Marcos 6:56 - Nuevo Testamento Toba Maskoy

⁵⁶ Lhamakho natemma, apiav'akha temma, aknakha nhan aniep aptalhnengvaianlha la Jesús, apnengkenaiangko lhnak anmaska apiempeiok nekha amai, apkeleltemo lhnak enmangvomok ketsek ankek nepva'a la apkaqlammap. Lhnak apto la apmangveiam ma'a, aptaqmelekhek na mota m'a.

Marcos 6:56 ပူးပေါင်းရင်းမြစ်များ

Marcos 3:10

Aplhaniek na songke anmaska apiempeiok apkeleltemo enmangvomok ma'a, apkellengai'ak nak na songke apkeltaqmelkeskaiam enenlhet ma'a.

Marcos 6:55

Apkeletkaikokho lhnak moklhem'a iokhalhma m'a kakpota ellaqlosengvakhak anmaska apiempeiok ma'a. Netamen apkelletsekho lhnak ieplomo nema altankeskama apvaianlha la Jesús ma'a.

Lucas 22:51

koka lhnak aptemak Jesús: —¡Vanlha, mennapap! —lhna aptemak. Ka apmangveiakmo lhnak apaikok enenlhet lhek ma'a, aptaqmelekho nhan.

Lucas 6:19

Lhamakho lhnak na apkenmahai'a enmangvomok Jesús ma'a, apkeltaqmelekhek nak na aniem'o apmopvana alenteiapma Jesús ma'a.

Lucas 8:44

Ka aktetesaiangko lhnak akieto apkapok Jesús, akmangveiakmo nepva'a apkaqlammap ma'a, kolhvavek nak mmaskemak akteiapma akiavai'a ema ankok ma'a.

Hechos 4:12

Vanlha koka apvankek hengelvongkesek tep ma'a ngkanek apvesai'a nak akto neten ankek ma'a, mangkolhnok po'ok enenlhet takhalhet lhepop anak —lhna aptemak Pedro apkellanemo m'a.

Hechos 4:9

apkeleltave nlho eliohok aktemakha qaselha altaqmelo aktaqmelkeskakmo lhta enenlhet akmaska apiempek alhta.

Hechos 5:15

lhna songkek apkelpetkangvekho lhnak anmaska apiempeiok akieplomo nema altankeskama akieto amai apmak'akha eiekak Pedro, apkeleltemo akmak'akha la ngkotnek nkapvomok peskeska apankok ma'a.