Marcos 1:21 - Nuevo Testamento Toba Maskoy

²¹ Ka apvekho lhnak Jesús kakpota nhan apkeltamesaikamok natemma Capernaum, aknem nennekhelha sabado lhna ntemak ma'a. Ka apkelentalhnemo lhnak konne apkaqnekhelha judios ma'a, apkempai'akha sekha lhnak na apketlhekmoskama Jesús ma'a.

Marcos 1:21 ပူးပေါင်းရင်းမြစ်များ

Marcos 1:20

Ka apkellaveiangka lhnak na Jesús ma'a, apkelieniekhek nak apiapom kakpota nhan apkellennengkasekama konne loma nemmen ma'a, apkelieplekho nhan Jesús ma'a.

Marcos 1:29

Ka apteiapmo lhnak Jesús apkaqnekhelha judios ma'a, apketlhelhma'ak noka Jacobo kakpota nhan Juan, apkelvekhavek nak apnemakha Simon kakpota nhan Andres.

Marcos 1:33

Apentelhe pankek nak enenlhet apkaqnekho atong pa'at ma'a.

Marcos 1:39

Ka aplhengamo lhnak Jesús ma'a, apkeleltennaseiangka lhnak lhamakho apkaqnekhelha la judios ma'a akieto iokhalhma Galilea. Apkelentepkaskesaiangkek nak na kasekapok av'alho'ok enenlhet'avok ma'a.

Marcos 10:1

Apteiapmek nak mokhom Jesús na temma Capernaum, apmeiekho lhnak iokhalhma Judea. Apkelvekho lhnak na temma akieto aktepa knem alvata Jordán. Apvakhei'avek nak enenlhet'avok Jesús ma'a, ka apketlhekmoskamo lhnak aptemakha lhna mota apankek ma'a.

Marcos 2:1

Mo'ok aknem na ntemak ma'a, apvektamo mokhom Jesús natemma Capernaum. Apkellengai'o lhnak na enenlhet'avok ma'a apnema lhema pa'at.

Marcos 3:1

Aptalhnengvekhek nak mokhom Jesús apkaqnekhelha judios, apnengkek nak na lhema enenlhet akiaqsekha' apmek ma'a.

Marcos 6:2

Aknem sabado nennekhelha lhna ntemak ma'a, ka apketlhekmoskamo lhnak Jesús apkaqnekhelha judios ma'a. Mang na ntek enenlhet'avok apkellailhemo m'a, mpelapkeskankek nak apkellengai'a aktemakha apketlhekmoskama, lhna aptaiangkok: —¿Ko le lha aniem'akha lhamakho aktemakha hengetlhekmoskama nak, he? ¿Ko la ampai'akha apiangveiakmo nak ha'e? ¿Se lha nhan aikamok apmopvana elanak qaselha hempelapkeskama nak?

Lucas 10:15

¡Lheia laie na temma Capernaum! Nlheianme nkek ngkolhek hata akmo takha m'a neten, koka mangkotnek hata m'a, nkolhek hato ka akienievo m'a ngkolatsenkolha apkeletsepmakha —lhna aptemak Jesús ma'a.

Lucas 13:10

Apketlhekmoskangkek nak Jesús akieto apkaqnekhelha judios aknem sabado nennekhelha.

Lucas 4:16

Apmeiekho lhnak Jesús na natemma Nazaret, apvanekanlha lhnak ma'a. Ka akvaiakmo lhnak aknem sabado nennekhelha m'a, apmeiekho lhnak apkaqnekhelha mota judios aptemakha apankek nak ma'a. Apkenmekho lhnak neten Jesús ma'a kakpota elietsetek vakkahak Eniapom Neten apaivoma,

Lucas 4:23

Lhna aptemak Jesús apkellanemo enenlhet'avok ma'a: —Hatelha eltehek hellana ketlhengkap aktemakha na mota apketlheianma enenlhet: "Ponha niapom, etaqmelkaskesekho apankek lheiap apiempek". Hatelha nhan etnangkok hellana ketlhengkap hengke'e: "Elana ta qaselha mongvetai'o apkavakha apanke nak, ka aptemo nak apkelanei'o m'a akieto Capernaum", hatelha etnangkok hellana.

Hechos 17:2

Ka apmaiangko lhnak Pablo m'a aptemakha apankek na mota m'a, hanetolhem'a sabado aknem nennekhelha lhna ntemak apkellatemommap ma'a.

Hechos 18:4

Lhamakho aknem sabado nennekhelha lhnak apmeiekha mota Pablo apkaqnekhelha judios, apkellatemommakpo lhnak judios kakpota nhan griegos apkeltemo lhnak nkollekvomok apvalho'ok ma'a.