Judas 1:3 - Nuevo Testamento Toba Maskoy

³ Ketlhengkap elialheng'a askellamelaiam, avanhe skeltema anaktalheskesek aktemakha m'a nengelvongkasemmalhka nak tep. Kolhva koka asmak'ak allasnama askeleltemo eliavenkasok apkeltakmelkeskama meliaskeiam anak nema allaikamok alhta aplhamakho apkellelto nak apkelpokkenammap.

Judas 1:3 ပူးပေါင်းရင်းမြစ်များ

Hechos 17:3

Apkelelpeiveskasekho nhan enenlhet'avok aktemakha aklheianma vakkahak Eniapom Neten Apaivoma aktemakha nhan apketsepma Cristo, aplhatekhangveiakmo nhan. Lhnak aptemak na Pablo: —Ka enenlhet na lhta Cristo, Jesús alhta m'a —lhna aptemak.

Hechos 18:28

Nkelammelhmek na mota apaivoma akmovana nkek Apolo judios ma'a, ka apkelietsatmo nhan Vakkahak Eniapom Neten Apaivoma, apkelpeiveskasekho nhan akietemo nkek Jesús apto Cristo aplhenammap eva'.

Hechos 28:28

Ka nkeniemai'ak nenvongkasemmalhka nak tep apketlhevangveiakmo m'a metnangko nak judios, ellailhok hata nhan ma'a.

Hechos 4:12

Vanlha koka apvankek hengelvongkesek tep ma'a ngkanek apvesai'a nak akto neten ankek ma'a, mangkolhnok po'ok enenlhet takhalhet lhepop anak —lhna aptemak Pedro apkellanemo m'a.

Hechos 6:7

Niangveiakmek nak nema alhpankeskama apaivoma Apveske, aplhameiangkek nak na nema altamesaikamok natemma Jerusalen, aplhaniek nak na sacerdotes meliaskeiam ania'a aplhenammap Jesús.

Hechos 9:13

Ka apkatemmoiangka lhnak Ananias, lhna aptemak: —Apveske, aslengai'ak ko'o apvesai'a enenlhet anak ma'a, avanhek apnaqtevaskama apkellelto lheiap apkelpokkanma akieto m'a Jerusalen.

Hechos 9:22

Koka Saulo nheklhek nak apkeltennaiangka ania'a aktaqmanma metka apkenmenai'a, apketlhekmoskangkek nak Jesús apto Cristo, man noka eliamok na m'a judios apkakhaiangko m'a akieto Damasco.

1 Corintios 15:3

Asketlhekmoske lhta ko'o ketlhengkap emanie nke lhta alhevai'a ania'a aktemakha apketsepma lhta Cristo aniem'o mongeleliehekho hengaskamakha Eniapom Neten: Ka ntemak na aklheianma vakkahak Eniapom Neten apaivoma m'a.

Galatas 2:5

Koka ma lhta angellasekha apankek ennengko'o m'a ngkanek nenmak'ak alhta angenmeivok ania'a aktaqmanma nemmahai'a angelletsavkesek ketlhengkap.

Galatas 3:28

kolhva koka aptaiangkok ketlhengkap apkelpasmekha Cristo Jesús, judios, griegos, nema allasennaikama nema apkelianmoma, metnangko nak nema apkelianmoma, apkelennava'ak, ngkelvana'ak, aplhamakho apankavek.

Galatas 6:11

Eltaqmelkaso ta apkelietsatekamok alkama nak aliavai'a astalheskama.

Efesios 1:1

Ko'o Pablo, heiapaskamo apankok Jesucristo aniem'o apkeltemo atnek Eniapom Neten, nlhenkek evalhok apkellelto apkelpokkenammap kanhan apkeleliehekho mota apkakhangko ham Efeso, aptangko nhan apkelpasmekha m'a Cristo Jesús.

Filipenses 1:1

Ko'o Pablo kakpota nhan Timoteo, nengelelto hengellasennaikama Jesucristo, nketlhenkek engelvalho'ok apkellelto apkelpokkenammap apkakhangko ham akieto natemma Filipos, apkellelto apkelpasmekha Cristo Jesús. Ka nhan nketlhenak na engelvalho'ok ennengko'o apkelemhama apmaniaie ham kakpota nhan diaconos.

Filipenses 1:27

Vanlha askeltavek allangkok lhema aspaioma askellanemakha etnangkok ketlhengkap, ellanamo mota qaselha akpeivomo nkoie aktemakha nak hengetlhekmoskama ania'a aktaqmanma aniem'o Cristo, nkaqhok moniakhe' nlho ka la aniakhak ham askeltavek koka aiho ehenke nheklhek kelha aliennaktema meliaskeiam, aknemo nhan mo'ok apvalho'ok apkellammelhma la nhan akientalhnema akvai'a la'a aniem'o m'a meliaskeiam ania'a aktaqmanma.

