Lucas 12:37 - Nuevo Testamento Toba Maskoy

³⁷ Hata apvaktamo ta m'a, aktaqmelakho nke ta nkotnek apkellelto metka apnaqteianma aniem'o apkelel·halhnekama apveske apanko'ok. Ellavak hata nhan ma'a kakpota elpasengvomok aptavekha m'a, kakpota ellangkok na apanke aptekamok.

Lucas 12:37 ပူးပေါင်းရင်းမြစ်များ

Lucas 12:43

Ka apvakho la mokhom apveske apankok ma'a, etangvetak apkeliehekho aptakha lhkek apaivoma apkeltemo ellana, etneskesek hata apkemhama apmanie apkeltakmelkeskeskama qaselha apanko'ok ma'a, avanhek hata ngkotnek aktaqmanma m'a apkennengkasekama nak.

Lucas 17:8

Amanie koka eltok epeneskasok aptoma apveske apankok kakpota etvok, einek nahan, netamen eniangkok apaivoma apmakmesaikama lhkek kakpota etavekhak na alhaie m'a.

Lucas 21:36

Ntasek elel·halhnama ketlhengkap, vanlha elelmalhnamo mota Eniapom Neten kakpota apvanka'ak enieniangkok aiseksek akientalhnema nak, kakpota elvakhak ma'a napaqtek Enenlhet Apketka nak —lhna aptemak Jesús apkellanemo apkeltamesaikamok.

Lucas 22:27

Apieseksek la enenlhet'avok apto apnema nak nekha asota apto nhan neten apankek ma'a, koka apto la nema annengkasekama nak koneng apankek ma'a, ko'o koka hellasennama mota ketlhengkap.

Juan 12:26

Apkenmak'ak hata nkek etnangkok askellasennaikama, nkaimelhkek helieploma asmangkelha la'a, alhelhma koka motaha. Ko'o Tata ta nhan eltemeskasangkok neten apankavek ma'a.

1 Corintios 2:9

Ka aktemo nak na aktalhesammalhka vakkahak Eniapom Neten apaivoma hengke'e: «Qaselha mongvetai'o nak, mollengai'o nhan, qaselha mankoietnaiangkolha lhta engaqtek, ka lhamakho qaselha nak apeneskamo lhta Eniapom Neten kakpota ellangkok ma'a apkelelto nak apkellasekhai'o».

Filipenses 1:21

Ka asto la mokhom ehalhnankok, angvasennama ta mota mokhom Cristo, koka asketsepo la'a, ntasek ankek ngkotnek ma'a.

Filipenses 1:23

Nientelhek ankek angeliekiaksek ma'a, askeltave niekhe angvetsepok kakpota amhangkok ma'a alhnemok napokha Cristo, koka m'a neten ankek aktaqmanma.

2 Pedro 1:11

Ka nkeniem'ak ma'a ntasek ankek hata ngkotnek apvaiam ma'a iokhalhma akieto nak aptemengvekhelha metka aktemongvaiam annelha Apveske engankok Jesucristo, apto nhan Henvonkeskama tep.

2 Pedro 3:14

Ketlhengkap elialheng'a askellamelaiam, neksa apkelel·halhanma nkovak aknem anak ma'a, eteniamok hata apiempeiok elloka metka akmaska, kanhan metka apkeltemengveiakmo lhma kakpota elvetangvetak Eniapom Neten apvaktamo ta m'a.

Apocalipsis 14:13

Netamen ma'a asleng'o lhta mokhom nema aliatekama neten, lhta ntak heiano: —Etalhes hata ham, aktakmelakho nke ta nkotnek apkellelto apkeletsepma nenvanlha nak ma'a kanhan emanie ta apkelpasmekha nak ma'a Apveske engankok. —Hai, ka aptemak na Espíritu m'a eliamposakpok hata m'a aniem'o apkenmakmekama ngkanek metka apkelvatesaikamo apkellanekamok qaselha altaqmelo neksa apkellangiemhaikama m'a nalhepop —lhta ntak ma'a.

Apocalipsis 16:15

Koka lhta nnak akto mokhom ma'a: —¡Ellaho ta! Nkotlapkesek hata avatak ham, nnavek ma'a enenlhet la apmenielhma akpelapkeskama na mota apvai'a. Aktaqmelakho nke ta nkotnek enenlhet'avok apkellelto apkelpeneskamo helel·halhanma. Apkelpeneskamo nhan apkelentalhnekha apkelentalhnema kakpota metlhengek malha apkelalhnai'o, menmankek nahan —lhta nna akto m'a.

Apocalipsis 3:21

Apkellelto ta apkeliephongveiakmo, altok hata eniakhangkok lheme astanema nak, ko lhta nhan asto asiephongveiakmo, asnek na aptanema nak Tata".

Apocalipsis 7:17

Eltaqmelkesek hata mota Nepkesek Apketkok akieto m'a aiseksek aptanema apveske, malha akto nak ma'a apkellanekama nak nepkesek apkeliantemekha akieto akteiapmakha iemmen hengaikamok akiennaktema ennenio'ok, Eniapom Neten hata nhan el·hatsoskasangkok aimen'ok apaqto'ok ma'a —lhta aptak heiano m'a.