Marcos 7:34 - Nuevo Testamento Toba Maskoy

³⁴ Ka apkammelhmo lhnak neten, aptepkeskamo lhnak apkamnoma, lhna aptemak: —¡Efata! Neltema, ¡konmaihekha!

Marcos 7:34 ပူးပေါင်းရင်းမြစ်များ

Marcos 1:41

Apietnai'avek nak napa'at Jesús ma'a, ka apmangveiakmo lhnak, lhna aptemak: —Hai', askeltavek ko'o ¡Kalhnekha apiempek anak! —lhna aptemak Jesús ma'a.

Marcos 15:34

Ka apkeliateiangka lhnak Jesús akiennaktema nkek ma'a, lhna aptemak: —Eloi, Eloi, ¿lema Sabactani? Neltema, Eniapom Neten, Eniapom Neten, ¿se lha ntak heienievo nak ke? —lhna aptemak Jesús ma'a.

Marcos 5:41

apmamo lhnak na amek Jesús, lhna aptemak apkanemo: —¡Talita, kum! —lhna aptemak. Nemaltema koka ¡lheia ngkelvana tkok, kotnemekha neten!

Marcos 6:41

Netamen apkenmamo lhnak Jesús 5 pan kakpota nhan hanet kelasma, apkammelhmo lhnak neten, aptemo lhnak na gracias Eniapom Neten ma'a. Netamen apkeliaptemo lhnak pan Jesús kakpota nhan kelasma, apkellaiangko lhnak apkeltamesaikamok kakpota ennaskangkok ma'a.

Marcos 7:35

Kolhvavek ankek nak nkenmaihekhak apaiko'ok ma'a, aktaqmelekho lhnak na apalhkok kanhan apkeliatekama.

Marcos 8:12

Nlhengamavek nak apneniek Jesús ma'a, lhna aptemak apkellanemo: —¡Se lha ntak helelmalhnengka nak alanak qaselha mongenatkeskama, momak'ak alana! —lhna aptemak Jesús ma'a.

Lucas 18:42

—Hai', ntase, etaqmelekhak hata aniem'o mei'askeiam lheiap —lhna aptemak Jesús m'a.

Lucas 19:41

Apkanketkeskangkek nak natemma Jerusalen ma'a, ka apkammelhmo lhnak natemma Jesús, apvenemo lhnak ma'a,

Lucas 7:14

Ka apteteskaiakmo lhnak apietnakha aphapak ma'a, apmangveiakmo lhnak na ntanema nema aktankeskama m'a. Apkelanveiakmo lhnak na enenlhet apkellelto apkelletsoma, lhnak aptemak Jesús apkanemo apketsepma: —¡Lheiap apketkok, etnemekha neten! —lhna aptemak.

Juan 11:33

Apvet'a lhta Jesús María akveno ka nhan judios avanhe lhta akiapqalhemmalhka m'a, ka akteiakmo lhta nhan apvalhok Jesús ma'a,

Juan 11:35

Ka apveno lhta nhan Jesús ma'a.

Juan 11:38

Mokhom alhta akteiam apvalhok Jesús aniem'o akientalhnema m'a, ka apteteskakmo lhta akieto metaimong alhva apietnemakha lhta aphapak Lazaro, lhta aptak: —El·hatsos metaimong atong anak —lhta aptak. Koka lhta ntak Marta: —Apveske', 4 aknem antak apketsepma ham Lazaro, aptapke' —lhta ntak.

Juan 11:41

Ka apkel·hatsoso lhta metaimong atong enenlhet ma'a, apkammelho lhta nhan neten Jesús, lhta aptak: —Eniapom, astak ko'o gracias lheiap ngkanek apkailhavek askenmalhnekama lheiap.

Juan 11:43

Ka apiennakteso lhta apvenekama Jesús, lhta aptak: —¡Lazaro, etiep ham! —lhta aptak.

Juan 17:1

Netamen apeneskama lhta apkeltennaikama Jesús ma'a, apkammelho lhta neten, lhta aptak: —Eniapom, ngvakmek aknem kolhvave nak kakpota elvetaskesek hata lhamakho enenlhet'avok apmopvana Apketka. Etnek hata nhan Apketka apkelvetaskeskama lhamakho enenlhet'avok aktemakha apmopvana lheiap.

Hechos 9:34

Lhna aptemak Pedro: —Eneas, Jesús hata etaqmelkasekha kolhvave nak, etnemekha neten, eliaqsasekha nema aktankeskama nak —lhna aptemak. Kolhvavek ankek nak apkenmekhak neten ma'a.

Hechos 9:40

Netamen Pedro m'a apkeltemo lhnak elentepok aplhamakho enenlhet ma'a, ka apkelteklheklhemo lhnak aptapno'ok nalhepop, apkenmalhnongkomo m'a, ka apkelanei'o lhnak atsepma m'a, lhna aptemak apkanemo: —¡Tabita, kolhnekha no neten! —lhna aptemak. Ka anmaiesekho lhnak aqto'ok ma'a akvetai'o Pedro, ka aknemo lhnak neten takhalhet aktanema.

Hebreos 4:15

Ka apiav'akha sacerdote nak ma'a apvankek elietnahok nengaqta'a ennengko'o neksa mongeliennaktema la'a, ngkanek apvetai'a lhta apmanie akiepkonma m'a, nnavek ennengko'o kolhvave nak, koka m'a melanai'ak qaselha ngkolatsekama la m'a.