Marcos 5:7 - Nuevo Testamento Toba Maskoy

⁷ lhna aptemak apkelpalhemaiangka m'a: —¡Jesús, Eniapom Neten Apketka apto apnema netne kanke nak, manghelanaktes, manghetneskes aslengaiangko akientalhnema. Askenmalhnakkek lheiap akieplomo apvesai'a Eniapom Neten!

Marcos 5:7 ပူးပေါင်းရင်းမြစ်များ

Marcos 1:24

—¡Aiai, manghengeliasamolhma Jesús ko Nazaret! ¿Apmak'a nlho hennaqtevaksek, he? Asiave ko'o Eniapom Neten apokkanma lheiap —lhna ntemak kasekapok av'alhok ma'a.

Marcos 14:61

Koka mang nak eniatemmoikama Jesús ma'a. Apkenmalhnekhavek nak mokhom apto apiav'akha sacerdote m'a, lhna aptemak: —¿Lheiap ai'e Cristo, apketka m'a apto nak apkeliavenkaskesaiangka na mota apvesai'a enenlhet?

Marcos 3:11

Neksa alvetai'a lhnak kasekapok av'alho'ok alpaiseiam Jesús ma'a, alentankesentamo lhnak nalhepop enenlhet'avok napaqtek ma'a. Ngkelpaihekama lhnak na atno'ok ma'a, lhna antaiangkok: —Eniapom Neten Apketka lheiap —lhna ntaiangkok ma'a.

Marcos 5:6

Apvetai'ak nak mokhe enenlhet anak Jesús, ka apketameiangko lhnak ma'a, apkelteklhekvai'o lhnak aptapno'ok nalhepop napaqtek ma'a,

Marcos 5:8

Lhna ntemak kasekapok av'alhok akpaiseiam ngkanek Jesús apkelpalhengkaseiangka m'a, lhna aptemak: —¡Koieniekha ham enenlhet anak kasekapok av'alhok akpaiseiam! —lhna aptemak.

Lucas 1:32

Nkovak hata aknem aptema neten apankek apiaspommap ma'a nematka nak, eleltangkok hata enenlhet'avok Apketka apto Apveske netne kanke nak. Apveske Eniapom Neten hata nhan eniangkok aptanema apveske aptanmo lhnak nanek na apiata nnenga David.

Lucas 4:34

—¡Jesús ko Nazaret, manghengeliasamolhma! ¿Apmak'a nlho hennaqtevaksek lheiap, he? Asiavek ko'o lheiap apto apokkanma Eniapom Neten —lhna ntemak ma'a.

Lucas 6:35

Nkaimelhkek na ketlhengkap ellasekhok apkellammelhmakha la'a, eleltaqmelkes kakpota nhan ellangkok apkeliaqmoma metka apkellailhema apkeltakheskamo qaselha apkeliaqmoikamok la'a. Netamen ngkolhek hata allangko akiavai'a nkek akianmoma m'a, etnangkok hata nhan apketkak ma'a Apto Apnema m'a netne kankoie. Apkeltaqmelkeskamo nhan apkellangiemhaikama apkellelto nak metnaikamok gracias ma'a kanhan apkellanekamo qaselha ngkollatsekama.

Lucas 8:28

Ka apvetai'o lhnak enenlhet Jesús ma'a, apkeltanentamo lhnak aptapno'ok napaqtek ma'a, ka nkeskamo lhnak akveneiangka m'a, lhna ntemak: —¡Jesús, Eniapom Neten apketka apto apnema netne kanke nak! ¡Skapioselhkek ko'o manghetvasekha!

Juan 20:31

Koka aklhamakho qaselha akietno vakkahak anak, nema aktalheskama kakpota meliaskamek hata ketlhengkap Jesús apto Cristo Eniapom Neten apketka, hata nkoniema' aliennaktema apnenio'ok mankotnengvaianlha nnelha ketlhengkap ma'a aniem'o apvesai'a m'a.

Hechos 16:17

Ka ampo'o lhta akiepleiam Pablo kakpota nhan ennengko'o ngkelvana tkok, ma lhta nkasak akveneiam nentamna'ak ma'a, lhta ntak: —Ka enenlhet'avok anak ham apkellennengkasekama Eniapom Neten apto apnema nak netne kankoie, apkelva'ak apkenmahai'a etlhenek ania'a aktemakha nengelvongkasemmalhka ta tep —lhta ntak akveneiam ngkelvana tkok alhta m'a.

