Marcos 14:49 - Nuevo Testamento Toba Maskoy

⁴⁹ Lhamakho aknem alhta asketlhekmoskama Eniapom Neten apnemakha, man koka helpathetmak ketlhengkap ma'a. Koka kolhvave nak ngva'ak aknem aktemakha nak na m'a aklheianma vakkahak Eniapom Neten apaivoma —lhna aptemak ma'a.

Marcos 14:49 ပူးပေါင်းရင်းမြစ်များ

Marcos 10:1

Apteiapmek nak mokhom Jesús na temma Capernaum, apmeiekho lhnak iokhalhma Judea. Apkelvekho lhnak na temma akieto aktepa knem alvata Jordán. Apvakhei'avek nak enenlhet'avok Jesús ma'a, ka apketlhekmoskamo lhnak aptemakha lhna mota apankek ma'a.

Marcos 11:27

Apkelentalhnengvekhek nak mokhom apkeltamesaikamok kakpota nhan Jesús Jerusalen, ka apiaiheiangka lhnak Jesús nekhav'ak Eniapom Neten apnemakha m'a. Apkelteteskai'o lhnak apkelemhama apmaniaie' sacerdotes, escribas kakpota nhan metno apketko'ok ma'a, apkelelmalhneiangka lhnak, lhna aptaiangkok:

Marcos 12:35

Apkempekhavek nak mokhom apketlhekmoskama Jesús akieto Eniapom Neten apnemakha, lhna aptemak: —Apketlheianme na mota Escribas Cristo apto apiav'akha apveske David aptaven neptamen.

Marcos 14:48

Netamen Jesús ma'a apkelelmalhneiangka lhnak, lhna aptemak: —¿Se lha ntak apketlhekmo nak ieplomo pelettav akvenaktema, kakpota nhan iamet ketlhengkap, he? Malha enenlhet apmenielhma nak heltemeskasak.

Marcos 14:50

Ka apkeniaiangko lhnak lhamakho apkeltamesaikamok ma'a, apkelieniekhek nak Jesús.

Lucas 19:47

Lhamakho knem nak apketlhekmoskama Jesús ma'a Eniapom Neten apnemakha, koka apkelveskai'e sacerdotes, escribas kakpota nhan apkelemhama apmaniaie apkellavakha nak apkelleliaikama lhnak ania'a kakpota ellaqhek ma'a.

Lucas 22:37

Helheianmek ko'o Eniapom Neten apaivoma ntemak hengke'e: «Nne lhta aktemeskeso malha enenlhet meihamolhma», ntemak ma'a. Haveniapak ankek ngkotnek hata kolhvave nak asiaihekama —lhna aptemak Jesús.

Juan 10:23

Apiaihema lhta Jesús Eniapom Neten apnemakha, akieto malamong avhak pa'at akvesai'a Salomón.

Juan 18:20

Ka apkatemmongka lhta Jesús ma'a, lhta aptak: —Se lha ntak helmalhnengka nak, elelmalhnengvakha koka enenlhet'avok apkaqnekhelha na mota, kakpota nhan Eniapom Neten apnemakha nak. Koka apkeliavek ma'a se lha asketlhekmoskama ie, have asielhammalhko asketlhekmoskama nak, napaqtavek koka astemak ma'a —lhta aptak Jesús.

Juan 7:37

Ngvakme lhta aktakha nnelha akpaiveskekha' aknem aktaqmelaikama lhma m'a, akto lhta neten ankek akiaspommalhka aknem anak ma'a. Ka apkenmakho lhta neten Jesús apieseksek enenlhet, apiennakteso apaivoma, lhta aptak: —Apiemak'ak hata nke' enenlhet, hei'ota ta, mangheiaskakmo la'a enenlhet angvangko ta apiama kakpota nkotepangkok iemmen apvalhok malha akto nak alvata iemmen aktaqmanma nkek la'a, ka ntak ma'a Vakkahak Eniapom Neten apaivoma —lhta aptak Jesús.

Juan 8:12

Lhta aptak mokhom Jesús apkellano enenlhet: —Ko'o asto malha apommatema apieseksek enenlhet'avok apkellokha la'a, apkellelto la helieplekama nkolhnangkok hata apommatema hengaikamok akiennaktema enneniek, melloka ta ienaqtesakha lhma —lhta aptak.

Juan 8:2

Lhema aknem alhta ntak akiekai'a m'a, atsak'o lhtoka mokhom akmopeiam konne', apvaktamo mokhom Jesús Eniapom Neten apnemakha. Apkelteteskaktamo lhta nhan enenlhet apentalhnema apnakha m'a, ka apno lhta Jesús ma'a, apketlhekmoso nhan.