Lucas 18:19 - Nuevo Testamento Toba Maskoy

¹⁹ Ka apkatemmoiangka lhnak Jesús ma'a, lhna aptemak: —¿Se lha ntak heltangko nak asiamolhma lheiap ke, he? Vanlha Eniapom Neten apto apiamolhma.

Lucas 18:19 ပူးပေါင်းရင်းမြစ်များ

Lucas 1:35

Koka lhna aptemak mokhom ángel: —Evaiventak hata takhalhet Espíritu Santo lheia', nkapvetak hata nhan apmopvana Apto m'a apnema netne kanke nak. Ka ngkanek nematka nak apiamolhma ta kakpota nhan ngkolhek altangko Eniapom Neten apketka.

Lucas 11:13

Niekhe meliamolhma nak ketlhengkap apvanka'ak koka ellangkok qaselha altaqmelo apketkak ketlhengkap. Koka Apkeliapma'ak anak ketlhengkap neten anak tep ankek apiamolhma apanko ie, haveniapak ankek hata ellangkok Espíritu Santo apkellelto la apkelelmalhnekama m'a —lhna aptemak Jesús apkellanemo m'a.

Lucas 18:18

Lhema apkemhama apmanie' lhnak apaqmetkeskai'ak Jesús, lhna aptemak: —Hengetlhekmoskama apiamolhma', ¿ko la atnek ko'o kakpota ngkoitek akiennaktema enneniek mankotnengvaianlha nnelha, he? —lhna aptemak.

Lucas 18:20

Apiavek lheiap henganemakha nak, ¡metves aliemhapma, meniaqha po'ok, memenielhankoie', metnama nkek apmopvana ania'a apmahai'a etselhnanak po'ok, eniaho nhan apiapom kanha ngken! —lhna aptemak Jesús.

1 Timoteo 3:16

Have niapak, qaselha akiemaskama engvalhok anak, nientelhek ankek aniangvomhok ma'a mongiaskeiam anak, ka aktonak ma'a Cristo nemo apaskamo nalhepop anak aptaiekho enenlhet apanke, netamen aplheianmo aktaqmanma aptemakha m'a Espíritu, apkelvetai'o nhan ángeles, nemo aleltennaseiangka nhan apvesai'a apieseksek metnangko nak judios, meliaskeiakmo nhan enenlhet'avok lhmankek ham, netamen na m'a apmammakpo takha neten akieplomo nemo ai'o kanhan nema aktaqmelkeskamo apvai'a.

Hebreos 7:26

Nietavek ankek ma'a Jesús apto apiav'akha sacerdote apkaimommakpo mota ennengko'o. Apto nhan apokkenammap, metka aptemengveiakmo lhma, apkalhnai'o nhan napaqtek Eniapom Neten, mevhanekho apkellanekamok ngkollatsekama enenlhet'avok, nemo akneskekho m'a netne kankoie neten.

Santiago 1:17

Eniapom Neten koka nkeniemai'ak ma'a aktaqmanma, kanhan akiokho nkek apkeliangveiakmo ngkanek apto nhan Niapma'ak ma'a alapommatemo nak neten, mamma nkek na akiaqmoiekha la mo'ok apvalhok ma'a.