Hechos 19:13

Apkellomaka lhnak na 7 enenlhet judios ma'a, sacerdote lhnoka apkeliapom ma'a, Esceva lhnak apvesai'a m'a. Apkenmahai'o lhnak na elienieskasekhak kasekapok av'alhok ngkollatsekama aplhamakho enenlhet'avok ma'a, apkenmahai'o lhnak enmama apmopvana Apveske Jesús ma'a, lhna aptaiangko mota apkellanemo kasekapok av'alho'ok: —Nietnek ennengko'o apmopvana aniem'o Jesús apkeleltennaskamo lhta nha mota Pablo, kolentep ham enenlhet'avok anak —lhna aptaiangkok.

Hechos 8:36

Apketlhengangkek nak mokhom, apkelvetangvekho lhnak akietnemakha iemmen, lhna aptemak apkanemo enenlhet nema alhakkeskama appopok Felipe: —Ka iemmen hengke'e, ¿ntase nlho helavkesek konne iemmen, he? —lhna aptemak.

Romanos 16:20

Ketse nkaimelhka Eniapom Neten apto aktaqmelaikama engvalho'ok aniapom apteiokmek apaieskamo Satanas, epekkanvetak hata nhan koneng apmangkok ketlhengkap ham. Hai', askeltavek ko'o Apveske engankok Jesucristo eltaqmelkeskesek apkellaniemhaikama ketlhengkap ham.

Hebreos 2:14

Ka Eniapom Neten apketkak anak enenlhet apankavek ma'a, nietnek aphapetek kanhan ema apanko'ok ka nkeniemai'ak na aptaiekho lhta enenlhet apankek Jesús ma'a, ka apketsepmo nhan ma'a, aptemeskesekho lhta nhan koneng aveske netsepma akvesai'a nak aveske keliaqhameio'.

Hebreos 7:1

Koka Melquisedec nak nanek apto apiav'akha apveske akieto m'a Salem, aptemo lhnak nanek na sacerdote apkasennaikama Eniapom Neten apto apnema netne kanke nak. Apteiapmo apkellanielhaiangko lhnak Abraham kakpota emok takha m'a, apkaiangko lhnak na lhema apaivoma aktaqmanma apkeltemo nkotiepok apkaniemhaikama Abraham ngkanek apkeltemeskesekho koneng apkennapommap apkeliav'akha apkelveskaie'.

Santiago 2:19

Ntasek meliaskame vanlha lhema aphapak Eniapom Neten kanhan apto Apveske, koka kasekapok av'alho'ok mangkoliaskakmok na m'a, nkolpelhiennemok na allai'a m'a.

2 Pedro 2:4

Mang nak nanek enmekhok takha Eniapom Neten ángeles apkellanekamok ngkollatsekama, apkelhakhangveiakmo m'a akieto nkospanei'akha talha, apnaktangveiakmo nhan lhema av'alhok ienaqtesakha lhma, koka m'a apkelel·halhanmek nkovak aknem aliekpelkammalhkelha ta nentaiangkolha.

1 Juan 3:8

Koka apto la enenlhet apkelanai'a mota ngkolatsekama, aniem'o nhan aveske keliaqhameio m'a, vanlha mota alanai'a ngkolatsekama m'a ampai'o lhnak nanek tep nak nanek alanemmalhko sekha lhmankek ham. Ka nkeniemai'ak apvai'o nhan Eniapom Neten Apketka kakpota etvaskesek na aktemakha alanai'a mota lhamakho qaselha ngkolatsekama m'a.

Judas 1:6

Apkakhaiangkek nak nanek na ángeles meleliehekho Eniapom Neten, melietemo lhnak nanek apkellanemmakpelha etnangkok ma'a, apkelieniekho lhnak nanek na apkellomakha. Ka ngkanek Eniapom Neten apkelhakhamo lhnak nanek aiseksek ienaqtesakha lhma apnaktamo. Apkakhangkek mokhom ma'a nenvanlha nak akvaiakmo ta nhan aknem akientalhnengvaiam aliekpelkammalhkelha nhan nentaiangkolha.

Apocalipsis 12:12

¡Kopaihekha ta av'alhok neten kanhan apkellelto apkelloma m'a neten! ¡koka ketlhengkap la ie' apkelloma nak takhalhet lhepop kanhan apkelloma nak alvata! Ngkanek ngvaivantaniek aveske keliaqhameiok apkelammelhma ta ketlhengkap ham, mangkasak aknatheskama m'a ngkanek niavek na ketsek nkaimelhka aknem nkotvasalhkak hata m'a —lhta ntak nema aliatekama m'a.