Judas 1:1 - Nuevo Testamento Toba Maskoy

¹ Ko'o Judas, Santiago nhan apialheng ko'o, asto nhan heiasennaikama Jesucristo. Nlhenkek evalhok apkellelto apkeliekieskama Eniapom Neten aniem'o apkellamelaiam, apkellelto nhan apkeltakmelkeskama m'a Jesucristo.

Judas 1:1 ပူးပေါင်းရင်းမြစ်များ

Marcos 3:18

Andres kakpota nhan Felipe, Bartolome, Mateo, Tomas, Santiago Alfeo apketka, Tadeo, Simon apto cananeo,

Marcos 6:3

¡Ieee! Neliavek ennengko'o ha'e, asota apkellanai'a. María atka m'a, ka apkelialheng'a m'a Santiago, José, Judas kakpota nhan Simon, nkellomaka nhan apkelialheng'a hengke'e nellokha nak —lhna aptaiangkok enenlhet'avok. Mang na songkek enmaiangkok takha Jesús ma'a,

Lucas 6:16

Judas Jacobo apketka, kakpota nhan Judas Iscariote, apto lhnak apselhnanekha aptaiangkolha aplhelhma apanke niekhe Jesús.

Juan 12:26

Apkenmak'ak hata nkek etnangkok askellasennaikama, nkaimelhkek helieploma asmangkelha la'a, alhelhma koka motaha. Ko'o Tata ta nhan eltemeskasangkok neten apankavek ma'a.

Juan 14:22

Koka lhta aptak Judas, have Judas Iscariote: —Apveske, ¿se lha ntak apkelto nak hengelvetaskesek lheiap vanlha ennengko'o, have nak lhamakho enenlhet, he? —lhta aptak.

Juan 15:16

Ma lhta heliekiesangkok ketlhengkap, ko'o koka nkeniemai'ak askeliekiesaiangko ehenke, ka askellapaso lhma nkek ham kakpota nkolhnangkok ngkeskama akielhna metka aktemongvaiam annelha. Netamen hata nhan ellangkok hata Tata apkelelmalhnengka la'a qaselha, akieplomo koka asvesai'a nak.

Juan 17:17

Etneskesamok apkelpokkanma lheiap aniem'o apaivoma akto have niapak ankek.

Juan 17:19

Aspokkenammalhko nak kakpota atlhekmosangkok helieplekama lheiap apaivoma akto aktaqmanma nkek, kakpota etnangkok na apkelpokkanma apkellasennaikama la lheiap.

Juan 6:39

Apkeltemo altakmelkesek enenlhet'avok anak hellaikamo lhta, netamen akvakmo ta nnelha lhmankek ham, anaklhatekhaskamok hata apieseksek apkenmaskengvaiakmo.

Hechos 1:13

Pedro lhnak m'a kakpota nhan Juan, Jacobo, Andres, Felipe, Tomas, Bartolome, Mateo, Jacobo Alfeo apketka, Simon apto celote kakpota nhan Judas Jacobo apketka. Ka apkelvekho lhnak apkakhaiangkolha m'a, apkelkanetvekho lhnak akieto neten pa'at ma'a.

Hechos 20:32

Kolhva koka askenmalhnema Eniapom Neten eltaqmelkesek ketlhengkap elialheng'a aniem'o ania'a aktaqmanma hengamelaiam altakmelkeskeskama ta apkellaniemhaikama. Nietnek na apmopvana m'a kakpota elvanengkeskesek na apvalho'ok meliaskeiam, hata nhan ellangkok ketlhengkap ma'a aplheianmo lhta apaivoma ellangkok apkelpasmekha nhan apkelpokkanma.

Hechos 27:23

Pelhasep lhek apiephongvo'o lhema ángel apkapaskama Eniapom Neten apto nhan apveske ehenkok ma'a, askasennaikama mota ko'o,

Romanos 1:1

Ko'o Pablo, heiasennaikama Cristo Jesús, nketlhenkek evalhok ketlhengkap ham. Heliekieskama lhta Eniapom Neten kakpota atnek heiapaskama mota apaiaksek ania'a aktaqmanma apankok ma'a.

