Marcos 6:14 - Nuevo Testamento Toba Maskoy

¹⁴ Netamen aplengai'o lhnak na apiav'akha apveske Herodes ania'a aplhenammap Jesús ma'a, lhamakho aktemakha qaselha hempelapkeskama apkellanai'a m'a. Moklhem'a enenlhet nak aptaiangkok apkelpaqmeiasma: —Juan annenga apkellavkeskama iemmen na aniapom ma'a, aplhatekhangveiakmek apieseksek apkenmaskengvaiakmo m'a ka ngkanek ngkolhek apmopvana m'a —lhna aptaiangkok.

Marcos 6:14 ပူးပေါင်းရင်းမြစ်များ

Marcos 1:28

Kolhvavek ankek nak nketkaikama ania'a iokhalhma Galilea lhamakho aktemakha qaselha apkellanai'a Jesús ma'a.

Marcos 1:45

Koka apketkasekama lhnak ania'a lhamakho iokhalhma, lhna songkek na Jesús mevomek moklhem'a la iokhalhma aniem'o apkeliasekamo lhma enenlhet'avok ma'a. Metkelha temma lhnoka aplomaka mota m'a, koka apentelhek nak na enenlhet apkelioiam apnaianlha mota m'a.

Marcos 8:28

Ka apkellatemmoiangka lhnak ma'a, lhna aptaiangkok: —Moklhem'a enenlhet apketlheianma lheiap Juan apkellavkeskama iemmen na niapom. Napokha enenlhet apketlheianma nhan Elias apkeltennasemmap ania'a annenga, moklhem'a nhan apketlheianma lheiap apto apkeltennasemmap ania'a annenga —lhna aptaiangkok apkellatemmoiangka m'a.

Lucas 13:31

Apkelvai'ak nak fariseos apnakha Jesús ma'a, lhnak aptaiangkok: —Jesús, etaqhekha ta, Herodes lhek apmak'ak eniaqhek lheiap —lhna aptaiangkok.

Lucas 3:1

15 iantelhkapa lhnak ngvaiakmok aptema apveske neten apankek Tiberio Cesar m'a iokhalhma Roma. Poncio Pilato lhnoka gobernador iokhalhma Judea, Herodes Antipas noka m'a apto gobernador iokhalhma Galilea. Filipo Herodes apialheng koka gobernador hanet iokhalhma alvesai'a Iturea kakpota nhan Traconitide. Lisanias koka gobernador iokhalhma Abilene.

Lucas 7:17

Kolhvavek ankek nak nketkaikama ania'a apvesai'a Jesús iokhalhma Judea kakpota nhan nekhav'ak.

Lucas 9:19

Ka apkellatemmoiangka lhnak apkeltamesaikamok ma'a: —Moklhem'a enenlhet apketlhenkek apto lheiap Juan apkellavkeskama iemmen aniapom alhta. Po'ok na apketlhenak Elias apkeltennasemmap ania'a annenga lheiap. Napokha nhan apketlhenak apto lheiap apkeltennasemmap ania'a annenga aplhatekhangveiam —lhnak aptaiangkok ma'a.

1 Tesalonicenses 1:8

Apkelpaieske lhta nhan ania'a aktaqmanma ketlhengkap ma'a akieto Macedonia kanhan Acaya, lhamakho aiempek nnek alioho ketlhengkap akietnema meliaskeiam Eniapom Neten, mangkaimelhkak ennengko'o angetlhenama apkelvesai'a ketlhengkap ma'a.

Hebreos 2:4

Apkelan'a lhta nhan Eniapom Neten qaselha mongenatkeskama, qaselha hempelapkeskama kanhan qaselha aktaqmelo mongvetai'o kakpota nhan apkellaiangko lhta Espíritu Santo apmak'akha la ellangkok kakpota ngkotnek iokhalhmek ma'a ania'a apketlheianma.