Colosenses 1:2

Nengeleltavek angellapaskesek atlheianma engelvalho'ok aplhamakho apkelpokkenammap meliaskeiam anak Cristo akieto ham Colosas, apkelleliehekho mota nhan Eniapom Neten. Nengeleltavek na Eniapom Neten kanhan Apveske Jesucristo eltaqmelkeskesek apkellaniemhaikama, ellangkok na altaqmelaikama apvalho'ok ketlhengkap ham.

1 Timoteo 1:18

Timoteo, malha eietka lheiap, ka askaikamok lhek aspaioma kakpota elanak lheiap ma'a aktemakha apketlheianmo lhta sekhek ankek ngkotnek hata apketsekama ania'a, kakpota ellammelhek lheiap ma'a apkellelto nak apkellammelhmakha mongiaskeiam.

1 Timoteo 6:12

Ka apvanko koka ennapakpok aniem'o apkenmasmo mei'askeiam anak, meniangko nhan ngkolhek aklekkaso akiennaktema apneniek mangkotnengvaiam annelha, ngkanek lheiap apto apkeliekieskama Eniapom Neten, apkelvetaskaskek na napaqtavek enenlhet'avok akietnema mei'askeiam lheiap.

2 Timoteo 1:13

Elhengkes hata nhan aktemakha lhta asketlhekmoskama lheiap, eloka ta nhan lhemek ma'a mangiaskeiam anak, nengasekhai'o nhan alleniemai'o m'a apasmekha songkek Cristo Jesús.

Tito 1:4

Asmak'ak angvapaskesek vakkahak anak astalheskama lheiap Tito, apto nhan malha eietka aniem'o nhan aknemo mo'ok mongeliaskeiam. Askeltavek Eniapom Neten kanhan Jesucristo apto hengelvonkeskama tep etaqmelkeskesek apkaniemhaikama, eniankok na aktaqmelaikama apvalhok lheiap.

Hebreos 13:22

Elialheng'a, ntasek eltaqmelkaso apkellailhemo akiakvatema nke niekhe askeliatekho nak asnaktalheskeskama ketlhengkap.

Hebreos 6:9

Ketlhengkap elialheng'a askellamelaiam, nkoihek ania'a asietkeskama lhkek, koka asiavek ko'o etlhevangkok hata ketlhengkap qaselha altaqmelo aniem'o m'a nengelvongkasemmalhka nak tep.

1 Pedro 5:12

Hai, akiakvatema nkek vakkahak anak astalheskama aniem'o nhan hepasmoma astema emo'ok nengaqtek eialheng Silvano, astalheskek vakkahak anak askellanemakha etnangkok, kakpota elvetaskesek qaselha altaqmelo alleniem'o Eniapom Neten akiavai'a apkellamelaiam ketlhengkap ma'a, etlhengkes hata nhan alpaihekha nak apvalho'ok aniem'o apkellamelaiam ma'a.

2 Pedro 1:1

Ko'o Simon Pedro asto heiapaskama kanhan heiasennaikama Jesucristo, nlhenkek evalhok aplhamakho apketlhevai'a nak mangiaskeiam aktaqmanma nke', ka kto nak ennengko'o aniem'o nak Eniapom Neten kanhan Jesucristo apto apeivomo kanhan hengelvongkeskama tep.

2 Pedro 2:21

Apkeliangveiakme lhta niekhe amai anak akpeivomo, koka netamen apkelieniekhek ma'a, meleliehekho nhan henganemakha aktaqmelo allanemakha etnangko niekhe m'a, ntase lhta niekhe meliangvomhe' amai anak ma'a.

Judas 1:1

Ko'o Judas, Santiago nhan apialheng ko'o, asto nhan heiasennaikama Jesucristo. Nlhenkek evalhok apkellelto apkeliekieskama Eniapom Neten aniem'o apkellamelaiam, apkellelto nhan apkeltakmelkeskama m'a Jesucristo.

Judas 1:17

Elialheng'a askellasekhai'o, kotlheianvakho ta apvalho'ok apketlheianmo lhta sekhe ankek apkellapaskama, apkellasennaikama nhan apveske engankok Jesucristo.

Judas 1:20

Elvaskap hato ka aktaqmanma nke nak meliaskeiam ketlhengkap elialheng'a askellamelaiam, elelmalhna ta mota aniem'o apkelpasmoma Espíritu Santo.

Apocalipsis 12:11

Koka apkeleltemeskesakhe lhta koneng ma'a aniem'o lhta akiangkenammalhka ema apankok Nepkesek Apketkok, aniem'o lhta nhan apketlheianma apvesai'a m'a metka apkellai'a, nkaqhok apkenmahai'a etekio'ok

Apocalipsis 2:10

Koka meniaga nkek akmak'o ta nkovak aplengaiangko lheiap. Moklhem'a ta apieseksek anak ketlhengkap ngkolhek hata allaklhengkaso nemmammalhkelha aniem'o aveske keliaqhameio' kakpota nhan ngkolhek aliepkono m'a, ellengangkok hata akvakmo 10 aknem. Ka apvaskapo ta lheiap m'a akvakmo apketsepo niekhe, ko'o ta angvangkok akianmoma apnaksepma akvesai'a akiennaktema apneniek mokhom".