Marcos 2:7 - Nuevo Testamento Toba Maskoy

⁷ —¡Mangkolatsema aptakha nak apaivoma, aptevaske nak Eniapom Neten apvesai'a. Vanlha koka niekhe Eniapom Neten apmopvana etneskesama apankek meliehekho nak enenlhet apkaskamakha m'a! —lhna antaiangkok alietnaikama apaqto'ok ma'a.

Marcos 2:7 ပူးပေါင်းရင်းမြစ်များ

Marcos 2:6

Apkakhaiangkek nak na moklhem'a escribas ma'a, nkelpaqmeiasmek nak apvalho'ok, lhna ntaiangkok ma'a:

Marcos 2:8

Kolhvavek ankek nak apiekpelkemak Jesús alietnaikama apaqto'ok ma'a, lhna aptemak: —¿Se lha ntak alietnangka nak apaqto'ok ngkollatsekama ketlhengkap ke, he?

Lucas 5:21

Nkellomavek nak apvalho'ok apkellengai'o escribas kakpota nhan fariseos, nkelpaqmetekama lhnak apvalho'ok ma'a: —¡Aptevaske nak apvesai'a Eniapom Neten ha'e, vanlha niekhe Eniapom Neten apvankek etneskesama apankek meleliehekho apkellaskamakha m'a enenlhet! —lhna aptaiangkok ma'a.

Lucas 7:49

Koka lhna aptaiangkok apkelpaqmeiasmo mok apankavek apkellelto apkellanemmap: —Apientalhnesakpe na apanke enenlhet anak, aplheno apmopvana etneskesama apankek nentemakha ngkolatsekama —lhna aptaiangkok ma'a.

Juan 10:33

Ka apkellatemmongka lhta enenlhet'avok ma'a, lhta aptangkok: —Mongellelto ennengko'o angennapok aniem'o altaqmelo la qaselha sekhe lhta apkelanai'a, nengeltavek angellaqhek lheiap ngkanek aplhenakpe mota apankek apnemo Eniapom Neten, enenlhet apankek lheiap, aptevaskek na apvesai'a Eniapom Neten —lhta aptangkok.

Juan 10:36

¿Se lha ntak hetlheno nak astevaskama apvesai'a Eniapom Neten aniem'o lhkek askeltammalhko nhan apketka apankek ma'a, he? Have niapak anke Eniapom apto hepokkanma, heiapaskama nhan ma'a.