Marcos 2:5 - Nuevo Testamento Toba Maskoy

⁵ Ka apvetai'o lhnak Jesús metka apkeliaskeiam ma'a, lhna aptemak apkanemo enenlhet metka aptapno'ok: —¡Eietka, nnek aktemeskesangka nkek meliehekho apkaskamakha Eniapom Neten lheiap! —lhna aptemak ma'a.

Marcos 2:5 ပူးပေါင်းရင်းမြစ်များ

Marcos 2:6

Apkakhaiangkek nak na moklhem'a escribas ma'a, nkelpaqmeiasmek nak apvalho'ok, lhna ntaiangkok ma'a:

Marcos 5:34

Netamen lhna aptemak apkanemo Jesús: —Eietka, ntaqmelakhek lheia aniem'o mangkoiaskeiam. ¡Kotaqhekha metka aktaikama av'alhok, mmaskek akmaska aiempek lheia! —lhna aptemak Jesús.

Lucas 5:20

Apvetai'o lhnak Jesús meliaskeiam apkellelto apkelletsoiam enenlhet ma'a, lhna aptemak apkanemo akmaska apiempek: —¡Nnek aktemeskesangka nkek meliehekho apkaskamakha Eniapom Neten lheiap! —lhna aptemak apkanemo m'a.

Lucas 8:48

Koka lhna aptemak Jesús apkanemo: —Lheia eietka, ntaqmelakhek aniem'o nkoi'askeiam, kotaqhekha metka aktaikama av'alhok —lhna aptemak.

Juan 5:14

Netamen alhta m'a apvetakho lhta mokhom Jesús enenlhet konne Eniapom Neten apnemakha, lhta aptak Jesús apkano: —Aptaqmelakhave i'e lheiap, melanekha nkek mokhom ngkolatsekama, ngkotnekhak kelha mokhom akiavai'a akmaska apiempek —lhta aptak apkano.

Hechos 11:23

Bernabe lhnoka apto enenlhet apiamolhma', aklanei'o lhnak na apvalhok Espíritu Santo m'a kakpota nhan mei'askeiam ma'a. Apvekhek nak Bernabe m'a akieto Antioquia, apvetangvekho lhnak Eniapom Neten apkeltakmelkeskama enenlhet'avok ma'a, avanhek ankek nak na akpaihekha apvalhok ma'a. Ka apkeliatekho lhnak ma'a enenlhet'avok kakpota melvatesankek apkelleliehekho Apveske. Aplhaniek nak enenlhet apkellailhemo Bernabe, ka aptaiangko nhan meliaskeiam Apveske m'a.

Hechos 14:9

Apkailheiangkavek nak apketlhekmoskama Pablo m'a, ka apkeltameskamo lhnak Pablo m'a enenlhet anak, apvetai'ak nak mei'askeiakmo m'a kakpota etaqmelekhak ma'a.

Hechos 5:31

Ka nhan aptemeskeskamo apto neten apankek ma'a, apneskekho nhan akieto akiennakha apoktong, kakpota nhan etneskesek apto Aplaqlekama niapom kakpota nhan Elvongkesek tep enenlhet'avok ko Israel. Kakpota eliaqmongkasekhak na mo'ok apvalho'ok, etneskesama apankek na meleliehekho apkellaskamakha m'a.

1 Corintios 11:30

Mantek enenlhet apieseksek anak ketlhengkap akvai'o nak anmaska apiempeiok ham, meliennaktema, po'ok na apketsepak aniem'o aptoma apanke neksa apkelanai'a ngkollatsekama.

2 Corintios 2:10

Koka apkeltangka la apankavek ketlhengkap qaselha ngkolatsekama lhta apkelaneskasekamok enenlhet alhta, ko'o ta nhan atneskesama ehenkek ma'a, malha napaqtek na Cristo, kakpota nkovak na aktaqmanma apkellangiemhaikama aplhamakho pankavek ketlhengkap ham.

Efesios 2:8

Aktaqmanma nkek apkellanei'o Eniapom Neten ka nkeniemai'ak apkelvongkeskamo tep, meliaskeiakmo songke ketlhengkap ma'a. Metka akianmoma nhan ma'a, have apteniaiangko apiempeiok apteniaikamok ma'a.

Colosenses 3:13

Meltaqneva' pankek apieseksek anak ketlhengkap, eltemeskesama ta nhan apankavek apnaqtevasekpo la ketlhengkap, ka kto nak Apveske aptaiangka na apankek meliamolhma ketlhengkap.

Santiago 5:15

Ka apkelelmalhno la akieplomo meliaskeiam ma'a, etaqmalvomok hata akmaska apiempek anak. Apveske Jesús hata emaskeskesek aplengaiangko m'a, akietno la nhan ngkolatsekama apkelanai'a, etneskesama ta nhan apankek ma'a.