Marcos 10:1 - Nuevo Testamento Toba Maskoy

¹ Apteiapmek nak mokhom Jesús na temma Capernaum, apmeiekho lhnak iokhalhma Judea. Apkelvekho lhnak na temma akieto aktepa knem alvata Jordán. Apvakhei'avek nak enenlhet'avok Jesús ma'a, ka apketlhekmoskamo lhnak aptemakha lhna mota apankek ma'a.

Marcos 10:1 ပူးပေါင်းရင်းမြစ်များ

Marcos 1:21

Ka apvekho lhnak Jesús kakpota nhan apkeltamesaikamok natemma Capernaum, aknem nennekhelha sabado lhna ntemak ma'a. Ka apkelentalhnemo lhnak konne apkaqnekhelha judios ma'a, apkempai'akha sekha lhnak na apketlhekmoskama Jesús ma'a.

Marcos 10:2

Ka apkelteteskai'o lhnak fariseos apkenmahai'a eliepkonek Jesús ma'a, apkelelmalhneiangka lhnak ma'a, lhna aptaiangkok: —¿Ngkeltemengke nlho ley eieniok aptava enenlhet, he? —lhna aptaiangkok.

Marcos 12:35

Apkempekhavek nak mokhom apketlhekmoskama Jesús akieto Eniapom Neten apnemakha, lhna aptemak: —Apketlheianme na mota Escribas Cristo apto apiav'akha apveske David aptaven neptamen.

Marcos 14:49

Lhamakho aknem alhta asketlhekmoskama Eniapom Neten apnemakha, man koka helpathetmak ketlhengkap ma'a. Koka kolhvave nak ngva'ak aknem aktemakha nak na m'a aklheianma vakkahak Eniapom Neten apaivoma —lhna aptemak ma'a.

Marcos 2:13

Netamen apmeiekho lhnak mokhom Jesús nekha alvata, apkelvekhek nak enenlhet'avok apnakha m'a. Ka apketlhekmoskamo lhnak mokhom ania'a aktaqmanma m'a.

Marcos 4:2

Ka apketlhekmoskamo lhnak ma'a ngkeskama qaselha apietkeskama:

Marcos 6:2

Aknem sabado nennekhelha lhna ntemak ma'a, ka apketlhekmoskamo lhnak Jesús apkaqnekhelha judios ma'a. Mang na ntek enenlhet'avok apkellailhemo m'a, mpelapkeskankek nak apkellengai'a aktemakha apketlhekmoskama, lhna aptaiangkok: —¿Ko le lha aniem'akha lhamakho aktemakha hengetlhekmoskama nak, he? ¿Ko la ampai'akha apiangveiakmo nak ha'e? ¿Se lha nhan aikamok apmopvana elanak qaselha hempelapkeskama nak?

Marcos 6:34

Ka apteiapveiakmo lhnak Jesús loma nemmen, apvet'o lhnak apentalhnema enenlhet, apkelietnai'avek nak napaqta'a lhna songkek enenlhet malha nepkesek metka allanekama. Ka apketlhekmoskamo lhnak lhamakho aktemakha qaselha aktaqmanma.

Marcos 6:6

Niemaskangkek nak apvalhok Jesús, lhna songkek apkeliaskeiakmo enenlhet ma'a. Nkatepelha' natemma lhnak aplomaka mota Jesús ma'a apketlhekmoskamo enenlhet'avok ma'a.

Juan 10:40

Netamen na m'a apmeiakho lhta tep alvata Jordán, apkellavkeskamakha lhta Juan konne iemmen enenlhet'avok lhennenga m'a, apnakhe lhta m'a.

Juan 11:7

Netamen lhta aptak Jesús apkellano apkeltamesaikamok: —Nok, angenmeiakha mokhom iokhalhma Judea —lhta aptak.

Juan 18:20

Ka apkatemmongka lhta Jesús ma'a, lhta aptak: —Se lha ntak helmalhnengka nak, elelmalhnengvakha koka enenlhet'avok apkaqnekhelha na mota, kakpota nhan Eniapom Neten apnemakha nak. Koka apkeliavek ma'a se lha asketlhekmoskama ie, have asielhammalhko asketlhekmoskama nak, napaqtavek koka astemak ma'a —lhta aptak Jesús.