Marcos 16:14 - Nuevo Testamento Toba Maskoy

¹⁴ Netamen apvetaskesammakpo lhnak mokhom 11 apkeltamesaikamok ma'a, neksa aptaveikokha lhnak ma'a. Mang nak na enieskamak apatong Jesús apkelanei'o ngkanek apkeliaskeiakmek nak na apketlheianma apkeltemo lheme aptemakha apkelvetai'a aplhatekhangveiam ma'a, aniem'o nhan aliennaktema apvalho'ok.

Marcos 16:14 ပူးပေါင်းရင်းမြစ်များ

Marcos 7:18

Lhna aptemak Jesús apkellanemo m'a: —¡Ketlhengkap na meliohok mokhom! Akto nak alentalhnema apatong enenlhet have akpaisengkeskama apvalhok.

Lucas 24:11

Koka apkeliaskeiakmek nak nema alapaskamo ania'a m'a, nketlheianmek nak apvalho'ok mangkotnek ma'a.

Lucas 24:25

Ka aptemo lhnak Jesús apkellanemo m'a: —Koka mankotlheiangvakhok apvalho'ok ketlhengkap apketlheianmo lhnak nanek apkeleltennasemmap ania'a nnenga ngkotnek hata m'a,

Juan 20:25

Alhaie lhtoka apvakhak ma'a, lhta aptak apkellano apkeltamesaikamok apketlhelhma'ak: —¡Nelvet'ak lhek ennengko'o apveske! —lhta aptangkok ma'a. —Ieeee, asiaskakmek apketlheno nak, koka asvet'o la eskepok apmeiok kakpota nhan napokha', asmangvakmo la m'a, netamen moi'askamek hata ko lha' —lhta aptak Tomas.

Juan 20:26

Netamen ocho knem alhta nieka'ak ma'a, apkaknakho lhta mokhom apkeltamesaikamok Jesús lhema konne pa'at, Tomas alhta nhan kolhva m'a, apkellapakhave lhta mokhom atong ma'a. Koka aptalhne lhta Jesús konne m'a apkenenvakme lhta apieseksek ma'a, lhta aptak apkellano: —¡Altaqmelaikama apvalho'ok hata ketlhengkap hengke'e! —lhta aptak.

Juan 20:27

Koka lhta aptak apkano Jesús Tomas: —Elanho no emeiok kakpota nhan neheqha, emangvom no eskepok ehenkok anak, mei'askakmok heto'o astema ehalhnankok mokhom —lhta aptak.

Juan 21:1

Netamen alhta mokhom ma'a, apvetaskesakpo mokhom Jesús apkeltamesaikamok akieto nekha alvata Tiberias, aleltennasama ta nhan ania'a aktemakha lhta akvetammalhka m'a.

Juan 21:14

Koka hengka hanetolhem'a lhta ntak aktaiekho apteiapvai'a napaqtavek apkeltamesaikamok Jesús netamen aplhatekhangveiam apieseksek apkenmaskengvaiakmo m'a.

Hechos 1:3

Apketsepmek nak Jesús ma'a koka netamen aplhatekhangveiakmo lhnak mokhom ma'a, 40 knem nak ngvaiakmok apkaniemhaikama mokhom apieseksek apkelapaskamo apanko'ok ma'a. Apkeleltennaseiangka lhna mota aktemakha aptema apveske Eniapom Neten, apkellanei'o nhan nkeskama qaselha kakpota elvetaskesangkok akto have niapak anke aplhatekhangveiakmo mokhom apieseksek apkenmaskengvaiakmo.

1 Corintios 15:5

Netamen apvetaskesammakpo lhnak na Cefas ma'a kakpota nhan 12 apkeltamesaikamok alhta.

Apocalipsis 3:19

Hai, nkoihek ehetong askellan'o kanhan askennaveske' aplhamakho apkellelto la askellamelaiam. ¡Eiaqmongkasekha ta mo'ok apvalhok, etenio ta apiempek heieplekama!