Marcos 3:16 - Nuevo Testamento Toba Maskoy

¹⁶ Ka apkelvesai'a lhnak 12 hengke'e: Simon, aptemeskesekho lhnak apvesai'a Pedro.

Marcos 3:16 ပူးပေါင်းရင်းမြစ်များ

Marcos 1:16

Neksa aplhengama lhnak Jesús neiava alvata akieto Galilea, apvetangveiakmo lhnak Simon ka nhan apialheng Andres apkelhaikokho iama tetekko nemmen ma'a. Vanlha lhnak apkenmakmekama apkelteniaikamo mota kelasma m'a.

Marcos 3:15

Ka apkellaiangko lhnak na apkenmopvanka m'a kakpota elentepkasangkok kasekapok av'alho'ok.

Marcos 3:17

Jacobo kakpota nhan apialheng Juan, Zebedeo apketkak nak ma'a, apkeltemeskasekho lhnak apkelvesai'a Boanerges, nema altema apkelhtenioma atkak.

Lucas 6:13

Ka atsai'o lhnak ma'a, apkellaveiangka lhnak lhamakho apkeltamesaikamok, koka apkeliekieskamo lhnak vanlha 12 enenlhet kakpota etnangkok apkelapasekama. Netamen nak ma'a, apkelapaskamo lhnak kakpota elpaiaksek ania'a aktaqmanma m'a.

Juan 1:42

Ka apiantemakho lhta Andres Simon apnakha Jesús ma'a, lhta aptak Jesús apkano Simon: —Lheiap anak Simon Juan apketka, koka kolhvave nak etnekhak hata apvesai'a Cefas, mo'ok nemaltema toka Pedro —lhta aptak Jesús.

Hechos 1:13

Pedro lhnak m'a kakpota nhan Juan, Jacobo, Andres, Felipe, Tomas, Bartolome, Mateo, Jacobo Alfeo apketka, Simon apto celote kakpota nhan Judas Jacobo apketka. Ka apkelvekho lhnak apkakhaiangkolha m'a, apkelkanetvekho lhnak akieto neten pa'at ma'a.

1 Corintios 1:12

Lhna lhta aptaiangkok moklhem'a hengke'e: —Ennengko'o nelieplavkasak hengetlhekmoskama Pablo —lhna lhta aptaiangkok ma'a. Koka napokha lhna lhta aptaiangkok: —Ennengko'o koka nelieplavkasak hengetlhekmoskama Apolos —lhna lhta aptaiangkok ma'a. Po'ok na lhta nhan aptaiangkok: —Ennengko'o koka nelieplavkasak hengetlhekmoskama Cefas —lhna lhta aptaiangkok. Aplhamakha lhnak na aptaiangkok: —Ennengko'o koka nelieplavkasak hengetlhekmoskama Cristo —lhna lhta aptaiangkok.

1 Corintios 3:22

Ko'o Pablo, Apolos kakpota nhan Cefas nengelelto nhan malha enganko'ok ketlhengkap. Kanhan ma'a nenganiemhaikama nak, nengetsepma nak, qaselha nenvetai'a nenvanlha nak, ka nhan emmanie ta, lhamakho qaselha nak malha apanko'ok na ketlhengkap ma'a.

1 Corintios 9:5

Nietavek na angeliantemok entava la Jesucristo aknemolhema nemmankolha la'a, ka aptaiangkolha lhta nha mota po'ok nema allapaskamo, kakpota nhan apkelialheng'a Apveske, ka nhan Cefas.

2 Pedro 1:1

Ko'o Simon Pedro asto heiapaskama kanhan heiasennaikama Jesucristo, nlhenkek evalhok aplhamakho apketlhevai'a nak mangiaskeiam aktaqmanma nke', ka kto nak ennengko'o aniem'o nak Eniapom Neten kanhan Jesucristo apto apeivomo kanhan hengelvongkeskama tep.