Marcos 16:1 - Nuevo Testamento Toba Maskoy

¹ Niekai'ak nak aknem sabado nennekhelha m'a, María Magdalena, Salome kakpota nhan María Santiago ngken anmaiangko lhnak akmases aimes aimenek kakpota nkolelhpakhangvakha niekhe Jesús aphapak ma'a.

Marcos 16:1 ပူးပေါင်းရင်းမြစ်များ

Marcos 14:3

Apnengkek nak Jesús akieto natemma Betania, Simon apnemakha, apto lhnak aptaqmelkeskaiam Jesús lepra ato m'a. Neksa aptavekha lhnak Jesús ma'a, akvai'o lhnak lhema ngkelvana, aksoiakmo lhnak lhema alhankok aimenek akmases aimes alabastro akmennave lhnak ma'a. Ka akteteskai'o lhnak apnakha Jesús ma'a, alentaskamo lhnak na alhankok, akiangkanmo nhan apietseksek Jesús aimenek akmases aimes.

Marcos 14:8

Ka heng ngkelvana nak nkelan'a niekhe avankelha la nkolana, nkeltelhnangkek epatek aceite akmases aimes. Mpenesavek alanei'o asiokha amanie knema akpekkanveiam hata m'a nemakha aklhengkeskaianlha enghapak.

Marcos 15:40

Nkellomaka lhnak na moklhem'a ngkelvana'ak ma'a, mokhek nak nkelanvai'ak allaneiangka m'a. María Magdalena, Salome, kakpota nhan María, José ngken, apselhiek nak atka apvesai'a Santiago.

Marcos 15:42

Viernes ienaqteso lhna ntemak ma'a, apkellanekhek nak apkeltakha judios amanie aknem nennekhelha.

Marcos 15:47

Nkellanekama lhnak ma'a María Magdalena kakpota nhan María José ngken akietemelha apekkanveianlha konne aphapak ma'a.

Marcos 16:2

Ampakhasekha nke aknem semana lhna ntemak ma'a, sekha akteiapma aknem nak anmeiekho lhnak akieto nemakha aknengkanveianlha enghapak,

Marcos 16:8

Nkeletkentaniek nak alenteiapmo konne nemakha aklhengkeskaianlha enghapak ma'a, nkelelpelhiennongkek nak na allai'a. Mang nak na nkotlheianmak aktemakha alvetai'a neksa alelhiaiam amai, nkelienvaktengkek na songkek ma'a.

Lucas 23:54

Nietemavek nak aknem apkelpeneskamelha qaselha apanko'ok aniem'o sabado aknem apkakhaikokhelha m'a.

Lucas 23:56

Netamen altaqhemo lhnak ma'a natemma, alpeneskekho lhnak panaktema aimenek alvaiam ka nhan aimenek akmases aimes. Netamen aliamposammalhko m'a aknem nennekhelha aniem'o nhan aktemakha aklheianma henganemakha.

Lucas 24:1

Ka akvaiakmo lhnak ampakhasekha nkek aknem semana m'a, anmeiekho lhnak akieto nemakha akpekkanveianlha aphapak ma'a, alletsekho lhnak na aimenek akmases aimes alpeneskamo.

Juan 19:25

Nekha iamet aktenneskama lhta nkenmama Jesús angken, kakpota nhan nialheng akvesai'a María aptava lhtoka m'a Cleofas, kakpota nhan María Magdalena.

Juan 19:31

Lhema aknem alhta nkaimelhkak kakpota nkovak aknem sabado nennekhelha, aktaqmelaikama lhma Pascua m'a, apkenmeiakhe lhta apnakha Pilato apkelemhama apmaniaie judios apkeleltemo lhna lhta ngkolhek alentaso apelhkapko'ok apkellelto nema aliaqlhaklhema apmeio'ok apmankok kakpota eletsepok kolhvavek ankek ma'a, elel·hatsoskakhak na aphapavok kakpota melvetiep enenlhet neksa aktaqmelaikama lhma m'a.