Marcos 9:20 - Nuevo Testamento Toba Maskoy

²⁰ Ka apkeliantementamo lhnak apnakha Jesús apketkok nak ma'a, akvetai'o lhnak na kasekapok av'alhok m'a. Kolhvavek ankek nak ntemeskasekha' apketsepaikama, apiaqnanmo lhnak nalhepop apkellelhpokhaiangka lhnak ma'a, aktepkeskamo lhnak na akiaqmopai'a apatong.

Marcos 9:20 ပူးပေါင်းရင်းမြစ်များ

Marcos 1:26

Nkelpelhiennengkeskangkek nak enenlhet akpaqnemekho kasekapok av'alhok akpaiseiam ma'a, mang nak na ngkeskamak akpaiheiangka atong ma'a.

Marcos 9:18

Neksa akvekta kasekapok av'alhok, nieplavave mota akiamasma nalhepop, ntepke mota nhan akiaqmopai'a apatong, apkeltaklhek na apmo'ok, ngkeliennaktesema mota nhan apiempehek. Askeltavek lhe niekhe elentepkesek apkeltamesaikamok anak lheiap, koka man lhe nkollapvanka'ak ma'a —lhna aptemak.

Marcos 9:19

Koka lhna aptemak Jesús apkellanemo m'a: —¡Apkeliaskeiam ketlhengkap, heiastengangke niekhe, mankoleklemo niekhe nhan evalhok aspalhkaiangka mota ketlhengkap! ¡Ngva', eliantementa no apketkok anak halep! —lhna aptemak

Marcos 9:21

Ka apkenmalhneiangka lhnak Jesús apiapom apketkok ma'a, lhna aptemak: —¿Lhennenga nlho aktema heng, he? —Hai', lhennenga, aptemakha lhta nematka.

Marcos 9:26

Mpaihekama lhnak atong keliaqhameio', ka aktemeskasekho lhnak mokhom apketsepaikama, akteiapmo lhnak na m'a. Malha apketsepma lhna ntemeskeskamak apketkok nak ma'a. —¡Apketsepke, apketsepke! —lhna aptaiangkok enenlhet'avok ma'a.

Lucas 4:35

Koka lhna aptemak Jesús apkelpalhengkaseiangka m'a: —¡Kovanma', kotiep ham enenlhet anak! —lhna aptemak. Apkelelhpokhaikama lhnak nalhepop enenlhet nak ma'a aniem'o kasekapok av'alhok, ka akteiapmo lhnak na metka aktevasekha mokhom ma'a.

Lucas 8:29

Lhna ntemak ma'a akveneiangka m'a ngkanek apiamenaiangka lhnak Jesús kasekapok av'alhok akpaiseiam apmahai'a elentepkesek ma'a ngkanek nnaqtevaskankek na mota metka nnelha enenlhet anak. Apnakteteiangkek na niekhe' enenlhet knonemaie cadena apmeiok kakpota nhan apmanko'ok. Koka nkaqhemavek nak ma'a, apkelietepkeskangkek na mota kakpota enieniekhak akieto metkelha temma.

Lucas 9:39

Mpelapkeskanke mota aktaiekho aniem'o kasekapok av'alhok, mpesama mota apatong, nkelpelhiennengkaskek nahan, niakmopeskek na apatong ma'a, mangkomak'a nkoieniekha mota kasekapok anak ma'a.

Lucas 9:42

Sekha apmahai'a eteteskamok nak apketkok anak apkenmangkelha' Jesús, ka aktakho mokhom aliakpelhketo lhepop kasekapok av'alhok, mang na ngkeskama alpelhiennengkeskamo. Koka Jesús apkeliaskangkek na lhma' kasekapok av'alhok akpaiseiam ma'a, aptaqmelkasekho apketkok anak, apkaikokho nhan apiapom ma'a.

Juan 8:44

¡Aveske keliaqhameio' atkak ketlhengkap! Vanlha mota apkelleliehekho m'a, nentekioma niapom ma'a tep nak nanek ampai'osekha lhmankek ham, kakpota nhan akmovana ania'a anko ie, ngken na nenmopvana ania'a nak.

1 Pedro 5:8

Amanie la apkenmahai'a ellanangkok qaselhaha, nkaimelhkek nkolketmok apvalho'ok sekhe, elketnamok hata nhan ngkanek mankotno emmo'ok aveske keliaqhameio' nloka motaha malha aktonak akmeiva la'a akielhaivekamaha akteniai'a mota akmak'akha la nkotvok akiokho nkoie.