Marcos 7:37 - Nuevo Testamento Toba Maskoy

³⁷ Avanhek ankek nak alpelapkeskama apkellengai'o ania'a enenlhet'avok ma'a, lhna aptaiangkok: —¡Ntasek anke nak apkelanai'a lhamakho qaselha, apkeltakmelkasakhe nak enenlhet'avok mellengai'a na lhma, kakpota nhan metka apkelpaqmeiasma! —lhna aptaiangkok enenlhet'avok ma'a.

Marcos 7:37 ပူးပေါင်းရင်းမြစ်များ

Marcos 1:27

Nkeliemaskangkek nak apvalho'ok enenlhet'avok ma'a, apkelpaqmetkesammakpo lhnak mok apankave, lhna aptaiangkok: —¿Se lha enenlhet ai'e? Apientelhe panke nak, alhnankok anak na hengetlhekmoskama. Mana ngkolhnok kasekapok alpaiseiam av'alho'ok aiempehek, nkellasekhave nak na apaivoma m'a —lhna aptaiangkok enenlhet'avok ma'a.

Marcos 2:12

Kolhvavek ankek nak apkenmekhak neten, apmamo lhnak na nema aktankeskama, ka aplhengamo lhnak ma'a. Nkelpelapkeskangkek nak apkelvetai'a enenlhet'avok ma'a, nieplomavek nak na apkeliavenkaskesaikama apvesai'a Eniapom Neten ma'a, lhna aptaiangkok: —¡Mangelvetai'ak ennengko'o ngkotnek akto nak ham! —lhnak aptaiangkok apkelpaqmeteiangka m'a.

Marcos 4:41

Apkenmenaiangkek nak apkeltamesaikamok Jesús, ka apkelpaqmeteiangka lhnak ma'a: —¿Se lha enenlhet hengka ie, he? Ngvakhave nak alhkaiam iemmen, kakpota nhan alvata asekhai'o apaivoma —lhna aptaiangkok ma'a.

Marcos 5:42

Kolhvave kankek nak nnekhak neten ma'a ngkelvana tkok, ka aklhengamo lhnak na m'a. 12 lhnak ngvaiakmok iantelhkapa nkok ma'a, avanhek nak aliemaskama apvalho'ok enenlhet'avok ma'a.

Marcos 6:51

Ka apkanantemo lhnak Jesús loma nemmen, mmaskenkek nak na alhkaiam ma'a. Avanhek ankek na ntemak alpelapkeskama apkelvetai'a apkeltamesaikamok ma'a.

Marcos 7:36

Netamen nak ma'a apkeleltennaskamavek nak Jesús enenlhet'avok melpaiaksek ania'a aktemakha apkelvetai'a m'a, koka apkeliangveskaiakmek nak ania'a m'a.

Marcos 8:1

Lhema aknem na ntemak ma'a apkaqnekho apentalhnema enenlhet apnakha Jesús, mamma lhnak aptekamok ma'a. Ka apkellaveiangka lhnak apkeltamesaikamok ma'a, lhna aptemak apkellanemo:

Lucas 23:41

Mamma aptemengveiakmo lhma' enenlhet anak, ennengko'o koka have niapak nellanekamok ngkollatsekama, nietave ngkolhek akiaqmongkasakho neltemakha akiavai'a nellengaiangko —lhna aptemak ma'a.

Hechos 14:11

Nkelpelapkeskangkek nak enenlhet'avok apkelvetai'o m'a, ka alpaiheiangka lhnak apatno'ok apkelpaqmeteiangka apkelpaqmeiasma apankave ko Licaonia, lhna aptaiangkok: —Koka dioses ham aptaikokha enenlhet, apkelvaivantaniek akieto nak hengke'e —lhna aptaiangkok.