Marcos 16:15 - Nuevo Testamento Toba Maskoy15 Netamen lhna aptemak Jesús apkellanemo apkeltamesaikamok: —Enmamok hata ketlhengkap lhmankek ham, eleltennasamok hata ania'a aktaqmanma m'a. အခန်းကိုကြည့်ပါ။ |
Koka etlhevangkok hata aknema akmovana aliennakteskama ketlhengkap apvo'o ta Espíritu Santo takhaplhet'ok ma'a. Enmankok hata lhma nkek ham Jerusalen, Judea, Samaria, akvakmo aktakha mokhek ankek avhok lhepop mo'ok apkellavakha. Eleltennasama ta aplhamakho enenlhet'avok aktemakha apkelvetaiangko lhamakho qaselha askelanai'a lhta —lhna aptemak Jesús ma'a.
¿Ma nlho ellengai'a niekhe ania'a, he? Mma', apkellengai'a niekhe have niapak ankek aplhamakho apankavek ania'a, ka aktemo nak aktalhesammalhka Vakkahak Eniapom Neten apaivoma hengke'e: «Ka apkelpaqmetekama nak apkelleltennasemmap ania'a ntepkek lhamakho eiempek, kanhan aktakha nnelha nkek lhepop ngvakmek ania'a m'a»
Kolhva koka aplekvakhe', hengelvetaskaskek nahan, nlheianmek nak nane mota Vakkahak apkeleltennasemmap ania'a annenga apanko'ok ma'a. ¡Hai! Eniapom Neten apto menietsepmak aplekvakhek kolhva hengelvetaskaske alhnakho nkoie apmahai'akha lhta etnehek kakpota eleliehekhok, meliaskamek nahan enenlhet'avok lhmankek ham.
akvai'o sekha lhta. Ka ania'a nak mpaihakhek aklengammalhka halhmankek ham, aliaqmongkaskesekho nhan mo'ok apvalho'ok enenlhet'avok apkellelto la apkellengai'a, ka aktaiangko lhta nhan ketlhengkap ma'a aliaqmongkaskesekho mo'ok apvalho'ok neksa apkenmaikamo lhta takha aktaqmanma nke nak apkellanei'o Eniapom Neten, kakpota nhan akto have niapak anke nak.
Asvet'o lhta mokhom apkempangka aiseksek neten po'ok ángel, apsekama lhtoka ania'a aktaqmanma mangkotnengvaiam annelha kakpota eleltennasama takhalhet lhepop lhmankek ham. Lhamakho aktemakha apkellavakha, aknema apkelpasmekha apketkak neptamen, lhamakho aptemakha apkelpaqmeiasma kakpota nhan natemma apketkok.