Romanos 16:18

Nkanek have apkellasennaikama Apveske engankok Cristo m'a enenlhet'avok anak, vanlha aptengiaikamo mota anmahai'elha la apvalho'ok apanko'ok apankavek. Apkeltakmelkasave mota apkelpaqmetkesaikama apkellelto nak meliangveiakmo kakpota eliennengkesek ma'a.

Romanos 6:22

Kolhva koka nnengkek alpaqnengkasekho neksa anmaikama ketlhengkap ngkollatsekama nak, aptangkokhek apkellasennaikama Eniapom Neten, apvanka'ak na elentepkeskesek elvanengkesek qaselha altaqmelo, kakpota nkolhnangkok na aliennaktema apnenio'ok nkotnengvaianlha nnelha.

Romanos 8:30

Hai', lhennenga apkeliekieskama Eniapom Neten ma'a, netamen apkellaveiangka nhan, apkeltemeskeskamo nhan apkelpeivomo, apkeltemeskeso nhan neten apankavek apkeliaspommap ma'a.

Romanos 9:24

Koka ietangvalhva nak ennengko'o niekhe m'a nengelelto judios kakpota nhan metnangko nak judios nenlhamakho nengelelto hengellavekama Eniapom Neten.

1 Corintios 1:2

Nketlhenkek engelvalho'ok apkellelto iglesia apankok Eniapom Neten apkakhangko ham Corinto. Apkellelto nak nema alpokkanma kakpota elpasmekhak Cristo Jesús, etnangkok na Eniapom Neten apkennemolhema. Apkelpasmekha nhan aplhamakho lhmankek ham apkeltakneskasekamok na apvesai'a Jesucristo, apto apveske apanko'ok kakpota nhan apveske engankok ennengko'o.

1 Corintios 6:11

Ka aptaiangkelha lhta nhan moklhem'a ketlhengkap lhennenga qaselha ngkolatsekama nak, kolhva koka nnengkek aknalhvateskamo iemmen, kno nhan alpokkenkaso Eniapom Neten la apanko'ok, nnengkek na altemeskeskamo apkelpeivomo aniem'o Apveske Jesucristo kakpota nhan Espíritu apankok Eniapom Neten.

Efesios 5:26

Kakpota etnek apokkanma apankek ma'a. Malha nhan apkalhnaskama aniem'o apaivoma malha aktonak iemmen akmovana nak nkalhnaksek ma'a.

1 Tesalonicenses 5:23

Nengeleltavek na Eniapom Neten apto aktaqmelaikama engvalhok etnek na apkelpokkanma ketlhengkap, eltaqmelkesek apvalho'ok, apkelvanmongkoma kanhan apkeliokha kakpota etnangkok metka apkeltemengveiakmo lhma akvakmo apvaktamo ta apveske engankok Jesucristo.

2 Timoteo 1:9

Eniapom Neten hengelvongkeskangkek tep, hengeliekieskangkek nahan kakpota antangkok apkennemolhema hengelpokkanma, ma lhta niekhe hengelietemo ennengko'o m'a, koka tep nak nanek metka nnelha aktepekamo mota apeneskamo hengeltaqmelkeskesek hata nellaniemhaikama apmahai'o eniapaksek ma'a Cristo Jesús.

2 Timoteo 4:18

Hevongkesek hata nhan tep emanie nak neksa akvai'a maniamolhma, heiantemekhak hata nhan ma'a akieto neten aptemakha nak Apveske m'a. ¡Antangko ta mota gloria Apvesai'a m'a metka akvaiam annelha aliekaikamok iantelhkapa! Amen.

