nhan apieseksek israelitas.

Romanos 1:16

Momankek ko alhenek ania'a aktaqmanma ngkanek akto aknema akmovana aniem'o Eniapom Neten kakpota nkolvongkesek tep enenlhet'avok apkellelto la meliaskeiam, apmaniaie' judios, kakpota nhan griegos.

Romanos 1:5

Jesucristo hetaqmelkeskeskama askaniemhaikama ngkanek hetneskeskamo heiapaskamo mota kakpota apaiaksek ania'a aklhenammalhka apvesai'a apieseksek metnangko nak judios. Ketlhengkap nahan romanos apkelpalhkammap apieseksek anak ham, kakpota meliaskamek, eleliehekhok nahan, etnangkok hata apkennemolhema apkelpokkenammap.

Romanos 1:9

Eniapom Neten apto apveske ehenkok, askasennaikama mota asteniai'o nak eiempehek aspaieskamo nak ania'a aplhenammap Apketka, apiavek na m'a atlheianmo mota evalhok ketlhengkap ham.

Romanos 11:13

¡Ellailho no ketlhengkap metnangko judios! Ko'o asto heiapaskama Eniapom Neten kakpota apaiaksek ania'a aktaqmanma apieseksek ketlhengkap, avanhek ankek askai'o asmakmekama nak.

Romanos 15:16

kakpota atnek heiasennaikama Cristo Jesús. Apaiaksek na ania'a aktaqmanma apieseksek ma'a metnangko nak judios kakpota nhan eltangkok apkelpokkanma Eniapom Neten, malha qaselha nengaikamok anak apiaspongkomakha la Eniapom Neten, aniem'o Espíritu Santo.

Romanos 15:29

Angelpasmekhak hata lhemek lhamakho qaselha aktaqmanma hengellaikamok alhta Cristo, have niapak ankek ma'a.

Romanos 16:18

Nkanek have apkellasennaikama Apveske engankok Cristo m'a enenlhet'avok anak, vanlha aptengiaikamo mota anmahai'elha la apvalho'ok apanko'ok apankavek. Apkeltakmelkasave mota apkelpaqmetkesaikama apkellelto nak meliangveiakmo kakpota eliennengkesek ma'a.

Romanos 16:25

Angeltakneskasangkok hata ennengko'o Eniapom Neten apto apmopvana hengeliennakteksek engvalho'ok, ka aktemakha nak asketlhekmoskama ania'a aktaqmanma aplhenammap Jesucristo. Lhennenga tep nak na nek apeneskamo lhema qaselha Eniapom Neten apmak'akha ta etnek, malha aposkama koka ntemak ma'a.

1 Corintios 1:1

Ko'o Pablo, heiavekama panke lhta Jesucristo kakpota atnek heiapaskamo mota aniem'o nhan apkeltema Eniapom Neten, alhelhma nhan hengke'e eialheng Sostenes.

1 Corintios 9:1

¡Apkeliavek niekhe ketlhengkap asto nema heiapaskamo ko'o ngkanek asvetai'avek Apveske engankok Jesús! Ka astemeskesaiangko lhta nhan ketlhengkap Jesucristo apkennemolhema aniem'o aktemeskesaikamok asmakmekama lhta heiasennaikama Apveske, nietavek na alhkak akianmoma asmakmekama ka aptaiangko nak aplhamakha nema allapaskamo.

2 Corintios 1:1

Ko'o Pablo asto heiapaskama Cristo Jesús aniem'o nhan aptema Eniapom Neten, alhelhma koka ko'o Timoteo hengke'e. Nengenmak'ak angellapaksek atlheianma engvalho'ok apkellelto iglesia apankok Eniapom Neten ham na temma Corinto, kakpota nhan aplhamakho apkelpokkenammap apkakhangko m'a iokhalhma Acaya.

2 Corintios 11:5

Malha neten apankavek la niekhe m'a nema allapaskama nak apketlheiam netamen ko'o, koka have ko koneng ankek ma'a.

2 Corintios 11:7

¿Ma nlho ka la ngkoietemo' askeleltennaskama ania'a aktaqmanma aniem'o Eniapom Neten monmamo akianmoma asmakmekama, he? Koneng apankek astaiekha kakpota etnangkok neten apankavek ketlhengkap.

2 Corintios 12:11

Astek ko malha la anema aniem'o anmalhko evalhok ehenkok ehenke, have nhan asto neten ehenke, ketlhengkap koka nkelleniemai'ak mankollekkasekama apvalho'ok hellanhoho, ka nkeniemai'ak na nkalhkok evalhok ehenkok ehenkek aniem'o asmakmekama apieseksek anak ketlhengkap. Snavek na ko'o m'a nema allapaskamo lhta apkellelto lhta neten apankavek apkenmakmeiangka lhta nhan apieseksek anak ketlhengkap.

