Hechos 9:17 - Nuevo Testamento Toba Maskoy

¹⁷ Ka apmeiekho lhnak Ananias apnakha Saulo, apnengkanvekho lhnak apmeiok takhaplhet ma'a, lhnak aptemak apkanemo: —Eialheng Saulo, Apveske Jesús alhta m'a apvetai'o nak lheiap nalhet amai neksa apmeienta nke'e Damasco, ka heiapaskama ko'o hengke'e kakpota etekha lhma lheiap, elanok na apvalhok Espíritu Santo lheiap —lhnak aptemak Ananias apkanemo Saulo.

Hechos 9:17 ပူးပေါင်းရင်းမြစ်များ

Marcos 5:23

—Eietno neha'at, mmak'ak lhek ngkotsepok eietka. ¡Nok, enengken hata apmeiok takhalhet kakpota mangkotsepe, ngkoloka ta mokhom! —lhna aptemak Jairo.

Marcos 6:5

Mang nak elanai'ak qaselha hempelapkeskama m'a, vanlha lhnak apnengkanmo apmeiok takhaplhet'ok moklhem'a anmaska apiempeiok la'a, ka apkeltaqmelkeskaiakmo lhnak na m'a.

Lucas 1:41

Apkaktemmakpek nak atka av'alhok Isabel neksa aklengai'a lhnak akpaiveskama María, aplanei'avek nak na av'alhok Espíritu Santo m'a,

Lucas 1:67

Aplanei'avek nak apvalhok Zacarias Espíritu Santo, ka apkelientemongkeskamo lhnak aplheianma qaselha akmak'akha ta ngkotnek ma'a, lhna aptemak ma'a:

Lucas 1:76

Lheiap eietka ngkolhek hata aktemeskaso apkeltennaskama ania'a apankok apto apnema netne kanke nak. Lheiap hata evomok apmanie m'a Apveske, epeneskasok hata nhan amai apankok ma'a.

Lucas 15:30

Koka apvaktamo apketka nak lheiap meihamolhma, aptevaskeskangkek na lheiap patakkom apankok ma'a apkaikamo lhta, ngkelvana'ak allanaktema apkellankongvaiakmok ma'a. Apmakhek koka takha mokhom lheiap, apkaqhaskeso nhan vakka atkok akmelai'a apokkanma lhta, apkelaneskaso nhan aktaqmelaikama lhma", lhna aptemak ma'a.

Lucas 15:32

Koka ntasek na angellanak aktaqmelaikama lhma, nkolpaihekhak na engvalho'ok apvaktaniek apialheng. Malha lhta apketsepma aptemak ma'a, aphalhnankok koka nelvetakhak mokhom, malha alhta aplheneiam na aptemak, koka nelvetakhek mokhom" lhna aptemak apiapom ma'a.

Lucas 2:11

Apteiakmek lhek apto apkelvongkeskama ta tep enenlhet'avok akieto apkavakha David, Cristo apto Apveske.

Hechos 10:36

Apkapaske lhta Jesucristo apto Apveske alhma nkek ham kakpota epaiaksek ania'a hengaikamok altaqmelaikama engvalho'ok apieseksek Israel.

Hechos 13:3

Ka apkelelmalhneiangko lhnak mokhom ma'a, apkellaqhaskesammakpo nhan mokhom mek. Netamen nak ma'a apnengkenaiangko lhnak na apmeio'ok takhaplhet'ok ma'a, apkellapaskamo nhan elhpankesek ania'a aktaqmanma.

Hechos 13:52

Koka neptamna'ak nema altamesaikamok ma'a akieto Antioquia nkelpaihekhek nak apvalho'ok kakpota nhan apkellaneiangkek nak apvalhok Espíritu Santo m'a.

Hechos 19:6

Ka apnengkanmo lhnak na apmeio'ok apietsekso'ok Pablo m'a, apvai'o lhnak na takhaplhet'ok Espíritu Santo. Ka apkelpaqmeteiangka lhnak nkotnakho apkelpaqmeiasma ania'a kanhan apketlheianmo ania'a aniem'o Eniapom neten,

Hechos 2:4

Apkelapvei'o lhnak na aplhamakho Espíritu Santo m'a, ka ampai'akha lhnak apkelpaqmetekama mo'ok apkelpaqmeiasma aniem'o m'a Espíritu.

Hechos 21:20

Nkelpaihakhe lhta apvalho'ok apkelleng'o m'a, ka apkeliavenkaskesangka lhta nhan apvesai'a Eniapom Neten ma'a, lhta aptangkok apkellano Pablo: —Eialheng Pablo, apvet'ak lheiap hengke'e mante pankek judios meliaskeiam Jesucristo, apketlhengke mota nkaimelhkek anlhengkesek mokhom neliehekho ley Moises.

Hechos 26:15

Ka askatemmongka lhta ko'o m'a, lhta stak: "¿Se lha enenlhet lheiap ke, Apveske?", lhta stak. Ka heiatemmongka lhta Apveske m'a: "Jesús ko'o, heiakmasengka nak lheiap.

