Marcos 10:33 - Nuevo Testamento Toba Maskoy

³³ —Ellailhono, ka nenmeiakhelha nak Jerusalen, ngkolhek hata angkongvakmo Enenlhet Apketka nak apkelemhama apmaniaie' sacerdotes kakpota nhan escribas. Etlhenekha ta nhan apkenmahai'a ennapok ma'a, ellangkongvomok hata nhan ma'a metnangko nak judios.

Marcos 10:33 ပူးပေါင်းရင်းမြစ်များ

Marcos 15:1

Mmopeiakmek na lhma' atsai'a m'a, apkaknekho lhnak apkelemhama apmaniaie sacerdotes, metno apketko'ok, escribas kakpota nhan aplhamakho apkelientalhnakha apkelveskaie'. Apkelpaqmetkesammakpo apketlheianmo apkenmahai'akha eltemeskesek Jesús ma'a, ka aknaqtetemmalhko lhnak apmeiok Jesús, apkeliantemekho lhnak napaqte apveske Pilato m'a.

Marcos 8:31

Netamen Jesús apkeleltennaseiangka lhnak apkeltamesaikamok akmak'akha ta ngkotnek apkaniemhaikama, lhna aptemak: —Nkaimelhkek ennangkok akiavai'a nkek akientalhnema Enenlhet Apketka nak, eltaqhesok hata apkelemhama apmaniaie', kakpota nhan apkelemhama apmaniaie' sacerdotes, kanha escribas. Ellaqhek hata m'a, hanetolhema aknem hato ka nkotnehek, elhatekhangvomok mokhom —lhna aptemak.

Marcos 9:12

Ka apkellatemmoiangka lhnak Jesús ma'a, lhna aptemak: —Hai, have niapak evak hata apmanie m'a Elias kakpota elanekhak lhamakho qaselha m'a. Nietnengkek na aktalhesammalhka m'a vakkahak Eniapom Neten apaivoma avanhek hata nhan ngkotnek aplengaiangko akientalhnema m'a Enenlhet Apketka m'a, ngkolhek hata aktaknevangka nhan ma'a.

Marcos 9:31

Vanlha lhnak apkeltemo mota etlhekmoksek apkeltamesaikamok. Lhna aptemak apkellanemo Jesús: —Elpathetek hata enenlhet'avok ma'a Enenlhet Apketka nak, ellangkongvomok hata apkellammelhmakha kakpota nhan ematong ma'a. Koka hanetolhem'a aknem hato ka ngkotnek elhatekhangvomok ma'a —lhna aptemak apkellanemo m'a.

Lucas 23:21

Koka niaveiangkek nak na alpaihekama apatno'ok enenlhet'avok ma'a, lhna aptaiangkok: —¡Eliaqlha ta apmeiok apmankok neten iamet aktenneskama, eliaqlha ta! —lhna aptaiangkok ma'a.

Lucas 9:22

lhnak na aptemak: —Ka Enenlhet Apketka nak ennangkok hata akientalhnema aniem'o metno apketko'ok, apkelemhama apmaniaie' sacerdotes kanhan escribas. Eltaqhesok hata m'a, ellaqhek hata nhan, koka hanetolhem'a aknem hata ngkotnek apketsepma, elhatekhangvomok mokhom ma'a —lhna aptemak.

Juan 18:28

Apkelentepkaske lhta Jesús apkelemhama apmaniaie judios apnemakha Caifas ma'a, ka apkeliantemakho lhta apnemakha ko Roma apveske apvesai'a Pilato. Ma lhtoka elentalhnak konne m'a, ngkanek nkanketke lhta atsai'akha m'a kakpota nkovak aknem aktaqmelaikama lhma ankok Pascua, ma lhta nkonmak'ak elpaisengkesek apvalho'ok napaqtek Eniapom Neten ma'a, kakpota mankollapvankek kelha elpasengvomok nentavekha aktaqmelaikama lhma nak ma'a.

Juan 18:32

Nietemavek lhta nhan aktemakha lhta aplheianma Jesús enietsepok apkeltemakha mota romanos.

Juan 19:11

Ka apkatemmoiangka lhna lhta Jesús ma'a, lhna lhta aptemak: —Mamma apientalhnemo lheiap elana aktakha aplheianma, koka aklhamakho akmak'akha nak ngkotnek Eniapom Neten apkeltemo. Koka apto lhta heiangkongvai'a lheiap, koka apto neten apankek meihamolhma m'a, melhnok lheiap —lhna lhta aptemak.

Hechos 13:27

Apkellelto lhta apkelemhama apmaniaie kakpota nhan enenlhet'avok apkellavakha nak ma'a Jerusalen, ma lhta nkotlheianveiakmok apvalho'ok apto m'a Jesús. Lhamakho aknem nennekhelha sabado lhta nha niekhe apkaknekhak ma'a akieto apkaqnekhelha apkelietsateiangko lhta nhan apnaktalheskama apkeleltennasemmap ania'a, koka nkaqhemavek apnaqtevaskangkek Jesús. Aptaiangkek ma'a aktemakha apketlheianma apkeleltennasemmap ania'a annenga ngkotnek hata m'a.

Hechos 20:22

Koka kolhvave nak hemama Espíritu aniakhak hata m'a Jerusalen, koka moihok mokhom akmak'akha ngkotnek emanie.

Santiago 5:6

Apketlheianmek ketlhengkap apketselhnanemmap enenlhet meltemengvaiakmo lhma, apkellaqhengkek nahan, koka apkellaiangkavek apnaqtevaskamo m'a.