Marcos 13:9 - Nuevo Testamento Toba Maskoy

⁹ ¡Ellaho ta ketlhengkap! Nkolhek hata aliantemakho apkakhangkelha apkelientalhnakha apkelveskaie, mangkolhek hata altaqmelkaso m'a. Nkolhek hata nhan altekpongka nemaknekhelha ngkanek ko askeltamesaikamok ketlhengkap. Koka etlhengkes hata hetlheianma ko'o napaqtavek ma'a,

Marcos 13:9 ပူးပေါင်းရင်းမြစ်များ

Marcos 1:44

—Meleltennasamo nkek enenlhet'avok ania'a nak, vanlha toka elana aktemakha akpaivoma aklheianma nak ley apanko nak Moises. Eniakha ta apnakha sacerdote kakpota elanhok alhnekha apiempek anak, esakha ta nhan lhema qaselha apkaikamok la Eniapom Neten —lhna aptemak Jesús apkanemo enenlhet.

Marcos 13:5

Ka apkellatemmoiangka lhnak Jesús ma'a, lhna aptemak: —¡Ellaho ta ketlhengkap ngkolhek aliennengkesko'o!

Marcos 13:8

Ennapakpok hata apkellavakha eniammelhek mo'ok apkellavakha, apkelveskai'e mo'ok apkellavakha nhan, nkolpaklhemmak hata nhan lhepop moklhem'a apkellavakha lhmankek ham. Mamma ta nha ngkotnek aptekamok enenlhet'avok, koka ampakhasekha nkek apkellengaiangko akientalhnema enenlhet'avok lhmankek ham.

Marcos 6:11

Mang hata nkek enmakpok takha m'a, kakpota nhan mankonmak'o la ellailhok apketlhekmosekamok, elpalesemma ta lhepop aktek apmanko'ok napaqtavek ma'a apkelvetaskeskama nkovak hata akiaqmoienta m'a —lhna aptemak Jesús apkeleltennaskamo apkeltamesaikamok.

Lucas 9:5

Koka menmakpo la takha ketlhengkap na temma la'a, elpalesemma ta lhepop aktek apmanko'ok napaqtavek ma'a apkelvetaskeskama nkovak hata akiaqmoienta m'a, netamen eltaqho ta m'a —lhnak aptemak Jesús ma'a.

Juan 15:20

Kotlheianvakho no apvalho'ok astakha lhta askellano, nema asennaikama nak have apto neten apankek apveske apankok. Heliaqmasema lhta ko'o enenlhet, hata nhan ngkotnek ketlhengkap ma'a. Koka moklhem'a lhta nhan apkelleliehekho lhta aspaioma, eleliehekhok hata nhan aptangkolha la apketlhekmosekamok ketlhengkap ma'a.

Juan 16:2

Nkolhek hata nhan alentepkaso konne apkaqnekhelha nak judios, etekio'ok hata nhan ketlhengkap, nkotlhenek hata apvalho'ok ma'a enenlhet'avok anak aniem'o apkellasennaikama Eniapom Neten.

Hechos 21:11

Ka apvakmo lhta akietnakha apiapnama Pablo m'a, apnakteto lhta apanke apmeio'ok kakpota nhan apmanko'ok, lhta aptak apkellano: —Espíritu Santo lhkek apkeltemo alvetaskesek ketlhengkap hengke'e, ka apto la apiapnama hengke'e asnaktetkek emankok, emeiok, hata ngkolhek akto nema alanei'o m'a akieto Jerusalen apto apiapnama, ngkolhek hata angkongvakmok ma'a metnangko nak judios —lhta aptak ma'a.

Hechos 7:54

Apkeltaklheiangkek nak apmo'ok apkelemhama apmaniaie m'a aniem'o annatheskama.

Hechos 9:16

Ataskesek hata m'a akiavai'a aplengaiangko akientalhnema aniem'o apaiesaikama asvesai'a —lhnak aptemak Apveske.

Filipenses 1:29

Eniapom Neten apkellaikamok ketlhengkap qaselha aktaqmanma nkek akvesai'a meliaskeiam Cristo, apkellaikamok na apkellengaiangko akientalhnema aniem'o apkelleliehekho Cristo.

2 Tesalonicenses 1:5

Ka ngkanek Eniapom Neten apkeliekpelkek akietemo nkek ketlhengkap aniem'o apkelvetai'a apkellengaiangko akientalhnema aniem'o nhan aptemakha nak Apveske Eniapom Neten, nietavek na elentelhek ketlhengkap ma'a.

2 Juan 1:8

¡Ellaho ta m'a kakpota menaqtevasekhek qaselha altaqmanma apketlhevaikamo lhta aniem'o nenmakmekama lhta nhan ennengko'o m'a! Kakpota etlhevangkok hata nhan aksavhommalhko nkek nema akianmongkeskama akianmoma.

Apocalipsis 1:9

Ko'o Juan asto elialheng'a ketlhengkap, nengelelto nhan nennemolhema akieto nak aptemakha apveske Eniapom Neten. Aslengaiangkek na lhemek akientalhnema ketlhengkap, nengetlhevaikamok na nengeliennaktema kakpota angelvaskapok ma'a. Asne lhta ko'o m'a akieto akiaqiema lhepop iemmen nekhav'ak akvesai'a Patmos aniem'o aspaieskama mota ania'a apankok Eniapom Neten, kanhan ania'a aktemakha asvetaiangko lhta Jesucristo.

Apocalipsis 2:10

Koka meniaga nkek akmak'o ta nkovak aplengaiangko lheiap. Moklhem'a ta apieseksek anak ketlhengkap ngkolhek hata allaklhengkaso nemmammalhkelha aniem'o aveske keliaqhameio' kakpota nhan ngkolhek aliepkono m'a, ellengangkok hata akvakmo 10 aknem. Ka apvaskapo ta lheiap m'a akvakmo apketsepo niekhe, ko'o ta angvangkok akianmoma apnaksepma akvesai'a akiennaktema apneniek mokhom".

Apocalipsis 2:13

"Asiave ko'o apnek lheiap akieto akietnemakha nak aktanema aveske Satanas, man koka heieniekhak lheiap, meietnekhok nahan, mang na hei'askeiakmok lheiap neksa apmatnama alhta Antipas apto lhta nhan ma'a apaieskama mota ania'a asvesai'a ko'o, meietnekho lhta nhan ma'a Antipas, lhtoka apmatnamak ma'a akieto aknemakha Satanas.