Marcos 1:5 - Nuevo Testamento Toba Maskoy

⁵ Apkelvai'ak nak na enenlhet'avok apkelleniem'o iokhalhma Judea kakpota nhan apiav'akha temma Jerusalen, apkeleltemo lhnak ellailhok Juan ma'a. Apketlheianmo lhnak na apankavek apkeltemakha ngkollatsekama. Ka apkellavkesaiangko lhnak na konne iemmen Juan ma'a akieto alvata Jordán.

Marcos 1:5 ပူးပေါင်းရင်းမြစ်များ

Marcos 1:4

Apvai'ak nak Juan apkellavkeskama iemmen aniapom ma'a iokhalhma metkelha temma, apkeleltennaseiangka lhnak aplhamakho enenlhet eliaqmongkasekhak mo'ok apvalho'ok, ngkolhek na allavkesangko konne iemmen kakpota ngkolhek aktemeskesangka nkek na meleliehekho apkellaskamakha Eniapom Neten.

Marcos 1:6

Iama etanlheng apva lhnak apvenaktema aptalhnema Juan, apiapnama lhnoka kaselha aiempek, seva' lhnak na aptoma kanhan iavhan.

Juan 1:28

Koka lhamakho akvetammalhka lhta qaselha m'a natemma akvesai'a Betania, akieto tep alvata Jordán, apkellavkeskamakha lhta iemmen enenlhet Juan ma'a.

Juan 3:23

Apkellavkesaiangkek nak na iemmen Juan po'ok temma akvesai'a Enon, nengaqtek ma'a na temma Salim, avanhe lhta songkek iemmen ma'a. Ka apkelketansemo lhta nhan enenlhet'avok apkeleltemo ellavkesangkok iemmen ma'a.

Juan 5:35

Juan alhtoka malha talha alhankok alaivoma atsaskama lhma, nkelpaiesakhe lhta apvalho'ok ketlhengkap atsaskama lhma lhta m'a, iakvatakho nke lhtoka.

Hechos 19:18

Man nantek na enenlhet'avok aptaikamok meliaskeiam ma'a apketlheianmo nhan apankavek apkellanekamok alhta qaselha ngkolatsekama napaqtavek enenlhet'avok ma'a.

Hechos 2:38

Ka apkatemmoiangka lhnak Pedro m'a, lhna aptemak: —Eliaqmongkasekha mo'ok apvalho'ok, elvatesamok apkeltemakha ngkollatsekama, elteniamok nema allavkeskama konne iemmen akieplomo apvesai'a Jesucristo. Netamen Eniapom Neten etnama ta apankek meleliehekho apkellaskamakha, kakpota ellangkok na metka akianmoma Espíritu Santo.

Santiago 5:16

Ka ngkanek na ntasek etlhenek moklhem'a apnaqtevaskama la po'ok apieseksek anak ketlhengkap ham. Elelmalhneskes hata nhan po'ok ham kakpota ngkolhek altakmelkeskakmo m'a neksa apkellengaiangko anmaska apiempeiok, ka enenlhet la apeivomo nietnek akmovana apkenmalhnongkoma.