Hechos 9:18 - Nuevo Testamento Toba Maskoy

¹⁸ Kolhvavek ankek nak mpalleiakmok alielhaqlhema apaqto'ok, malha lhnak kelasma aiempeiok ma'a, ka apvetekho lhna lhma mokhom, nemo nhan aklavkeskamo konne iemmen ma'a.

Hechos 9:18 ပူးပေါင်းရင်းမြစ်များ

Hechos 2:38

Ka apkatemmoiangka lhnak Pedro m'a, lhna aptemak: —Eliaqmongkasekha mo'ok apvalho'ok, elvatesamok apkeltemakha ngkollatsekama, elteniamok nema allavkeskama konne iemmen akieplomo apvesai'a Jesucristo. Netamen Eniapom Neten etnama ta apankek meleliehekho apkellaskamakha, kakpota ellangkok na metka akianmoma Espíritu Santo.

Hechos 2:41

Nnengkek nak allavkeskamo konne iemmen apkellelto meliaskeiam aptemakha apkeltennaikama Pedro m'a, aplhameiangkek nak aptaikamok meliaskeiam Jesús ma'a, malha lhnak 3.000 enenlhet'avok ma'a.

Hechos 22:13

Ka apvo'o lhta asnakha m'a Ananias lhta aptak heiano: "Eialheng Saulo, etek hata lhma lheiap kolhvave nak", lhta aptak. Kolhvavek anke lhta asvetakha lhma ko'o m'a, asvet'o lhta nehaqtek ankek apiokho Ananias.

Hechos 22:16

Hai, eniaqheta mota apteniai'a nema aklavkeskama konne iemmen, nkalhnakse ta ngkollatsekama apvalhok, evenama ta apvesai'a Apveske m'a", lhta aptak heiano m'a Ananias.

Hechos 9:17

Ka apmeiekho lhnak Ananias apnakha Saulo, apnengkanvekho lhnak apmeiok takhaplhet ma'a, lhnak aptemak apkanemo: —Eialheng Saulo, Apveske Jesús alhta m'a apvetai'o nak lheiap nalhet amai neksa apmeienta nke'e Damasco, ka heiapaskama ko'o hengke'e kakpota etekha lhma lheiap, elanok na apvalhok Espíritu Santo lheiap —lhnak aptemak Ananias apkanemo Saulo.

Hechos 9:19

Ka aptavekho lhnak na aptoma m'a, akiennaiekho mokhom apiempek, apnemo nhan ma'a Damasco moklhem'a aknem aptaiekho nhan apketlhelhma'ak nema altamesaikamok ma'a.

Hechos 9:8

Ka apkenmekho lhnak neten Saulo m'a, mang noka etai'a lhma, ka apkenmaikokho lhnak apmek apketlhelhma'ak ma'a, apkeliantemekho akieto Damasco.

2 Corintios 3:14

Koka mang nak nanek nkomahai'ak eliohok ma'a, ka nenvanlha nak na aptavana'ak neptamen apkelietsatengko la vakkahak aktalhesammalhka lhennenga annemo mo'ok apvalho'ok apkenmahai'akha etnangkok, man na eliamok ma'a, malha niekhe nhan apkelapma la napaqta'a ietamopai'a napokha, apkeliaseiangke lhma m'a kakpota melvetie lhma m'a, meliehek nahan, vanlha koka nhan Cristo apto apmopvana el·hatsoskasangkok ma'a.

2 Corintios 4:6

Aptepkeskangkek nak nanek Eniapom Neten apommatema neksa ienaqtesakha lhma, aptepkeskangkek na apommatema engelvalho'ok anak kakpota nkoltetkesek enenlhet'avok netlheno la'a ania'a aktemakha aplhenammap Cristo, netamen hata nkotlhene ta apvalho'ok Eniapom Neten apto akietnema akiavai'a apmopvana m'a.