Hebreos 3:1

Ketlhengkap elialheng'a, apkelpokkanma, apkellavekama lhta nhan Eniapom Neten, ka nkeniemai'ak ntasek nkolietnama apaqto'ok amota aptemakha lhta Cristo Jesús. Netlheianmo na mota ennengko'o apto apkapaskama Eniapom Neten kakpota nhan apto apiav'akha sacerdote m'a.

Santiago 1:1

Ko'o Santiago asto heiasennaikama Eniapom Neten kanhan apveske Jesucristo nlhenkek evalhok apkellelto 12 apkelpasmekhak apketkak neptamen Israel, apkakhengveiakmo lhma nkek ham lhamakho apkellavakha.

1 Pedro 1:2

Eniapom Neten apkeliekiesaikamok ketlhengkap kakpota etnangkok apkennemolhema apankavek ma'a, Espíritu lhta apkelpokkanma m'a kakpota eleliehekhok ma'a, nkolalhnaksek na ema apankok Jesucristo. Askeltavek na ko'o Eniapom Neten eiavenkasok apkeltakmelkeskeskama apkellaniemhaikama, ellangkok na altaqmelaikama apvalho'ok ketlhengkap ham.

1 Pedro 1:5

Meliaskeiakmok ketlhengkap Eniapom Neten ka nkeniemai'ak apkeltakmelkeskamo m'a akieplomo apmopvana kakpota etlhevangkok hata lhema qaselha apeneskamo akietnaikama apaqtek ellangkok hata akvakmo ta aktakha nnelha aknem, akvesai'a nak ma'a nenvongkasemmalhka tep.

1 Pedro 2:9

Ketlhengkap koka apkeliekiesaiangkek Eniapom Neten kakpota etnangkok apkennemolhema, apkellelto nhan sacerdotes apkellasennaikama apiav'akha apveske, apkellelto nhan lhema apkavakha apkelpokkenammap aniem'o apkenmama apianmongkeskama Eniapom Neten, apkeleltemo nhan eleltennasangkok lhamakho qaselha hempelapkeskama apkelanai'a m'a, aplaqlosengvekho m'a ienaqtesakha lhma ketlhengkap, aplaqlekho m'a akieto malha apommatmakha atsaskamo nke lhma

1 Pedro 5:10

Koka apkelvaskapo la akiakvatakho nkek apkellengaiangko akientalhnema, eltemeskesek hata nhan apkelpeivomo Eniapom neten ma'a, eliennakteksek hata nhan, elteniaskesek hata nhan apiempeiok, ellangkok hata nhan apkeliangveiakmo aktemakha apkelvetai'a. Hai, etnek hata Eniapom Neten ma'a ngkanek avanhek apkellamelaiam ketlhengkap ma'a, apkeliekieskek na kakpota elpasengvomok aktakmelakha nkek nkotnengvaiam annelha apkelpasmekha Jesucristo.

2 Pedro 1:1

Ko'o Simon Pedro asto heiapaskama kanhan heiasennaikama Jesucristo, nlhenkek evalhok aplhamakho apketlhevai'a nak mangiaskeiam aktaqmanma nke', ka kto nak ennengko'o aniem'o nak Eniapom Neten kanhan Jesucristo apto apeivomo kanhan hengelvongkeskama tep.

Judas 1:21

Etlhengkes hata mota apkellamelaiam Eniapom Neten, elel·halhen hata aknem nkovak hengellaikamok aliennaktema ennenio'ok nkotnengvaianlha nnelha aniem'o m'a apveske engankok Jesucristo apmapiose nhan hengellanhok ma'a.

Judas 1:3

Ketlhengkap elialheng'a askellamelaiam, avanhe skeltema anaktalheskesek aktemakha m'a nengelvongkasemmalhka nak tep. Kolhva koka asmak'ak allasnama askeleltemo eliavenkasok apkeltakmelkeskama meliaskeiam anak nema allaikamok alhta aplhamakho apkellelto nak apkelpokkenammap.