Judas 1:16 - Nuevo Testamento Toba Maskoy

¹⁶ Ka enenlhet'avok anak apkellelto m'a apkeliematkesaikama po'ok, apkeltaqnevaikama, kanhan aptengiaikamo mota qaselha aleklemelha la apvalho'ok. Apkellammakpo pankavek, altakmanma niekhe apkelpaqmeiasma ellanhok po'ok napaqtek la'a, koka akhemo malha apkenmopvanka ania'a, vanlha koka mota nhan apteniaikamok qaselha apanko'ok apankavek.

Judas 1:16 ပူးပေါင်းရင်းမြစ်များ

Lucas 15:2

Apkelvetai'ak nak fariseos ma'a kanha escribas, ka apkelmaleniosemmakpo lhnak mok apankavek ma'a, lhna aptaiangkok: —Apalhakvakme nak Jesús enenlhet anak apkellanekamok ngkollatsekama kanhan aptavokhek lheme —lhnak aptaiangkok ma'a.

Lucas 19:7

Koka apkelmaleniosemmakpek nak enenlhet'avok ma'a apkelvetai'o apiantemekho Jesús apnemakha m'a enenlhet apkelanai'a ngkollatsekama.

Lucas 5:30

Apkakhaiangkek nak ma'a moklhem'a fariseos kakpota nhan escribas, apkeliaskamo lhnak apatno'ok apkakhangkelha Jesús apkeltamesaikamok ma'a, lhnak aptaiangkok apkellanemo: —¡Selha ntak aptavokho nak lhemek ketlhengkap apkenmaikamok anak patakkom impuesto ankok kakpota nhan enenlhet apkellanekamok anak ngkollatsekama, he! —lhnak aptaiangkok ma'a.

Juan 6:41

Koka m'a moklhem'a apkelemhama apmaniaie judios apkelpaqmetkesakpave lhta mok apankavek ma'a apkeliemetkasengka aptakha Jesús ma'a, ngkanek aplhenakpe lhta apanke aptema pan apkeniem'o neten.

Juan 6:61

Koka apiave lhta Jesús apkelmaleniongka apkeltamesaikamok, lhta aptak: —¿Nkellavkaske nlho ketlhengkap astakha lhkek alheianma, he?

1 Corintios 10:10

Meleltamo nkek na metka nkek Eniapom Neten, ka aptaiangko lhnak nanek nelieihengka'a, lhnak nanek nkeniemai'ak nkonnapok netsepma ngken.

Galatas 5:16

Asmak'ak alleltennaksek ketlhengkap mokhom, eleliehekho ta Espíritu kakpota meleliehekhek hata aliaspongkomakha nak apvalho'ok.

Galatas 5:24

Nenlhamakho nengelelto nelpasmekha Cristo Jesús malha ntemak neliaqhapkeskekha la neten iamet aktenneskama akiaspongkomakha nak engelvalho'ok akteniai'a na mota nkolanak ngkollatsekama.

Filipenses 2:14

Ellanamok hata lhamakho qaselha metka apkelmalenioikama, metka nhan apkellatemommap po'ok

1 Tesalonicenses 4:5

Melelto nkek na nkolhnangkok apvalho'ok alleltemo la enmensangvomo lhma, ka aptaiangkolha nak ma'a apkeliaskeiam Eniapom Neten.

1 Timoteo 6:5

apkeliamenammap anak apieseksek enenlhet'avok anak malha alieihama lhma, meliohok akto have niapak ankek, apketlhenakpave apankek nahan apkellelto meliaskeiam koka apteniangke mota apkennaksepma patakkom apanko'ok apankavek

2 Timoteo 4:3

Nkanek nkovak hatelha aknem mankonmahai'a ellailhok hengetlhekmoskama akto have niapak anke, eliavenkasangkok hatelha nhan apkenmahai'akha la eteniangkok apanko'ok apankavek, elteniangkok hata nhan hengetlhekmoskama apketlhekmosekamok la'a aleklemelha la apvalho'ok ellailhok ma'a.

1 Pedro 1:14

Eniapom Neten apketkak ketlhengkap, ka ngkanek ntasek eleliehekho mota ma'a, melieplavkesek mokhom aliaspongkomakha lhta apvalho'ok aptaiangkolha lhta mota nhan lhennenga meliamelha lhta Eniapom Neten.

1 Pedro 2:11

Ketlhengkap elialheng'a askellamelaiam, have apkellavakha hengke'e lhmankek ham, malha akiakvatakho la apsavhekho apkellangiemhaikama ka ngkanek angvapiosalhkok allanhok askeltemo enmankok aliaspongkomakha nak apvalho'ok, nnaqtevaskaskek songkek apvalho'ok ma'a.

1 Pedro 4:2

kakpota nhan akiaspongkomakha la apvalhok, apvankek na elana mota qaselha akleklemelha la apvalhok Eniapom Neten.

2 Pedro 2:10

avanhek hata ngkotnek na nema aliaqmongkaskesekha apkellelto la apkeliaspongkoma apkellanekamok aliaspongkomakha apvalho'ok, apkeltaknongkoma nhan etnangkok apveske apanko'ok Eniapom Neten. Aliennaktema apvalho'ok ma'a, apkellatemmoktemo apkelveskai'e apanko'ok, mellai'o nhan nkoltaqneva qaselha alientalhnemo m'a neten,

2 Pedro 2:18

Etlhenakpo apankavek apkelammakpo, koka aqhemo m'a, apkenmopvanka'a ania'a, apkeliennengkaskek ma'a atlhenkeskama nak apkelvatesaikamok meliamolhma kakpota etnokhak mokhom alleniem'o nak ma'a aliaspongkomakha nak apvalho'ok.

2 Pedro 3:3

Eltaqmelkaso ta apkellailhemo asmak'akha atnek alheianma, hata aimelhko ta ketsek aktemongvanlha nnelha aknem elvak hata enenlhet anmaikama aliaspongkomakha nak apvalho'ok meliamolhma, eliematkesama ta ketlhengkap ma'a,

Judas 1:15

kakpota ellanhok aptemakha apkelanai'a aktaqmanma, ngkollatsekama aplhamakho enenlhet'avok, etlhenek apketselhnanemmap apkelelto nak apkellanekamok ngkollatsekama, apkeltaknongkongkek apvesai'a m'a», lhna ntemak akvetai'a apaqtek Enok ma'a.

Judas 1:18

Neksa akmahai'a lhna lhta nkovak ma'a aptemongvanlha ta nnelha aknem, elvak hata enenlhet'avok apkeliematkesaikama mota, nkonmama ta nhan aliaspongkomakha nak apvalho'ok ma'a.