Hechos 9:15 - Nuevo Testamento Toba Maskoy

¹⁵ Koka lhnak aptemak mokhom Apveske apkanemo: —Eniakha ta panke, ko'o askeliekieskama m'a enenlhet anak kakpota elhenek asvesai'a apieseksek metnangko nak judios, kakpota nhan apieseksek apkeliav'akha apkelveskaie apanko'ok, kakpota nhan apieseksek israelitas.

Hechos 9:15 ပူးပေါင်းရင်းမြစ်များ

Juan 15:16

Ma lhta heliekiesangkok ketlhengkap, ko'o koka nkeniemai'ak askeliekiesaiangko ehenke, ka askellapaso lhma nkek ham kakpota nkolhnangkok ngkeskama akielhna metka aktemongvaiam annelha. Netamen hata nhan ellangkok hata Tata apkelelmalhnengka la'a qaselha, akieplomo koka asvesai'a nak.

Hechos 13:2

Lhema knem na ntemak ma'a apkeliavenkaskesaiangka lhnak apvesai'a Apveske kakpota nhan apkellakhaskesammakpok mek, koka lhna aptemak apkellanemo Espíritu Santo m'a: —Heliekieskasamo ta Bernabe kakpota nhan Saulo, allangko ta apkenmakmekama —lhna aptemak.

Hechos 21:19

Ka apkelpaivesangko lhta nhan Pablo m'a, apkeltennangka lhamakho aktemakha apasmoma Eniapom Neten neksa apmakmekama mota apieseksek metnangko judios.

Hechos 22:14

Lhta aptak mokhom heiano: "Eniapom Neten apto apveske apanko'ok nelieihengka apkeliekiesak lheiap kakpota etneskesek apmak'akha ta etnek ma'a, kakpota etak ma'a apto apeivomo, eniailhok hata nhan aptakha la apaivoma.

Hechos 22:21

Koka lhta aptak heiano mokhom Apveske: "Eniakha panke', askeltave ko'o emhangkok lheiap mokhek ankek mo'ok apkellavakha apkakhaiangkolha nak metnangko nak judios", lhta aptak heiano.

Hechos 25:22

Netamen lhna aptemak Agripa apkanemo Festo: —Askeltavek ko lha angvailhok enenlhet anak —lhna aptemak. Koka lhna aptemak Festo apkatemmoiangka: —Hai, sosekha ta —lhna aptemak.

Hechos 26:1

Lhna aptemak apiav'akha apveske Agripa apkanemo Pablo: —Eniasennap apanke lheiap, eliata noho —lhna aptemak. Ka apiasekho lhnak neten apmek Pablo m'a apkeltema elvanmak sekhek enenlhet'avok ma'a, lhna aptemak:

Hechos 26:32

Koka lhna aptemak Agripa apkanemo Festo: —Ntase niekhe epaqnemekhak enenlhet anak, mangapvankek koka ngkanek apkeltema apankek lhek eiekpelkok ma'a apveske Cesar —lhna aptemak ma'a.

Hechos 27:24

lhke ptak heiano: "Menia nkoie' Pablo, Eniapom Neten hata evongkesek tep lheiap kakpota nhan apketlhelhma'ak aniem'o lheiap, ngkanek nkaimelhkek elhong mokhom lheiap napaqtek apnakha apiav'akha apveske Romano", lhke aptak heiano ángel.

Hechos 28:17

Hanetolhem'a aknem alhta ntak akiekai'a m'a, ka apkelto lhta Pablo ngkolhek allav'o apkelemhama apmaniaie judios apkellelto apkelloma m'a Roma, lhta aptak apkellano: —Mamma ko'o askammelhaikama nennemolhema judios kanhan apkeltemakha nelieihengka, nkaqhok koka moklhem'a apkelemhama apmaniaie judios akieto m'a na temma Jerusalen hellangkongvakmo lhta m'a apkelemhama apmaniaie romanos apkeleltemo heiaqlhengkesek nenmammalhkelha m'a.

Hechos 28:28

Ka nkeniemai'ak nenvongkasemmalhka nak tep apketlhevangveiakmo m'a metnangko nak judios, ellailhok hata nhan ma'a.

Romanos 1:1

Ko'o Pablo, heiasennaikama Cristo Jesús, nketlhenkek evalhok ketlhengkap ham. Heliekieskama lhta Eniapom Neten kakpota atnek heiapaskama mota apaiaksek ania'a aktaqmanma apankok ma'a.

Romanos 1:5

Jesucristo hetaqmelkeskeskama askaniemhaikama ngkanek hetneskeskamo heiapaskamo mota kakpota apaiaksek ania'a aklhenammalhka apvesai'a apieseksek metnangko nak judios. Ketlhengkap nahan romanos apkelpalhkammap apieseksek anak ham, kakpota meliaskamek, eleliehekhok nahan, etnangkok hata apkennemolhema apkelpokkenammap.

Romanos 11:13

¡Ellailho no ketlhengkap metnangko judios! Ko'o asto heiapaskama Eniapom Neten kakpota apaiaksek ania'a aktaqmanma apieseksek ketlhengkap, avanhek ankek askai'o asmakmekama nak.

1 Corintios 15:10

Nkaqhok koka Eniapom Neten aktaqmanma nkek helanei'o, hetneskeskangke na apankek heiapaskamo mota. Have aqhemo asmakmekama nak, asteniai'o eiempek ko'o, aselhtek ma'a nema alapaskamo lhta, koka have asiennaktema ehenkok ehenke', koka aniem'o heiaikamok ma'a Eniapom Neten hetnema mota aplhelhma m'a.

1 Corintios 9:16

Have askammalhko aniem'o askeltennaikama ania'a aktaqmanma, askanemmalhka moiekaksek ma'a, ¡ko'o la ta laie motno la m'a!

Galatas 1:1

Ko'o Pablo hetneskeskamo heiapaskama Jesucristo kanhan Eniapom Neten apto nhan aplhatekhaskeiam apieseksek apkenmaskengvaiakmo, have enenlhet apankavek hellapaskama.

Efesios 3:1

Ka nkeniemai'ak ma'a nemo nak heiaqlhengkeskamo nemmammalhkelha aniem'o askasennaikama Cristo Jesús kakpota altakmelkeskesek apkellangiemhaikama ketlhengkap metnangko nak judios.

1 Timoteo 2:7

Ko'o lhta nhan nemo hetneskeskamo askeltennaikama ania'a kanhan nema heiapaskamo kakpota atlhekmoksek aktemakha mongiaskeiam akto have niapak ankek apieseksek anak metnangko nak judios. Have niapak ankek astakha nak alheianma, have asmopvana ania'a.

2 Timoteo 1:11

Heliekieskamo lhta Eniapom Neten kakpota apaiaksek ania'a aktaqmanma nak, hetneskeskamo nhan heiapaskamo apankok kanhan hengetlhekmoskama,

2 Timoteo 2:4

Ka soldado la'a meteniak apankok apankek la apkaniemhaikama, vanlha koka aptenia mota akleklemelha la apvalhok apveske apankok.

Apocalipsis 17:14

Nkonnapalhkak hata akieplomo atlhelhma'ak ma'a Nepkesek Apketkok, koka koneng hata etneskasentak ma'a ngkanek apto Apveske neten apankek melhnok po'ok apveske la'a, Apiav'akha Apveske nhan neten apankek melhnok po'ok apiav'akha apveske. Etnangkok hata nhan apketlhelhma'ak apkellelto lhta apkellavommap anak, apkeliekiesammap nahan kanhan apkelleliehekho mota m'a —lhta aptak heiano ángel ma'a.