Marcos 13:11 - Nuevo Testamento Toba Maskoy

¹¹ Mankoltama nkek apvalho'ok ketlhengkap apkenmak'akha ta eltehek apkellatemmoikama m'a neksa nema aklakleqha napaqtavek apkelientalhnemo. Espíritu Santo ta ellapvaneskesek apkellatemmoikama m'a, malha apkeliatongkoma la apankek ma'a.

Marcos 13:11 ပူးပေါင်းရင်းမြစ်များ

Marcos 13:12

Hata akvo'o ta aknem anak ma'a, ellanak hata emmakpok apkelialheng'a apankavek enenlhet, kakpota nhan elleltok etekievekhak ma'a. Nnavek na apiapma'ak la'a elleltok hata ngkolhek annapakho apketkak apankave', kakpota nhan apketkak ennapekhak hata ngkana'ak apankave'.

Marcos 13:9

¡Ellaho ta ketlhengkap! Nkolhek hata aliantemakho apkakhangkelha apkelientalhnakha apkelveskaie, mangkolhek hata altaqmelkaso m'a. Nkolhek hata nhan altekpongka nemaknekhelha ngkanek ko askeltamesaikamok ketlhengkap. Koka etlhengkes hata hetlheianma ko'o napaqtavek ma'a,

Lucas 21:12

Amanie apmak'akha ngkotnek akientalhnema nak, ngkolhek hata anmenlhenangka ketlhengkap, elpathetakpok hata. Ngkolhek hata allangkongvakmo apkelemhama apmaniaie' apkaqnekhelha judios kakpota ngkolhek aknaktemo' nemmammalhkelha' aniem'o asvesai'a ko'o.

Juan 3:27

Ka apkellatemmoiangka lhnak Juan, lhna aptemak: —Ntasek ankek ma'a, Eniapom Neten apkeltemo nkotnehek.

Hechos 2:4

Apkelapvei'o lhnak na aplhamakho Espíritu Santo m'a, ka ampai'akha lhnak apkelpaqmetekama mo'ok apkelpaqmeiasma aniem'o m'a Espíritu.

Hechos 3:13

Eniapom Neten apveske apanko'ok nelieihengka nnenga Abraham, Isaak kakpota nhan Jacob, ka apkaikamok apmopvana apketka Jesús kakpota nhan aptemeskeskamo neten apankek ma'a. Apkeltaknongkongke lhtoka ketlhengkap ma'a, apkellangkongvaiakmo nhan apkelanma apmaniaie romano, niekhe apmahai'o lhta epaqnemekhak Pilato m'a.

Hechos 4:31

Ka akvaiakmo lhnak nnelha apkelelmalhnongkoma m'a, akievheiangka lhnak akietemelha apkaqnekhelha m'a, apkellapvai'o lhnak Espíritu Santo aplhamakho m'a, apkelteniaiavek nak na apiempeiok apketlheianma Eniapom Neten apaivoma m'a.

Hechos 6:10

Mang noka nkonmopvanka'ak ellammelhek Esteban ma'a ngkanek avanhek nak apiangveiakmo aniem'o Espíritu.

Hechos 6:15

Netamen apkellanei'avek nak Esteban ma'a aplhamakho apkellelto apkakhaikamok akieto konne apkaqnekhelha mota apkelientalhnakha apkelveskaie, nkapommatmek nak na napa'at ma'a, malha lhnak aptaiekha lhema ángel.

Hechos 7:55

Koka Esteban aplanei'avek nak apvalhok Espíritu Santo m'a, apkammelhmo lhnak neten, apvetai'o apkapommatema Eniapom Neten ma'a kakpota nhan Jesús nak apkenmaiangka napokha akieto iennakha.

1 Corintios 2:13

Neksa nengeltennaikama la ania'a aniem'o Eniapom Neten, nengelpaqmetkek ma'a aniem'o Espíritu apanko nak ma'a, have aniem'o m'a neliangveiakmo nak enganko'ok engankave'. Hai, neksa nengelpeiveskasekha mota aptemakha Eniapom Neten, nelpaqmetkek nelpaqmeiasma aniem'o m'a Espíritu apanko nak ma'a.

Efesios 3:5

Enenlhet lhennenga meliamok ma'a, kolhva koka Eniapom Neten apkapaskangkek Espíritu kakpota eliangveskeskamhok ania'a nak akielhammalhka aplhamakho apkellelto apkelpokkanma nema allapaskamo kakpota nhan apkeleltennasemmap ania'a.

Santiago 1:5

Koka moklhem'a la ketlhengkap metka apkeliangveiakmo, ntasek elelmalhnama mota Eniapom Neten ngkanek apto nhan ma'a akleklemo mota apvalhok hengankok qaselha, metnak na hentaqheskamo la'a.

1 Pedro 1:12

nkelvetaskeskangkek nak nanek ma'a mang koka elvetaiangkok ma'a, ennengko'o koka nenvanlha nak nelvet'a ie ania'a aktaqmanma nengvaiam tep anak. Hai, apkellengai'o nak ketlhengkap ania'a nak apkeleltennaikama aknema apkenmopvanka'a aniem'o Espíritu Santo nema apaskama aniem'o neten. ¡Ka nenvanlha nak akto aktaqmanma nkoie qaselha apkelvetaiangko nak ketlhengkap, akvakho niekhe nhan ángeles apkenmahai'a elpalhakvak ma'a!