Judas 1:24 - Nuevo Testamento Toba Maskoy

²⁴ Apvankek Eniapom Neten elpasmok ketlhengkap kakpota mellanankek qaselha ngkollatsekama, elalhnaskesek na apvalho'ok neksa apkeliamolhma. Eliantemakhek na akieto napaqtek aktaqmelakha nkek ma'a akieplomo akiavai'a alpaihekha apvalho'ok.

Judas 1:24 ပူးပေါင်းရင်းမြစ်များ

2 Timoteo 4:18

Hevongkesek hata nhan tep emanie nak neksa akvai'a maniamolhma, heiantemekhak hata nhan ma'a akieto neten aptemakha nak Apveske m'a. ¡Antangko ta mota gloria Apvesai'a m'a metka akvaiam annelha aliekaikamok iantelhkapa! Amen.

Efesios 3:20

Kolhva koka ntasek angeltakneskasangkok Eniapom neten apto apmopvana hengeltaqmelkeskesek nellaniemhaikama akiavai'a nkek, tep ankek ma'a nengellanemakha nkolhok alietnaikama engaqto'ok anak, tep ankek na m'a nengelelmalhnengka la'a aniem'o apmopvana nak aknema engvalho'ok anak.

Colosenses 1:22

Kolhva koka apkeliepetkangvakhek mokhom ma'a Eniapom Neten aniem'o Cristo aptaiekho lhta nhan enenlhet apankek ma'a, apketsepmo lhta nhan apkeliaqmoiekha ketlhengkap, apkeltemeskeskamo nhan apkelpokkenammap ma'a, metka alpaieseiam apvalho'ok, metka apketlhenammap na meliamolhma.

Efesios 5:27

Netamen hata nhan ma'a nkolhek hata akiantengkasakho napaqtek ma'a, alhnai'o nkek ma'a, apommatma nhan, metka ngkolatsekama, aktaqmanma nkoie, metka akpaiseiam.

2 Corintios 4:14

Neliavek na ennengko'o m'a apto aplhatekhaskeiam neksa apketsepma Jesús, hata nha ngkotnek ennengko'o m'a annaklhatekhangvomok hata m'a, ketlhengkap nahan, netamen angelvakhak hata nhan napaqtek ma'a.

Apocalipsis 14:5

Mamma nhan anmovanka ania'a apatno'ok, metka nhan alpaiseiam apvalho'ok napaqte Eniapom Neten.

Romanos 8:31

¡Ntasek ankek aktemakha qaselha nak ma'a! Apno la nengekha Eniapom Neten, mamma nhan enenlhet apmopvana la hengellammelhek.

1 Pedro 4:13

Kolpaihekha toka mota apvalho'ok apkelvet'o la apkellengaiangko, ka aktemo lhta nhan Cristo m'a, netamen nkolpaihekhak hata nhan apvalho'ok apkelhiakmo ta m'a akieplomo akiavai'a apientalhnemo.

2 Corintios 11:2

Have astema ehenkek askeliatekama nak, Eniapom Neten koka heiaikamok akiavai'a nkek askenmasmo mota altakmelkesek ketlhengkap kakpota meltemengvakhe lhma apankavek ham kakpota elpasmekhak na Cristo, malha kto nak ngkelvana atkok la metka nema akmangveiam alienlhaneiakmo nak akvakmo aliemhapo atava la aktema.

2 Corintios 4:17

Nkomaskengvomok hata m'a nellengaiangko akientalhnema hengke'e nalhepop anak, nnek koka hengelpeneskaso kakpota ngkoitek akiennaktema enneniek akiav'akha nkek qaselha altakmanma m'a mankotnengvaianlha nnelha.

Romanos 14:4

Mankoietok eliemetkasama ketlhengkap nkotno apkenmakmesaikama, koka apveske apanko'ok anak ma'a apvankek etlhenek ngkolatsekama apkenmakmekama nlho ka la aktaqmanma. Koka ntasek hata ngkotnek apkenmakmekama m'a aniem'o apasmoma Apveske.

Judas 1:21

Etlhengkes hata mota apkellamelaiam Eniapom Neten, elel·halhen hata aknem nkovak hengellaikamok aliennaktema ennenio'ok nkotnengvaianlha nnelha aniem'o m'a apveske engankok Jesucristo apmapiose nhan hengellanhok ma'a.

Colosenses 3:4

Hai, Cristo apto apkeliennakteskama apnenio'ok ketlhengkap, hata apvaktamo ta mokhom hengke'e nkoieplevhok hata apkapommatema, apientalhnemo, ellangkongvatak hata nhan ketlhengkap ma'a.

Colosenses 1:28

Ennengko'o nelpaieskek ania'a aplhenammap Cristo, nellaskek na qaselha, netlhekmosenke mota akieplomo akiavai'a nkek neliangveiakmo kakpota etnangkok aliennaktema nkek apvalho'ok ketlhengkap apkanemakha nhan etnangkok Cristo m'a.

Lucas 9:26

Koka allennavengko la etlhenek asvesai'a kanhan asketlhekmoskama nak, nkonnevhok hata nhan ma'a Enenlhet Apketka nak etlhenek apkelvesai'a ketlhengkap apvaktamo ta akieplomo lhamakho aktemakha apmopvana aniem'o Apiapom, apketlhelhma'ak hata nhan ángeles apkelpokkenammap.

Santiago 2:10

Apno la enenlhet apkeliehekho ley atlhenkeskama nhan esavhoho', vanlha koka lhema alkama nkek ley meliehekho, ley hata nhan nkolhenek ma'a apto apselhnanemmap aniem'o apiekai'a m'a aklheianma.

2 Pedro 1:10

Ketlhengkap elialheng'a, apkellavema lhta Eniapom Neten, apkeliekiesaikamo lhta nhan ma'a, ntasek enmeivo mota m'a qaselha altaqmelo nak apvalho'ok kakpota mepallemmek.