2 Corintios 2:12

Smak'ak aleltennasama ketlhengkap asmeiakho lhta akieto natemma Troade kakpota altennama ania'a aktaqmanma aplhenammap Cristo apto Apveske, apkelpenesave lhtoka apkenmahai'a ellailhok askeltennaikama m'a.

2 Corintios 4:5

Mangeleltennasengkok enganko'ok engankavek ennengko'o napaqtavek enenlhet la'a, neleltennaskek koka apvesai'a Jesucristo apto Apveske aniem'o nhan nengellamelaiam ma'a, ka ngkanek nentaiangko nhan malha apkellasennaikama apankok nema apkelianmoma nak ketlhengkap.

Galatas 1:1

Ko'o Pablo hetneskeskamo heiapaskama Jesucristo kanhan Eniapom Neten apto nhan aplhatekhaskeiam apieseksek apkenmaskengvaiakmo, have enenlhet apankavek hellapaskama.

Efesios 1:1

Ko'o Pablo, heiapaskamo apankok Jesucristo aniem'o apkeltemo atnek Eniapom Neten, nlhenkek evalhok apkellelto apkelpokkenammap kanhan apkeleliehekho mota apkakhangko ham Efeso, aptangko nhan apkelpasmekha m'a Cristo Jesús.

Efesios 1:13

Ketlhengkap na apkellailhemave lhta ania'a aktaqmanma akto have niapak ankek aktemakha hengvongkeskama tep, meliaskeiakmo lhta nhan ma'a aniem'o Cristo. Aptemo nhan Eniapom Neten malha apnaqtalheskama lhta nhan qaselha mongenatkeskama apvalho'ok apvesai'a Espíritu Santo kakpota etnangkok malha apanko'ok ma'a, aplheianmo lhnak nanek na Eniapom Neten have niapak ankek ellangkok hata m'a.

Efesios 4:11

Apkeltemeskeskamo lhta nhan apanke moklhem'a nema allapaskamo, po'ok na apkeleltennasemmap ania'a, po'ok na lhta nhan apkeltennaikama ania'a aktaqmanma, po'ok na pastores kakpota nhan hengetlhekmoskama.

Filipenses 1:1

Ko'o Pablo kakpota nhan Timoteo, nengelelto hengellasennaikama Jesucristo, nketlhenkek engelvalho'ok apkellelto apkelpokkenammap apkakhangko ham akieto natemma Filipos, apkellelto apkelpasmekha Cristo Jesús. Ka nhan nketlhenak na engelvalho'ok ennengko'o apkelemhama apmaniaie ham kakpota nhan diaconos.

Filipenses 2:11

etlhenek hata apankavek Jesucristo apto apveske, netamen eltakneskasangkok hata nhan Eniapom Neten apvesai'a aniem'o akietnema akiavai'a apmopvana.

Colosenses 1:1

Ko'o Pablo, asto heiapaskama Jesucristo aniem'o aptema Eniapom Neten, Timoteo nhan alhelhma hengke'e.

Colosenses 1:25

Hetneskaskek Eniapom Neten hellasennaikama apkennemolhema apanke nak, heiangkek asmakmekama kakpota altakmelkeskesek apkellangiemhaikama aniem'o aspaieskama ania'a aktaqmanma apankok kakpota eliekpelkok aplhamakho enenlhet'avok lhmankek ham.

1 Tesalonicenses 2:8

Avanhek anke lhta nellamelaiam ketlhengkap, nellankongvaiakmo ania'a aktaqmanma, niekhe lhta atlhenkeskama angelletsepok aniem'o hengellasennaikama ketlhengkap. ¡Ka m'a avanhek anke lhta aknaikamok nengellamelaiam ketlhengkap ma'a!

1 Tesalonicenses 2:9

Nketlheianvakhavek kelha apvalho'ok ketlhengkap elialheng'a akiavai'a nenmakmekama akvaiakmo lhta neliampei'o lhamakho aknem apieseksek anak ketlhengkap ham, nekha emmeio'ok alhto ka neleltennaskama ania'a aplhenammap Eniapom Neten, nekha emmeiok alhto ka nhan akiavai'a nenmakmekama kakpota mankolientelhek apvalho'ok ketlhengkap hengellangko nlho lhamakho qaselha alaimelhkelha la'a ennengko'o.

1 Timoteo 1:1

Ko'o Pablo asto heiapaskama Cristo Jesús apto niapom al·halhnekama engvalho'ok angvetak aktaqmanma. Hellapaskama koka m'a Eniapom Neten apto hengelvongkeskamo tep kanhan Cristo Jesús kakpota apaiaksek ania'a aktaqmanma.

