Marcos 14:38 - Nuevo Testamento Toba Maskoy

³⁸ ¡Menaqten, elelmalhna koka kakpota elammelhek aliepkonma ketlhengkap! Engvalhok koka avankek ma'a, man koka nkoliennak eniempeiok anak —lhna aptemak apkellanemo.

Marcos 14:38 ပူးပေါင်းရင်းမြစ်များ

Marcos 14:34

lhna aptemak apkellanemo: —Aiosek anke na ntak evalhok ko'o, aslengangke asmahai'a angvetsepok ¡Eniakhamok hata ketlhengkap hengke'e, menaqten anko ie! —lhna aptemak.

Marcos 14:37

Netamen apvektamo lhnak mokhom apkakhangkelha apkeltamesaikamok ma'a, apkelvetangvektamo lhnak apnakteianma ma'a, lhna aptemak apkanemo Pedro: —¡Simon, aptenke i'e! ¿Mankapvanke i'e metienek akvakmo lhema hora?

Marcos 14:39

Netamen aptaqhemo lhnak mokhom ma'a, apkenmalhnengvekho mokhom apkeltakhengveskekhek na mota aptemakha apaivoma apkenmalhnonkoma m'a.

Lucas 21:36

Ntasek elel·halhnama ketlhengkap, vanlha elelmalhnamo mota Eniapom Neten kakpota apvanka'ak enieniangkok aiseksek akientalhnema nak, kakpota elvakhak ma'a napaqtek Enenlhet Apketka nak —lhna aptemak Jesús apkellanemo apkeltamesaikamok.

Lucas 22:40

Ka apkelvekho lhnak ma'a, lhnak aptemak Jesús apkellanemo apkeltamesaikamok: —Elelmalhnama ta kakpota mankopalesemmek aliepkonma ta —lhna aptemak Jesús.

Lucas 22:46

Lhnak aptemak Jesús: —Se lha akto apnakteno nak ke, enaklhatakha, elelmalhna nhan kakpota mankopalesemmek aliepkonma —lhna aptemak.

1 Corintios 16:13

Elel·halhnamok hata, eliennaktes hata nhan meliaskeiam anak, etnamok hata nhan apmakmosak'a. Eteniamok hata nhan apiempeiok neksa apkellangiemhaikama,

Galatas 5:17

Ka qaselha nak aliaspongkomakha nak apvalho'ok ammelhaikama mota m'a qaselha aniem'o Espíritu, vanlha mota alammelhammalhka m'a hanet qaselha nak, ka ngkanek ketlhengkap mankollapvankek ellanangkok qaselha altaqmelo apkenmak'akha la niekhe ellanangkok.

Filipenses 2:12

Ketlhengkap elialheng'a heleliehekhave lhta mota asnemo lhta apieseksek ham, ntasek na heleliehekhok kolhvave nak neksa asnema mokhe, ellanamok hata lhamakho qaselha aimommalhkelha la'a kakpota ngkolhek alvongkaso tep akieplomo neksa apkellai'a kakpota nhan neksa apkelelpelhiennoma allai'o apnenio'ok ma'a.

1 Pedro 5:8

Amanie la apkenmahai'a ellanangkok qaselhaha, nkaimelhkek nkolketmok apvalho'ok sekhe, elketnamok hata nhan ngkanek mankotno emmo'ok aveske keliaqhameio' nloka motaha malha aktonak akmeiva la'a akielhaivekamaha akteniai'a mota akmak'akha la nkotvok akiokho nkoie.

Apocalipsis 3:10

Aptaqmelkaskek na aspaioma askanemakha etnek lheiap metka apkelvateskaiam heieplekama, ka ngkanek ataqmelkesek hata akvo'o ta aplengaiangko akientalhnema takhalhet lhmankek ham.