57 Lhna aptaiangkok moklhem'a:
Ka apkelvai'o lhnak enenlhet ma'a, apketlheianmo lhnak ngkolatsekama aptemakha Jesús ma'a. Koka apkenmopvanka ania'a lhnak, alpeivekha lhnak aptaiangkok apketlheianma m'a.
—Nenleng'a lhta ennengko'o apaivoma Jesús, apmahai'a etvaksek Eniapom Neten apnemakha nak nellanai'a lhta nengelelto enenlhet apankave nak. Netamen hanetolhema aknem alhta nhan aplhenak epenaksek apkelanekha alhnankok ma'a, metka apkelpasmoma enenlhet'avok —lhna aptaiangkok ma'a.
Neksa apkeliekai'a lhnak enenlhet'avok ma'a, apkelvannaikama lhna mota Jesús ma'a, lhna aptaiangkok: —¡Hei! Aplhengke lhta lheiap aknema apmopvana kakpota etvasekhak Eniapom Neten apnemakha, elanekhak na akvakmo hanetolhem'a aknem.
