Hechos 9:31 - Nuevo Testamento Toba Maskoy

³¹ Metka akmaska lhna ntemak apkakhaikamok ma'a apkellelto iglesias akieto iokhalhma Judea, Galilea, kakpota nhan Samaria. Ntepeiangkek nak apkeliangveiakmo aptemakha Eniapom Neten, aplhameiangkek nak enenlhet ma'a aniem'o apkelpasmoma Espíritu Santo, apkellai'avek na mota Apveske m'a.

Hechos 9:31 ပူးပေါင်းရင်းမြစ်များ

Hechos 12:24

Ka akpaihekho lhnak apaivoma Apveske aklhamakho apkellavakha.

Hechos 16:5

Aplhameiangkek nak moklhem'a iglesias, nkeliennaktengkek nak na meliaskeiam ma'a.

Hechos 2:47

Apkeliavenkaseiangka nhan apvesai'a Eniapom Neten ma'a, apketlhenammakpo lhnak na apkellelto apkeliamolhma m'a. Lhamakho knem na ntemak aplhamasekamok Apveske m'a enenlhet'avok knema ta alvongkeskama tep.

Hechos 20:32

Kolhva koka askenmalhnema Eniapom Neten eltaqmelkesek ketlhengkap elialheng'a aniem'o ania'a aktaqmanma hengamelaiam altakmelkeskeskama ta apkellaniemhaikama. Nietnek na apmopvana m'a kakpota elvanengkeskesek na apvalho'ok meliaskeiam, hata nhan ellangkok ketlhengkap ma'a aplheianmo lhta apaivoma ellangkok apkelpasmekha nhan apkelpokkanma.

Hechos 5:11

Avanhek ankek nak apkellai'a aplhamakho iglesia kakpota nhan aplhamakho enenlhet'avok ma'a aktemakha akvetammalhka.

Hechos 6:7

Niangveiakmek nak nema alhpankeskama apaivoma Apveske, aplhameiangkek nak na nema altamesaikamok natemma Jerusalen, aplhaniek nak na sacerdotes meliaskeiam ania'a aplhenammap Jesús.

Hechos 8:1

Apnengkek nak ma'a Saulo apkennapmo enenlhet Esteban, nietemavek nak na aktemakha aklheianma apvalhok ma'a. Koka aknem nak ma'a ampai'o lhnak nema akmenlhenaikama iglesia akieto Jerusalen, apkelhpanmek nak aplhamakho apkenmaiangko lhnak mok iokhalhma Judea kakpota nhan Samaria, koka nema allapaskamo mang nak enieniaiangkok ma'a.

Romanos 14:17

Koka akieto nak aptemakha apveske Eniapom Neten, mamma nema hengaskama m'a aktemakha anto'ok, kanhan neniama. Koka m'a akto neten ankek akiaspommalhka anteniangkok nentaikamok nelpeivomo, altaqmelaikama engvalho'ok kakpota nhan akpaihekha engvalho'ok aniem'o Espíritu Santo.

Romanos 14:19

Hai', angellanangkok hata lhamakho nke nak kakpota nkovak altaqmelaikama engelvalho'ok kakpota nkovanamok lhemek aliennaktema engelvalho'ok aniem'o nelpasmommalhko.

Romanos 15:13

Hai, Eniapom Neten apto niapom al·halhnekama engvalho'ok angvetak aktaqmanma, ellangkok hata alpaihekha apvalho'ok kakpota nhan altaqmelaikama apvalho'ok apkellelto nak meliaskeiam apvesai'a m'a, ellaneskasangkok hata nhan apvalho'ok alel·halhnekama elvetak hata aktaqmanma aniem'o Espíritu Santo apmopvana.

1 Corintios 14:12

Avanhek apkeleltemo nkolhnangkok ketlhengkap apkenmopvanka'a aniem'o Eniapom Neten, koka ntasek elienlhanmankok ma'a apkenmopvanka nak eltaqmelkeskesek apkellangiemhaikama iglesia la'a.

1 Corintios 14:26

Elialheng'a, hata apkaknakho ta nempaivoma alhankok ketlhengkap, ntasek ma'a napokha ennekmasangkok salmos, napokha ta nhan etlhekmosangkok, napokha ta nhan etlhenek Eniapom Neten apaivoma, napokha nhan elpaqmetama mo'ok nempaivoma melioho nak, napokha nhan apkelpeivesekha m'a. Elienlhanmamok hata apkeltakmelkeskeskama la apkellangiemhaikama po'ok.

