Judas 1:7 - Nuevo Testamento Toba Maskoy

⁷ Apkellengaiangkek nak nek na akientalhnema enenlhet'avok ma'a ko Sodoma kanhan Gomorra kanhan mo'ok apkellavakha nekhav'ak apkennemolhema. Apkellaneiangko lhnak na ne mota apkellanaktema manganemmalhkelha nak antangkok, apkenmekho lhnak nanek na apkenno lhemek ma'a. Lhnak na nek na nkeniemai'ak ma'a apketlhevaiangko nema aliaqmongkasekha aptaiangkolha akieplomo talha metka aksepanai'a kakpota nhan ngkotnek nema allaskama aplhamakho enenlhet'avok ellanangkok aktemo nak ma'a.

Judas 1:7 ပူးပေါင်းရင်းမြစ်များ

Lucas 17:29

Ka apteiapmo lhnak nanek Lot na temma m'a, akpalleiakmo lhnak talha kakpota nhan azufre alleniem'o neten, apkeletsepmo nhan aplhamakho enenlhet'avok ma'a.

1 Corintios 6:9

¡Ellaho ta m'a melietehek aptangkolha! Enenlhet la apkeltemengveiakmo lhma metnangkek hata apkennemolhema akieto nak aptemakha Apveske Eniapom Neten, apkellelto la apkellanaktema, apkeltakneskasekamok qaselha akiokha alanemmalhka, apnaqtevaskamo la aliemhapekamok, aptaikamok iama ngkelvana'ak, apkenmekha apkenno lheme', apkenmenielhaikamok, apkenmasmo qaselha apanko'ok, anmen ato'ok, apkeltaknevaikamaha, apkenmopvanka'a eliennengkesek po'ok. Ka lhamakho nak hengke'e metnangkek hata apkennemolhema akieto nak ma'a aptemakha Apveske Eniapom Neten.

2 Tesalonicenses 1:7

ellangkok hata nhan apkeliamposammap ketlhengkap apkellelto apkellengaiangko nak akientalhnema, ennengko'o ta nhan ma'a. Hata nkovak ma'a apkelhiakmo ta neten apveske engankok Jesús, apketlhelhma'ak ángeles aknema apkenmopvanka'a aiseksek talha aleivoma.

2 Tesalonicenses 1:8

Evatak hata kakpota ellangkok akiaqmoiekha apkellelto nak menmaikamok takha Eniapom Neten kanhan meleliehekho lhta ania'a aktaqmanma aplhenammap apveske engankok Jesús.

2 Pedro 2:2

Aplhaniek hata nhan Jesucristo apkennemolhema elpasengvomok apkeltemengveiakmo lhma m'a, hata nha nkoniemak apkeliaskama apatno'ok apketlheianma ngkolatsekama ania'a aktaqmanma akto have niapak anke nak.

2 Pedro 2:6

Apnaqtevasekho lhnak nanek na Eniapom Neten apiav'akha temma Sodoma kanhan Gomorra, apvanlhekho akvakmo aptangkokho tahap ma'a kakpota elvetak enenlhet'avok ma'a aktemakha apkelvetai'a enenlhet'avok apkellanekamok ngkollatsekama.

2 Pedro 3:7

Apkaiangko nhan apaivoma Eniapom Neten apkeltemo nkoietnama sekhek neten anak kanhan nalhepop anak nelvetai'o nak ennengko'o kakpota nhan nkonmetek ma'a akvo'o ta aknem aliekpelkammalhkelha ta nentaiangkolha, nema aknaqtevasekha nhan apkelelto apkellanekamok ngkollatsekama.