Marcos 16:9 - Nuevo Testamento Toba Maskoy

⁹ Ampakhasekha nke knem semana lhna ntemak ma'a, sosekhek ankek na ntemak ma'a aplhatekhangveiakmo Jesús apieseksek apkenmaskengvaiakmo. Apvetaskesammakpo nhan amanie María Magdalena, apkelentepkeskeskamo lhnak av'alhok sekhek ankek 7 kasekapok av'alho'ok ma'a.

Marcos 16:9 ပူးပေါင်းရင်းမြစ်များ

Marcos 15:40

Nkellomaka lhnak na moklhem'a ngkelvana'ak ma'a, mokhek nak nkelanvai'ak allaneiangka m'a. María Magdalena, Salome, kakpota nhan María, José ngken, apselhiek nak atka apvesai'a Santiago.

Marcos 15:47

Nkellanekama lhnak ma'a María Magdalena kakpota nhan María José ngken akietemelha apekkanveianlha konne aphapak ma'a.

Marcos 16:8

Nkeletkentaniek nak alenteiapmo konne nemakha aklhengkeskaianlha enghapak ma'a, nkelelpelhiennongkek nak na allai'a. Mang nak na nkotlheianmak aktemakha alvetai'a neksa alelhiaiam amai, nkelienvaktengkek na songkek ma'a.

Lucas 24:10

María Magdalena lhnak ma'a kakpota nhan Juana, María Jacobo ngken kakpota nhan mo'ok ngkelvana'ak alletsakheskamo lhnak ania'a m'a apkelapaskamo.

Lucas 8:2

Apketlhelhma'ak nak na moklhem'a ngkelvana'ak ma'a, lhennenga lhnak aktaikamok anmaska aiempeiok kakpota nhan aknaqtevaskama kasekapok av'alho'ok ngkollatsekama, Jesús noka apkeltaqmelkeskaiakmok ma'a. Ka alvesai'a lhnak hengke'e, María nema altema lhnak na Magdalena, apkelentepkeskeskamo lhnak siete kasekapok av'alho'ok ma'a.

Juan 20:12

Akvetai'o lhna lhta apqanet ángeles apkenmopai'a lhna lhta apkelentalhnema m'a. Apkakhaiangkek na lhta nemakha akpekkanveianlha aphapak Jesús ma'a, lhema lhna lhta apnemak akieto nepvahe, po'ok na lhta nhan akieto nepmankok.

Hechos 20:7

Ampakhasekha nke knem semana alhta ntak nengaqnakho m'a akieto mo'ok av'alhok neten pa'at kakpota angellanangkok nentoma aktaqmanma m'a. Nlhanie lhta nhan talha alhankok nema alapommatkeskama m'a, aholhe lhta apketlhekmoskama Pablo m'a meliaskeiam ma'a akvakmo neplhet pelhasep alhta m'a, lhta ngkanek apmak'o elhong mokhom sosekhek ankek ma'a.

1 Corintios 16:2

Lhamakho ampakhasekha aknem semana ta eltaqmelkeskasangkok nekha atkok patakkom akianmoma la apkenmakmekama aktakha la akianmoma kakpota mankaimalhkek ellankesokhak asvakho ta ko ham.

Apocalipsis 1:10

Aknem apanko lhta ntak Apveske m'a, mpelapkaske lhta akvo'o aklanei'o evalhok apmopvana Espíritu, asleng'a lhta nema aliatekama netamen ko'o, akiennaktema nkek akpaivoma malha trompeta la'a,