Marcos 16:16 - Nuevo Testamento Toba Maskoy

¹⁶ Mang hata nkek eliaskakmok, ngkolhek hata nhan allavkeso konne iemmen, elvongkasakpok hata nhan tep ma'a. Koka apkeliaskakmo la'a, etlhenakpok hata apnaqtevasemmap.

Marcos 16:16 ပူးပေါင်းရင်းမြစ်များ

Marcos 1:15

Lhna aptemak: —Ngva'ak aknem aklhenammalhko lhnak nane mota, nkanketva'ak na etnekhak hata apveske Eniapom Neten. ¡Eliaqmongkasekha ta mo'ok apvalho'ok, meliaskam ankek na ania'a aktaqmanma nak! —lhna aptemak Jesús ma'a.

Lucas 8:12

Moklhem'a enenlhet ngva'ak ma'a aknemo m'a aktek lhek akpalleiam amai. Apkellailhemo ania'a koka kolhvavek ankek na ngva'ak aveske keliaqhameio', ka akmenielhkaso ania'a lhkek kakpota eliaskamok, melvongkasakpek tep na m'a.

Juan 20:31

Koka aklhamakho qaselha akietno vakkahak anak, nema aktalheskama kakpota meliaskamek hata ketlhengkap Jesús apto Cristo Eniapom Neten apketka, hata nkoniema' aliennaktema apnenio'ok mankotnengvaianlha nnelha ketlhengkap ma'a aniem'o apvesai'a m'a.

Juan 3:36

Mang hata nkek eliaskakmok Apketka nak, ngkoitek hata aliennaktema apnenio'ok mankotnengvaianlha nnelha. Koka apkellelto la apkeliaskeiam ma'a, mangkolhek hata aliennaktema apnenio'ok, hato ka eliaqmongkaskesekhak apkeltemakha Eniapom Neten ma'a.

Juan 3:5

Ka apkatemmoiangka lhnak Jesús: —Nkaimelhke' nak etiemok aniem'o Espíritu kakpota nhan iemmen, kakpota etalhnengvomok ma'a aptemakha nak apveske Eniapom Neten, akto have niapak ankek ma'a.

Juan 5:24

Apto la enenlhet aptaqmelkeskamo apkailhemo astakha alheianma, mei'askakmo la nhan apto heiapaskama, have niapak ankek enenlhet anak ngkoitek hata akiennaktema apneniek nkotnengvaianlha nnelha, meselhnanakpe hata nhan. Malha apketsepma lhta aptemak, kolhva koka aptakhak aphalhnankok.

Juan 6:29

Ka apkellatemmongka lhta Jesús ma'a, lhta aptak: —Eniapom Neten apkeltavek meliaskamek apto apkapaskama —lhta aptak.

Juan 6:35

Koka lhta aptak Jesús apkellano mokhom: —Ko'o asto nak pan askellaikamok aliennaktema apnenio'ok enenlhet'avok. Apto la heieplekama, mangheiaskeiam nahan, mankaqhekhek ankek hata mek kakpota meimakiek hata nhan.

Juan 6:40

Apkeltavek apto lhta heiapaskama ellanhok aptemakha Apketka nak, meliaskamek nahan kakpota m'a etlhevangkok aliennaktema apnenio'ok nkotnengvaianlha nnelha', anaklhatekhaskamok hata nhan ma'a akvakmo ta nnelha aknem alhma nkek ham —lhta aptak Jesús.

Juan 8:24

Askeleltennaskek lhe niekhe ketlhengkap eletsepok hata aniem'o ngkollatsekama apkellanekamok apkeliaskakmo la'a asto ko'o —lhta aptak Jesús.

Hechos 10:43

Apketlheianmek nak nanek na apkeleltennasemmap ania'a Eniapom Neten etneskesama lhna lhta apankek meleliehekho apkellaskamakha apkellelto la meliaskeiam apvesai'a Jesús ma'a —lhna aptemak apkellanemo Pedro enenlhet'avok ma'a.