2 Corintios 10:8

Ka nkanek smak'ak atnek mokhom allanak ketlhengkap, Eniapom Neten hengellangkek nelientalhnemo kakpota angeleltennasangkok ketlhengkap etnangkok na m'a, have niapak ankek ma'a, askeliatema metka askammalhko, metka nhan asmangkaktema. Mankonmahai'ak na annaqtevaksek ketlhengkap, vanlha koka nengeleltemavek angeltakmelkeskesek apkellaniemhaikamaha.

2 Corintios 12:19

Ketlhengkap elialheng'a askellamelaiam, nkotlhenek hatelha apvalho'ok nellasennammalhka engankoie napaqtavek ketlhengkap, mankaimelhkak antangkok ma'a ngkanek vanlha mota nenteniankok angeltakmelkeskesek apkellangiemhaikama ketlhengkap ham aniem'o nengelelto nengeliamolhma nellasennaikama Cristo, apiavek Eniapom Neten akto have niapak ankek alheianma nak.

2 Corintios 13:10

Asnaktalheskaskek vakkahak anak astalheskama akiennaktema aspaioma amanie akvaiam hata ngkotnek ham, kakpota moliennahek askellanei'o asvaktamo ta ham, ngkanek heiangkek Eniapom Neten asientalhnemo kakpota alvanengkeskesek meliaskeiam, have asmahai'a anaktevaksek nahan.

2 Corintios 7:1

Elialheng'a askellamelaiam, ka nkeniemai'ak ma'a apneskamo aplheianma hengellangkok hata Eniapom Neten, ntasek hengellalhnaskesek neliokha kanhan engvalho'ok aniem'o altamekha ngkollatsekama, antangkok neliokho engankavek nelalhnai'o aniem'o nellai'o Eniapom Neten.

Efesios 4:12

Apketsavheskeskakme lhta nhan apkeliangveskeskaiakmo m'a apkellelto apkelpokkenammap kakpota etnangkok apkellasennaikama, kakpota enmakmesama elvanengkeskesek malha apiokha m'a Cristo,

Efesios 4:16

Alietetakha nak alpasmekha apiokha nak aniem'o Cristo, moklhem'a nak ma'a nietnek anmakmekama nkek mo'ok aktemakha, alpasmommalhko koka kakpota nkolvanamok ma'a, nkoliennak nahan aniem'o allasekhammalhko.

Efesios 4:29

Melpaqmetama ngkollatsekama la apaivoma, ntasek koka elpaqmetama altakmanma kakpota nkoltaqmelkesek apkellangiemhaikama po'ok, nkoliangveskeskamhok nahan.

Efesios 5:21

Elhneso ta mo'ok apvalho'ok apkeleliehekho po'ok apieseksek la'a aniem'o apkellai'o Cristo.

Filipenses 2:1

Koka apkellangko la Cristo ketlhengkap apkenmopvanka'a kakpota eliatekhok po'ok, alpekhesangka la nhan apkellasekhai'o kakpota elpaieskeskamok apvalho'ok po'ok, akno la nhan mo'ok apvalho'ok kakpota nhan akiavai'a nkek la apkelietnai'o napa'at po'ok,

Colosenses 1:10

Netamen hata m'a nkovak akietemo nkek aptaiangkolha apkanemakha nhan etnangkok Apveske, kakpota nhan ellanangkok metka nnelha qaselha akleklemelha la apvalhok ma'a, ngkeskama qaselha altaqmelo, akvakmo akvanemo lhamakho aknem apkeliekpelkangveiam Eniapom Neten.

1 Tesalonicenses 5:11

Ka ngkanek ntasek eleliatekhok po'ok, eleliennakteskasekhok na apvalho'ok po'ok lhamakho aknem.

1 Timoteo 1:4

Ennaves hata nhan kakpota mankonmankaksek aknem aklhengama apketlheianvekho na mota lhennenga ania'a, eltaqneva ta nhan kakpota melvenaktese mota apketlhenaikama apkelieihengka'a, koka m'a qaselha nak ntepkaske mota apkeliamenammap ham, mankotepkeskamak meliaskeiam kanhan apkeliangveiakmo aktemakha apmahai'akha etnek Eniapom Neten.

Hebreos 4:9

Kolhva koka ennengko'o nenvanlha nak nengelelto Eniapom Neten apkennemolhema akto iokhalhmek nengelel·halhanma' angelentelhek hata iokhalhma neniamposammalhkelha nak ma'a. Koka m'a hata angeliamposalhkak ma'a aniem'o nenmakmekama, ka aptemo lhnak nanek Eniapom Neten apiamposammakpo apeneskamo aktakha nnelha apmakmekama.

Judas 1:20

Elvaskap hato ka aktaqmanma nke nak meliaskeiam ketlhengkap elialheng'a askellamelaiam, elelmalhna ta mota aniem'o apkelpasmoma Espíritu Santo.