Hechos 4:31

Ka akvaiakmo lhnak nnelha apkelelmalhnongkoma m'a, akievheiangka lhnak akietemelha apkaqnekhelha m'a, apkellapvai'o lhnak Espíritu Santo aplhamakho m'a, apkelteniaiavek nak na apiempeiok apketlheianma Eniapom Neten apaivoma m'a.

Hechos 6:6

Ka apkeliantemekho lhnak napaqtavek nema allapaskamo m'a, apnengkenaiangko nhan apmeio'ok takhaplhet'ok ma'a, apkelelmalhneskeskamo nhan.

Hechos 8:17

Ka apnengkenaiangko lhnak apmeio'ok Pedro kakpota nhan Juan apietsekso'ok enenlhet'avok ma'a, apketlhevaiangko lhnak na Espíritu Santo.

Hechos 9:18

Kolhvavek ankek nak mpalleiakmok alielhaqlhema apaqto'ok, malha lhnak kelasma aiempeiok ma'a, ka apvetekho lhna lhma mokhom, nemo nhan aklavkeskamo konne iemmen ma'a.

Romanos 15:7

Hai, ntase enmangko mota takha po'ok ketlhengkap, aptemakha lhta Cristo apkenmangke lhta takha nhan ketlhengkap. Netamen ma'a eltakneskasangkok hata aplhamakho apvesai'a Eniapom Neten ma'a.

1 Corintios 15:47

Hai, apmanie lhnak nanek nema alanai'a enenlhet apanke apkeniemai'o m'a nalhepop, netamen na enenlhet apkeniemai'o nhan ma'a neten.

1 Corintios 15:8

Netamen, alhaie nkek hetaskesakpo lhta nhan ko'o, malha aktonak nematka akiekai'a nak aknem apteiaianlha.

1 Corintios 9:1

¡Apkeliavek niekhe ketlhengkap asto nema heiapaskamo ko'o ngkanek asvetai'avek Apveske engankok Jesús! Ka astemeskesaiangko lhta nhan ketlhengkap Jesucristo apkennemolhema aniem'o aktemeskesaikamok asmakmekama lhta heiasennaikama Apveske, nietavek na alhkak akianmoma asmakmekama ka aptaiangko nak aplhamakha nema allapaskamo.

1 Timoteo 4:14

Emama ta apmopvana aplhevai'a lhta neksa apnengkenaikamok apmeio'ok alhta takhaplhet metno apketko'ok aniemai'o lhtoka nhan ma'a Eniapom Neten aptema.

1 Timoteo 5:22

Kolketamama ta apvalhok amanie nkek sekhek apmahai'a enengkenek apmeiok takhaplhet la enenlhet kakpota etneskesek apkemhama apmanie' m'a apieseksek Jesucristo apkennemolhema, koka mankolketamengka la apvalhok ma'a, etnek hata nhan lheiap malha apselhnanemmap aniem'o m'a enenlhet mangkolatsekama apmakmekama, etne ta mota alhnai'o apvalhok lheiap.

2 Timoteo 1:6

Asmak'ak angvangkok ko'o lhema aspaioma lheiap, enialaivasekho ta mokhom malha talha lhta aplhevai'a apmopvana lheiap aniemai'o lhta m'a Eniapom Neten apkaikamok neksa asnengkanma lhta emeiok apietseksek lheiap.

Filemon 1:16

elvataksek kelha nhan aptema nema asennaikama nema apianmoma, etnekhak kelha nhan apkellanei'o lheiap malha apialheng la'a apkamelaiakmo, ntasek ankek enialheng la'a melhnok nema apianmoma nak. Avanhek ko'o askamelaiam hengke'e, lheiap koka ntasek hata nhan etnek neten ankek apkamelaiam, etneskes hata nhan enenlhet apankek ham, apialheng na lheiap aniem'o Apveske.

Hebreos 6:2

Mankaimelhkak ketlhengkap ma'a ngkolhek altaqhengveskeskakho nema atlhekmosekamo lhta ampakhasekha nke lhta aktemakha m'a nema henlavkeskama nak konne iemmen ankok, aktemakha nak apkakhesekamok apmeio'ok apietsekso'ok apkellelto Jesucristo apkennemolhema, aktemakha nhan nema apnaqlhatekhaskeiam apkenmaskengvaiakmo, aktemakha nhan nema ta aliekpelkemo emanie nak.

2 Pedro 3:15

Askeltavek na eliohok ketlhengkap Eniapom Neten metka apekheskama eiaqmongkasekhak nentemakha m'a, apkeltave niekhe la angelvongkasalhkak tep ma'a nenlhamakho, apnaqtalheskeskangke lhta nhan engeliepma'ak nellamelaiam Pablo aktemakha nak ma'a akieplomo koka apiangveiakmo aniem'o m'a Eniapom Neten.