Marcos 6:41 - Nuevo Testamento Toba Maskoy

⁴¹ Netamen apkenmamo lhnak Jesús 5 pan kakpota nhan hanet kelasma, apkammelhmo lhnak neten, aptemo lhnak na gracias Eniapom Neten ma'a. Netamen apkeliaptemo lhnak pan Jesús kakpota nhan kelasma, apkellaiangko lhnak apkeltamesaikamok kakpota ennaskangkok ma'a.

Marcos 6:41 ပူးပေါင်းရင်းမြစ်များ

Marcos 14:22

Neksa aptaveikokha, apmamo lhnak Jesús pan, aptemo lhnak na gracias Eniapom Neten. Apiaptemo nhan ma'a, apkellaiangko lhnak na apkeltamesaikamok, lhna aptemak apkellanemo: —¡Enma', etavamok! Koka hengka akto asiokha —lhna aptemak.

Marcos 6:40

akvakmo apasmekha apkakhaikamok 50 kakpota nha 100. Ntemengkek nak ma'a.

Marcos 6:42

Aptoiangkek nak ma'a akvakmo apkeliaqkanakmo.

Marcos 7:34

Ka apkammelhmo lhnak neten, aptepkeskamo lhnak apkamnoma, lhna aptemak: —¡Efata! Neltema, ¡konmaihekha!

Marcos 8:19

askennasko lhta 5 pan apieseksek malha 5.000 enenlhet'avok. ¿Se lhta iama posak aklhatmommalhka akiekangvakmo m'a ie, he? —lhna aptemak. Ka apkellatemmoiangka lhnak apkeltamesaikamok: —12 iama posak alhta nkeliekangvakmok ma'a —lhna aptaiangkok.

Lucas 24:30

Apkakhaiangkek nak aptaveikokho m'a, ka apmamo lhnak pan Jesús, aptemo lhnak na gracias Eniapom Neten, apkellaiangko nhan ma'a.

Lucas 9:16

Netamen nak ma'a apkenmamo lhnak 5 pan Jesús kakpota nhan hanet kelasma, apkammelhmo lhnak neten, aptemo nhan gracias Eniapom Neten. Apkellaiangko lhnak na apkeltamesaikamok ma'a kakpota ellaskangkok apieseksek enenlhet'avok ma'a.

Juan 11:41

Ka apkel·hatsoso lhta metaimong atong enenlhet ma'a, apkammelho lhta nhan neten Jesús, lhta aptak: —Eniapom, astak ko'o gracias lheiap ngkanek apkailhavek askenmalhnekama lheiap.

Juan 17:1

Netamen apeneskama lhta apkeltennaikama Jesús ma'a, apkammelho lhta neten, lhta aptak: —Eniapom, ngvakmek aknem kolhvave nak kakpota elvetaskesek hata lhamakho enenlhet'avok apmopvana Apketka. Etnek hata nhan Apketka apkelvetaskeskama lhamakho enenlhet'avok aktemakha apmopvana lheiap.

Juan 6:11

Ka apkenmo lhta Jesús pan, apto lhta nhan gracias Eniapom Neten, apkellangko enenlhet'avok ma'a, nnavek alhta nhan kelasma. Aptavengke lhta lhamakho enenlhet'avok ma'a

Juan 6:23

Ka apkelvetai'o lhna lhta nhan atlheiakmo aklhamakha loma nemmen alleniemai'o m'a na temma Tiberias, nengaqte lhta aptemakha lhta gracias Eniapom Neten Jesús ma'a, apkellaiangkelha lhta nhan aptekamok enenlhet'avok apentalhnema m'a.

Hechos 27:35

Ka apmo lhta pan Pablo m'a, apto lhta nhan gracias Eniapom Neten, apkennasko nhan, aptavo nhan.

Romanos 14:6

Apkellelto nak apkelpokkenkeskama lhema aknem anke kakpota eltakneskasangkok Apveske, apteniaikamok mota apkellai'o m'a. Apkellelto nak na apkeltaseiama lhma, apteniaikamok na mota apkellai'o Apveske kakpota nhan etnangkok gracias Eniapom Neten. Apkellelto nak meltaseiama lhma, apteniaikamok na m'a apkellai'akha la'a Apveske kakpota nhan etnangkok gracias Eniapom Neten ma'a.

1 Corintios 10:31

Ntasek ellaho Eniapom Neten neksa apkenmahai'a etavangkok, einangkok, kanhan lhamakho qaselha apkenmak'akha la ellanangkok.

Colosenses 3:17

Neksa apkellanai'a la lhema qaselha, nlho la nhan etlhenek apkenmak'akha la etlhenek, enmama ta nhan apvesai'a Apveske Jesús. Etnamok hata nhan gracias eniapma'ak anak apvesai'a Eniapom Neten aniem'o nhan Jesús.