Marcos 8:29 - Nuevo Testamento Toba Maskoy

²⁹ —Ketlhengkap na, ¿se lha ko'o ie, he? —lhna aptemak. Ka apkatemmoiangka lhnak Pedro m'a: —Cristo lheiap —lhna aptemak.

Marcos 8:29 ပူးပေါင်းရင်းမြစ်များ

Marcos 4:11

Ka apkellatemmoiangka lhnak Jesús, lhna aptemak: —Nnek allangko eliangvomhok ketlhengkap qaselha akielhammalhka aktemakha aptema Apveske Eniapom Neten. Koka enenlhet'avok anak melpalhakvaiam nnek akmangka nema akietkeskama.

Lucas 9:20

Ka apkelelmalhneiangka lhnak mokhom Jesús ma'a, lhna aptemak: —¿Ketlhengkap na, ko la aptangkelha hetlheno ko'o m'a, he? —lhna aptemak. —Lheiap apto Cristo Eniapom Neten apkapaskama —lhna aptema Pedro apkatemmoiangka m'a.

Juan 11:27

Lhta ntak Marta atemmongka: —Hai apveske', moi'askakmok ko'o lheiap apto Cristo Eniapom Neten apketka aplhenammakpo nak evak hata hengke'e —lhta ntak.

Juan 4:42

Netamen alhta aptangkok apkellano ngkelvana lhta m'a: —Man lhek angeliaskakmok Jesús aktakha lhkek aklheianma lheia, koka kolhvave nak mangeliaskakmok ngkanek nelleng'ak aptakha apaivoma, kolhva neliavek apto hengvongkeskama tep ma'a aplhamakho enenlhet'avok lhmankek ham —lhta aptangkok enenlhet'avok.

Juan 6:68

Ka apkatemmongka lhta Simon Pedro m'a, lhta aptak: —Apveske, mamma apno enenlhet lheiap, vanlha lheiap apaivoma nak avankek hengankok akiennaktema ennenio'ok nkotnengvaianlha nnelha.

Juan 6:69

Mangeliaskeiakmok na ennengko'o lheiap, neliavek na apto apokkanma Eniapom Neten lheiap —lhta aptak Pedro.

Hechos 8:36

Apketlhengangkek nak mokhom, apkelvetangvekho lhnak akietnemakha iemmen, lhna aptemak apkanemo enenlhet nema alhakkeskama appopok Felipe: —Ka iemmen hengke'e, ¿ntase nlho helavkesek konne iemmen, he? —lhna aptemak.

Hechos 9:20

Apkempai'akha lhnak kolhvavek anke apkeltennaikama Saulo apkaqnekhelha judios Jesús apto Eniapom Neten apketka.

1 Pedro 2:7

Ka metaimong anak akto akmennave nkek napaqtavek ketlhengkap meliaskeiakmo nak, koka apkeliaskeiakmo nak ma'a ngkotnek hata apkelvetai'a aktemo nak aktalhesammalhka vakkahak Eniapom Neten apaivoma m'a, ka ntemak heng: «Ka metaimong alhta apkeltakheskamo apkellanekamok pa'at, ntakhek mokhom nema akmaikama aniem'o neten ankek aktaqmanma anmama m'a,

1 Juan 4:15

Apto la enenlhet aplheianma napaqtavek enenlhet'avok Jesús apto Eniapom Neten apketka, apasmekha nhan Eniapom Neten ma'a, Eniapom Neten na apasmekha m'a enenlhet anak.

1 Juan 5:1

Apkellelto nak meliaskeiam Jesús apto nhan Cristo koka apkelvesai'a m'a Eniapom Neten apketkak. Apkellasekhai'o la Eniapom, apkellasekhavek na apketkak la m'a.