Hechos 9:6 - Nuevo Testamento Toba Maskoy

⁶ etnemekha neten, etalhnengvom hata ha'e apnakha natemma, hata ngkolhek altennaso ania'a lheiap ma'a —lhna aptemak ma'a.

Hechos 9:6 ပူးပေါင်းရင်းမြစ်များ

Lucas 3:10

Ka apkelelmalhneiangka lhnak enenlhet'avok ma'a, lhna aptaiangkok: —¿Ko la aktaqmelakha antangkok ennengko'o m'a, he? —lhna aptaiangkok.

Hechos 10:22

Ka apkellatemmoiangka lhnak enenlhet, lhna aptaiangkok: —Capitan Cornelio lhta hengellapaskama ennengko'o apkeltemo angeliama lheiap kakpota etlhekmoskakhak ma'a. Apto nak enenlhet apeivomo m'a, apkeliehekho nhan Eniapom Neten, enenlhet'avok judios avanhek ankek apketlheianma mota apiamolhma apankek ma'a Cornelio. Ka nkeniemai'ak ma'a apakmetkeskamo lhna lhta lhema ángel apokkenammap kakpota hengellapaksek ennengko'o hengke'e —lhna aptaiangkok ma'a.

Hechos 10:32

Ellapes hata enenlhet natemma Jope kakpota eliantengvakhak Simon, mo'ok apvesai'a nhan Pedro. Ka apnak aptema amaika'a apnemakha apkelvesai'o lheme nak Simon apmakmekama apkeltakmelkeskama kaselha aiempeiok, apnek ma'a akieto nekha alvata", lhta aptak heiano m'a.

Hechos 10:6

Ka apnak ma'a apnemakha nak apkelvesai'o lheme apvesai'a nak na Simon, apmakmekama nak apkeltakmelkeskama kaselha aiempeiok akieto nekha alvata —lhnak aptemak ángel.

Hechos 2:37

Avanhek ankek nak altaikama apvalho'ok apkellengai'o m'a, ka apkelelmalhnengvekho lhnak Pedro kakpota nhan apketlhelhma'ak nema allapaskamo, lhna aptaiangkok: —Elialheng'a, ¿ko la antemeskesangkok ennengko'o m'a, he? —lhna aptaiangkok.

Hechos 22:10

Ka askenmalhnengka lhta mokhom nema aliatekama, lhta stak: "¿Se lha apkelto alanak ke, Apveske, he?", lhta stak. Ka heiatemmongka lhta mokhom nema aliatekama m'a, lhta ntak: "Etnemekha neten, eniakha ta natemma Damasco, hata nhan ngkolhek altennaso apkeltakpelha ta etnek ma'a", lhta ntak nema aliatekama heiano m'a.

Hechos 26:16

¡Etnemekha neten kolhvave nak! Asteiapva'ak ko'o napaqte lheiap kakpota atneskesek askasennaikama lheiap, askeltavek epaiaksek ania'a aktakha nak apvetai'a lhkaiek, netamen epaiaksek hata nhan ania'a aktemakha ta asvetaskeskama lheiap.

Hechos 9:5

Ka apkenmalhneiangka lhnak Saulo, lhna aptemak: —Apveske ¿se lha lheiap ke, he? —lhna aptemak. Ka atemmoiangka lhna nema aliatekama m'a, lhna ntemak: —Jesús ko'o ka heiaqmasengka nak lheiap,

Romanos 10:20

Lhnak na nek na aptemak Isaias metka apkai'a: «Helvetakhe lhta apkellelto nak manghelketansema, askelvetaskesalhke lhta nhan ehenke' apkellelto nak melelmalhnengvaiam alhma asvesai'a»

Romanos 10:3

Apteniangke mota aptaikamok apkelpeivomo apanko'ok apankavek, mankonmahai'ak eliekpelkok apto vanlha Eniapom Neten apkeltemeskeskama apkelpeivomo. Lhennenga aktemakha aklhenaikama apvalhok etnehek ma'a, koka mankonmahai'ak enmankok takha ko israelitas.

Romanos 5:20

Ka aktemakha lhnak nanek akvai'o ley Moises ma'a atlhenkeskekho apvalho'ok enenlhet meleliehekho apkellaskamakha Eniapom Neten, niaveiangkek nak nanoka meleliehekho m'a, koka neten ankek nak nanek na ntemak akiavekamok aktaqmanma apkellanei'o Eniapom Neten.

Romanos 7:9

Lhennenga tep nak nanek mamma ennengko'o ley anak, netamen akvai'o m'a hengeskamakha, ka aktepo nhan hengiatekamok angeliekak ma'a aliaspongkomakha nak engelvalho'ok,

Filipenses 2:12

Ketlhengkap elialheng'a heleliehekhave lhta mota asnemo lhta apieseksek ham, ntasek na heleliehekhok kolhvave nak neksa asnema mokhe, ellanamok hata lhamakho qaselha aimommalhkelha la'a kakpota ngkolhek alvongkaso tep akieplomo neksa apkellai'a kakpota nhan neksa apkelelpelhiennoma allai'o apnenio'ok ma'a.

Santiago 4:6

Avanhek ankek na hengelpasmoma aniem'o apiamolhma' panke', ka aktemo nak vakkahak Eniapom Neten apaivoma hengke'e: «Apkammelhmakha Eniapom Neten ma'a ammalhko engvalhok anak, koka apkeltakmelkeskaskek apkellangiemhaikama apkellelto nak nalhep'avek apvalho'ok».