1 Timoteo 2:7

Ko'o lhta nhan nemo hetneskeskamo askeltennaikama ania'a kanhan nema heiapaskamo kakpota atlhekmoksek aktemakha mongiaskeiam akto have niapak ankek apieseksek anak metnangko nak judios. Have niapak ankek astakha nak alheianma, have asmopvana ania'a.

2 Timoteo 1:11

Heliekieskamo lhta Eniapom Neten kakpota apaiaksek ania'a aktaqmanma nak, hetneskeskamo nhan heiapaskamo apankok kanhan hengetlhekmoskama,

Tito 1:1

Ko'o nak Pablo asto heiasennaikama Eniapom Neten, asto nhan heiapaskamo lhta Jesucristo kakpota atlhekmoksek aktemakha mongiaskeiam apieseksek ma'a apkellelto nak apkeliekieskama Eniapom Neten kakpota nkovak apkeliangveiakmo m'a aktemakha akto have niapak ankek nenganiemhaikama aktaqmanma,

Hebreos 5:4

Mankapvankek enenlhet eliekiesakpo panke kakpota emakmongvomok ma'a aktakmelakha la nenmakmekama aniem'o apmahai'a etnek apiav'akha sacerdote, Eniapom Neten koka apkeliekieskama apankek ma'a, ka aptemakha lhnak nanek apkelanei'o Aarón apkeliekieskamo m'a.

Hebreos 7:26

Nietavek ankek ma'a Jesús apto apiav'akha sacerdote apkaimommakpo mota ennengko'o. Apto nhan apokkenammap, metka aptemengveiakmo lhma, apkalhnai'o nhan napaqtek Eniapom Neten, mevhanekho apkellanekamok ngkollatsekama enenlhet'avok, nemo akneskekho m'a netne kankoie neten.

Santiago 1:1

Ko'o Santiago asto heiasennaikama Eniapom Neten kanhan apveske Jesucristo nlhenkek evalhok apkellelto 12 apkelpasmekhak apketkak neptamen Israel, apkakhengveiakmo lhma nkek ham lhamakho apkellavakha.

1 Pedro 4:17

Ngva'ak aknem akientalhnema nkek nemakha aliekpelkemelha nentaiangkolha ennengko'o nengelelto nak Jesucristo apkennemolhema, koka tep ankek hato ka nkotnek ma'a akientalhnema nema aliekpelkemo aptaiangkolha apkellelto nak meleliehekho' ania'a aktaqmanma aniem'o Eniapom Neten.

2 Pedro 1:1

Ko'o Simon Pedro asto heiapaskama kanhan heiasennaikama Jesucristo, nlhenkek evalhok aplhamakho apketlhevai'a nak mangiaskeiam aktaqmanma nke', ka kto nak ennengko'o aniem'o nak Eniapom Neten kanhan Jesucristo apto apeivomo kanhan hengelvongkeskama tep.

Judas 1:1

Ko'o Judas, Santiago nhan apialheng ko'o, asto nhan heiasennaikama Jesucristo. Nlhenkek evalhok apkellelto apkeliekieskama Eniapom Neten aniem'o apkellamelaiam, apkellelto nhan apkeltakmelkeskama m'a Jesucristo.

Apocalipsis 1:1

Koka hengka vakkahak anak aktalhesammalhka nietnek qaselha apvetaskeskama Eniapom Neten Jesucristo akmak'akha ta ngkotnek angketvai'a lhmankek ham kakpota elvetaskesek apkellasennaikama. Netamen apkapaso lhta Jesucristo lhema ángel kakpota esantengkesek ania'a m'a apkasennaikama apankok apvesai'a Juan.

Apocalipsis 22:6

Koka lhta aptak heiano ángel ma'a: —Koka iokhalhmek ankek ma'a astakha lhkek alheianma, nietavek ankek na mei'askamek lheiap ma'a. Eniapom Neten apkamnoma alenteiapvekta apatno'ok apkeleltennaskamo ania'a apankok ma'a, apkapaskek na ángel apankok kakpota elvetaskesek apkellasennaikama akmak'akha ta ngkotnek kolhvave nak —lhta aptak heiano ángel.

Apocalipsis 22:9

koka lhta aptak heiano ángel: —¡Metne ham, melteklhek aptapno'ok nehaqtek lheiap, koka ntasek elteklheiok aptapno'ok napaqtek ma'a Eniapom Neten! Ko'o nhan asto heiasennaikama Eniapom Neten, asnavek ko lheiap kakpota nhan apkelialheng'a nak apkeleltennasemmap ania'a, kakpota nhan apkellelto apkenmaikamok ania'a aktakha aktalhesammalhka vakkahak anak —lhta aptak heiano m'a.