Hechos 8:5 - Nuevo Testamento Toba Maskoy

⁵ Felipe lhnoka apmaiangkok iokhalhma Samaria, ka apkeleltennaskeiakmo lhnak ania'a aplhenammap Cristo m'a.

Hechos 8:5 ပူးပေါင်းရင်းမြစ်များ

Hechos 1:8

Koka etlhevangkok hata aknema akmovana aliennakteskama ketlhengkap apvo'o ta Espíritu Santo takhaplhet'ok ma'a. Enmankok hata lhma nkek ham Jerusalen, Judea, Samaria, akvakmo aktakha mokhek ankek avhok lhepop mo'ok apkellavakha. Eleltennasama ta aplhamakho enenlhet'avok aktemakha apkelvetaiangko lhamakho qaselha askelanai'a lhta —lhna aptemak Jesús ma'a.

Hechos 21:8

Mo'ok aknem alhta ntak ma'a, netlhengo akvakho natemma Cesarea, ka nentangko lhta nhan amaika'a apnemakha Felipe. Apto lhta evangelista m'a, apto lhta nhan lhema aphapak apieseksek 7 apketlhelhma'ak, vanlha lhta mota apkelpasmekama m'a nema alapaskamo apkenmakmekama lheme.

Hechos 5:42

Lhamakho aknem nak apketlhekmosekamok aptemakha Jesucristo akieto m'a Eniapom Neten apnemakha kakpota nhan lhamakho apkakhaiangkolha la enenlhet ma'a.

Hechos 6:5

Nkelleklemavek nak apvalho'ok enenlhet'avok ma'a, ka apkeliekiesaiangko lhnak lhema enenlhet aklanei'o apvalhok Espíritu Santo kanhan mei'askeiam apvesai'a lhnak Esteban, kakpota nhan po'ok Felipe, Procoro, Nicanor, Timon, Parmenas kakpota nhan Nicolas apkeniem'o m'a Antioquia, aptemongvai'a lhnak na judio m'a.

Hechos 8:1

Apnengkek nak ma'a Saulo apkennapmo enenlhet Esteban, nietemavek nak na aktemakha aklheianma apvalhok ma'a. Koka aknem nak ma'a ampai'o lhnak nema akmenlhenaikama iglesia akieto Jerusalen, apkelhpanmek nak aplhamakho apkenmaiangko lhnak mok iokhalhma Judea kakpota nhan Samaria, koka nema allapaskamo mang nak enieniaiangkok ma'a.

Hechos 8:26

Lhema ángel nak apkapaskama Apveske apteiapvai'ak apnakha Felipe, lhnak aptemak: —Elanekha apketsekama kakpota enialhtepelhketek metkelha temma akieto ieiam amai ampo'o Jerusalen akvakho Gaza —lhnak aptemak ángel.

Hechos 8:30

Apkasekhai'avek nak Felipe m'a, aplengai'o lhnak apkelietsatema vakkahak aptalheskama apkeltennasemmap ania'a Isaias annenga, lhnak aptemak apkenmalhneiangka: —¿Apiave nlho aktakha nak apkelietsatema lheiap, he? —lhna aptemak Felipe.

Hechos 8:40

Koka apvekho lhnak akpelapkeskama nkek Felipe natemma Azoto, aplhengo mokhom akvakho natemma Cesarea, lhamakho temma amai aktakha la apkeliekaikamok apaiesaiangko lhnak ania'a aktaqmanma.

Hechos 8:6

Apkeltakmelkeskamavek nak apkellailheiangko enenlhet'avok ania'a m'a ngkanek apkelvetai'o qaselha mongenatkeskama apkelanai'a Felipe.

Hechos 9:20

Apkempai'akha lhnak kolhvavek anke apkeltennaikama Saulo apkaqnekhelha judios Jesús apto Eniapom Neten apketka.

1 Corintios 1:23

Ennengko'o koka neleltennaskek ania'a Cristo apketsepma lhta neten iamet aktenneskama, apkeltaknevakkek koka judios ania'a nak, aktaikama nkek koka apkellanemak ania'a nak metnangko nak judios.

1 Corintios 2:2

Vanlha lhta mota askeleltennaskamo akietemo nkek aklheianma evalhok ania'a aplhenammap Jesucristo apketsepma neten iamet aktenneskama.

1 Corintios 3:11

Mankolatsekama ngkolhek akiaqmongkasakho mo'ok aktemakha nema alanai'a lhta akiennakteskamakha pa'at, Jesucristo koka apvesai'a m'a.