Hechos 13:46

Koka Pablo kakpota nhan Bernabe apkeleltennaskamo lhnak metka apkellai'a, lhna aptaiangkok: —Hengelietave niekhe angetlhenek Eniapom Neten apaivoma apmaniaie ketlhengkap apkellelto judios, koka menmaiangkok takha m'a, meleltemok ngkolhnankok aliennaktema apnenio'ok mangkotnengvaiam annelha. Koka ntasek angelletsavkesek ania'a nak apieseksek anak metnangko nak judios.

Hechos 2:38

Ka apkatemmoiangka lhnak Pedro m'a, lhna aptemak: —Eliaqmongkasekha mo'ok apvalho'ok, elvatesamok apkeltemakha ngkollatsekama, elteniamok nema allavkeskama konne iemmen akieplomo apvesai'a Jesucristo. Netamen Eniapom Neten etnama ta apankek meleliehekho apkellaskamakha, kakpota ellangkok na metka akianmoma Espíritu Santo.

Hechos 2:41

Nnengkek nak allavkeskamo konne iemmen apkellelto meliaskeiam aptemakha apkeltennaikama Pedro m'a, aplhameiangkek nak aptaikamok meliaskeiam Jesús ma'a, malha lhnak 3.000 enenlhet'avok ma'a.

Hechos 22:16

Hai, eniaqheta mota apteniai'a nema aklavkeskama konne iemmen, nkalhnakse ta ngkollatsekama apvalhok, evenama ta apvesai'a Apveske m'a", lhta aptak heiano m'a Ananias.

Romanos 3:6

koka mankoietok etnangko niekhe m'a. Apto la mepeivomo Eniapom Neten, mankapvankek na eliekpelkok apkeltemakha aplhamakho enenlhet'avok halhma nkek ham.

Romanos 4:24

ennengko'o nhan ma'a nengelelto nak mongeliaskeiam Eniapom Neten aplhatekhaskeiakmo lhta apieseksek apkenmaskengvaiakmo Apveske engankok Jesús.

2 Tesalonicenses 1:8

Evatak hata kakpota ellangkok akiaqmoiekha apkellelto nak menmaikamok takha Eniapom Neten kanhan meleliehekho lhta ania'a aktaqmanma aplhenammap apveske engankok Jesús.

2 Tesalonicenses 2:12

Netamen hata m'a ngkolhek hata aleltangko m'a apketselhnanemmap apankavek ngkanek apkeliaskakmek akto haveniapak anke, nkelleklemavek na apvalho'ok qaselha ngkollatsekama nak.

1 Pedro 1:21

Eniapom Neten aplhatekhaskeiam Cristo, aptemeskeskamo nhan neten apankek ma'a, ka meliaskeiakmo nhan ketlhengkap Eniapom Neten aniem'o nhan apkeltemeskeskama Cristo, nnankek na alel·halhnekama apvalho'ok eltaqmelkeskeskamok hata apkellangiemhaikama m'a Eniapom Neten.

1 Pedro 3:21

Ka iemmen lhnak nanek ma'a akietkesammalhka nellavkesammalhka konne iemmen anak kakpota nhan evongkasakpok tep enenlhet. Ka nenlavkesammalhka nak konne iemmen have alhnaskama eniempehek, vanlha koka akto malha alhnaskama alketamekama engvalhok napaqtek Eniapom Neten, koka nhan nenvongkasemmalhka nak tep aniem'o m'a nema aklhatekhaskeiam alhta Cristo,

Apocalipsis 20:15

Nne lhta nhan alho m'a mankolhnaikamok la apkelvesai'a vakkahak ankok akiennaktema enneniek akieto m'a sanga akietnemakha talha.

Apocalipsis 21:8

Koka enenlhet la ai'a apvalhok, apiaskeiam, aposkama qaselha, apkaqhema po'ok, apkenmensangveiam alhma, aptema apiolhma melatsekama, apiavenkaskesaikama akvesai'a qaselha akiokha alanemmalhka kakpota nhan apmopvana ania'a, ngkolhek hata akiantemakho akieto m'a sanga akietnemakha alaivomakha talha kanhan azufre, koka akvesai'a m'a hanet aktaiekho nengetsepma —lhta aptak heiano m'a.