Lucas 14:21 - Nuevo Testamento Toba Maskoy

²¹ Netamen, aptaqhemo lhnak nema annengkasekama apkeltennaskekho lhnak ania'a apveske apankok ma'a. Man na ngkeskamak aknatheskamo m'a, lhna aptemak: "Eniakha kolhvave nak amai apieseksek temma apvalhok anak, eliantementa ta enenlhet metka nak apkeletsekama, meliennaktema, metka apaqto'ok, kakpota nhan enenlhet apkeliakteikama nak", lhna aptemak.

Lucas 14:21 ပူးပေါင်းရင်းမြစ်များ

Lucas 14:13

Koka ntasek ellanak lheiap elpasengvak metka nak apkeletsekama, anmaska apiempeiok, meliennaktema, apkeliakteikamaha, kakpota nhan metka apaqto'ok.

Lucas 14:20

Lhnak na aptemak po'ok: "Momak'ak aniakha', mankovankok ko'o heliemhapma", lhna aptemak ma'a.

Lucas 14:22

Ka apmeiekho lhnak nema annengkasekama m'a, aplaqlosengvekho lhnak enenlhet'avok ma'a, ka aptaqhemo neptamen, lhnak aptemak: "Apveske askelan'ak apkeltakha lhkek alana', avanhek lhma mokhom aplhamo la enenlhet", lhna aptemak.

Lucas 14:24

Moltok ko mokhom elelhiemok ma'a apmaniaie lhkek askeltema elpasengvatak nentavekha nak", lhna aptemak.

Lucas 24:47

Nkolhek hata aleltennasengka apvesai'a lhamakho apkellavakha halhmankek ham, hata ellempak hengke'e Jerusalen kakpota eliaqmongkasekhak na mo'ok apvalho'ok enenlhet'avok kakpota Eniapom Neten etneskesama apankek meleliehekho nak apkellaskamakha, lhna ntemak na ania'a m'a.

Lucas 9:10

Ka apkelvektamo lhnak mokhom apnakha Jesús apkelapaskamo m'a, apkeleltennaseiangka lhnak ania'a lhamakho aktemakha qaselha apkellanai'a. Ka apkeliantemekho lhnak Jesús natemma Betsaida m'a, apkeltemo lhnak elhek lheme' apkelvanlha apkeltamesaikamok ma'a.

Juan 9:39

Koka lhta aptak apkano mokhom Jesús: —Asva'ak ko'o asmahai'a aliekpelkok enenlhet'avok aptaiangkolha ngkolatsekama nlho ka la aktaqmanma. Alvetaskesekhak na lhma mokhom metka apaqto'ok la'a, atneskasokhak hato ka malha metka apaqto'ok apkellelto nak apkelvetai'a lhma —lhta aptak Jesús.

Hebreos 13:17

Eleliehekho ta mota apkelemhama apmaniaie apanko'ok ketlhengkap ngkanek apkeltakmelkaske mota ma'a metka apkeliamposammap, netamen elheianvakhak hata m'a aktemakha apkelanei'o m'a napaqtek apveske. Hai, eleliehekho ta m'a kakpota nkolpaihekhak apvalho'ok na neksa apkeltakmelkeskama ketlhengkap ma'a, kakpota nhan metlhenek hata apkelvesai'a meliamolhma ketlhengkap ma'a, ngkanek mankolatsama ta apketlheno la ketlhengkap ma'a.

Santiago 2:5

Eltaqmelkaso no apkellailhemo elialheng'a askellamelaiam, apkeliekieskek Eniapom Neten enenlhet'avok anak metka apkelletsekama kakpota ngkoitek akiavai'a meliaskeiam, etnangkok na apkennemolhema aptemakha lhnak nanek apeneskamo aplheianma ellangkok hata m'a apkellelto la apkellasekhai'o m'a.

Apocalipsis 19:15

Ntepke lhta apatong ma'a apveske pelettav hanet nekha'a ahanto'ok kakpota eliensasangkok lhamakho apkellavakha lhmankek ham. Etnek hata apveske apiennaktema apankek ma'a, elteianmok hata apankek na uva malha apkelietsemongama apkelanai'a vino. Koka akietkesammalhka akiavai'a nkek aploma Eniapom Neten apto vanlha lhema aphapak aknema apmopvana apankek ma'a.

Apocalipsis 22:17

Espíritu ka nhan ngkelvana nema akmahai'akha, lhta ntangkok ma'a: —¡Elheng! —lhta ntangkok ma'a. Koka aplhamakho apkellelto apkellengai'a ania'a nak ntasek etnangkok na hengke'e: —¡Elheng! Koka enenlhet apkellelto la aliemai'a apiaspo'ok ntase eliangvetak iemmen hengke'e akto akiennaktema enneniek metka akianmoma.