Lucas 6:47 - Nuevo Testamento Toba Maskoy

⁴⁷ Koka apto la apkailhemo enenlhet asketlhekmoskama nak, apkeliehekho nhan, etnek hata malha

Lucas 6:47 ပူးပေါင်းရင်းမြစ်များ

Lucas 11:28

Koka apkatemmoiangka lhnak Jesús, lhna aptemak: —Koka neten ankek ma'a aktaqmelakho enenlhet apkelelto apkellailhemo Eniapom Neten kakpota nhan apkeleliehekho —lhnak aptemak ma'a.

Lucas 14:26

—Apkenmak'ak hata nkek eltek ketlhengkap askeltamesaikamok, nkaimelhkek eltehek neten apankavek hellamelaiam, mankolhno m'a apkellamelaiam anak apiapma'ak anak, ngkana'ak, apketkak, apkelialheng'a, kakpota nhan mankolhno apkellamelammakpo apankave nak ketlhengkap. Mang hata nkek etnangkok ketlhengkap ma'a, mankollapvankek na etnangkok askeltamesaikamok.

Lucas 6:48

lhema enenlhet la apkelanai'a apnemakha m'a. Emetmok sekhek ma'a akvakmo apvetangvakmo konne metaimong kakpota elanak avhok takhalhet apnemakha m'a. Netamen akvo'o la iemmen akiengeiam ma'a nkotiengvomok akiennaktema m'a pa'at lhek, koka mangkoiaqnenek ma'a aniem'o nietnek akiennakteskama avhok takhalhet metaimong ma'a.

Lucas 8:13

Moklhem'a nhan enenlhet ngva'ak aknemo m'a aktek lhek akpalleiam alhievak'akha lhepop takhalhet metaimong koka koneng ma'a. Apkellailhemo ania'a, nkelpaihakhek na apvalho'ok, kolhvavek na apkenmak takha ania'a, koka akiakvatakho nkoie'. Ka akpelapkeso akvai'a akientalhnema, apkelieniakho m'a apkelieploma Eniapom Neten, ngkanek mangkolvaiakmok konne aikapmen'ok ma'a.

Lucas 8:8

Koka mo'ok aktek nak na mpalveiakmok aktaqmelakha lhepop, ntasek ankek nak aktekteiapma m'a, ngvaiakmek nak 100 aktek lhema apvathetma m'a ¡Eltaqmelkaso no apkellailhemo apaiko'ok anak! —lhna aptemak Jesús apiennakteskamo apaivoma m'a.

Juan 10:27

Nepkesek ehenko'ok la'a apkeliekpelkavek aspaioma, helieplakhek nahan, askeliekpelkavek na ko lha m'a.

Juan 13:17

Apkellelto la apkenmaikamok takha asketlhekmoskama nak, aptangko la nhan, etnangkok hata nhan aktaqmelakho nkek ma'a.

Juan 14:15

—Lhta hellasekho la niekhe ketlhengkap, eleliehekho lhta nhan henganemakha ehenkok anak.

Juan 5:40

Man koka helketamak ketlhengkap kakpota allangkok aliennaktema apnenio'ok.

Juan 6:35

Koka lhta aptak Jesús apkellano mokhom: —Ko'o asto nak pan askellaikamok aliennaktema apnenio'ok enenlhet'avok. Apto la heieplekama, mangheiaskeiam nahan, mankaqhekhek ankek hata mek kakpota meimakiek hata nhan.

Juan 6:37

Lhamakho apkellelto lhta Eniapom hellaikamok apkeltemo altakmelkesek, helioktanie lhta ko'o, moltaqhesehek hata nhan ma'a.

Juan 8:52

Lhta aptangkok mokhom enenlhet'avok ma'a: —¿Se lha ntak aplheno nak melletsepek hata apkellasekhai'o la lheiap? Neten apankek apmahai'a etnama lheiap, apkeletsepmek nak nanek ma'a nelieihengka Abraham kakpota nhan apkeleltennasemmap ania'a annenga, lheiap koka apmahai'a etnama neten apankek, neliavek kolhvave nak kasekapok av'alhok akmaikama lheiap —lhta aptangkok enenlhet.

Hebreos 5:9

Ka nhan aptemo apenesammap apmopvanko nhan aptemo apkelvonkeskama tep mankotnengvaianlha nnelha aplhamakho apkellelto la apkelleliehekho m'a.

Santiago 4:17

Apto la enenlhet apiamo niekhe elanak qaselha aktaqmelo, koka melan'ak ma'a, koka m'a ngkolatsekama apkelanai'a.

1 Pedro 2:4

Elteteskakho ta Apveske apto malha metaimong akietnema aktema alhnankok. Apkeltakheskamo lhta enenlhet, koka apkeliekieskakhe lhta m'a Eniapom Neten metaimog anak ngkanek akto lhta niekhe neten ankek akiaspommalhka m'a.

2 Pedro 1:10

Ketlhengkap elialheng'a, apkellavema lhta Eniapom Neten, apkeliekiesaikamo lhta nhan ma'a, ntasek enmeivo mota m'a qaselha altaqmelo nak apvalho'ok kakpota mepallemmek.

1 Juan 2:29

Apkeliavek ketlhengkap Jesucristo apto apeivomo, ka lhamakho enenlhet anak apkellanekamok qaselha akpeivomo, apkellelto koka m'a Eniapom Neten apketkak.

1 Juan 3:7

Ketlhengkap eietkak apketkok, mellanko nkek eliennengkeskak ma'a. Enenlhet apto la apkelanai'a mota qaselha akpeivomo, koka apto apeivomo pankek ma'a malha nhan ma'a apto apeivomo.

Apocalipsis 22:14

Aktaqmelakho nkek enenlhet apkellelto malha apkelieniesekamok la apkelentalhnema. Nkelietavek ankek hata nhan elentalhnengvomok atno'ok anak ma'a apiav'akha temma kakpota etavangkok akielhna iamet akiennaktema enneniek ma'a.