Hechos 8:35 - Nuevo Testamento Toba Maskoy

³⁵ Ka apkelpeiveskasekho lhnak Felipe m'a aptemakha aplheianma Isaias, kakpota nhan lhamakho altalhesammalhka vakkahak Eniapom Neten apaivoma aktemakha ania'a aktaqmanma aplhenammap Jesús.

Hechos 8:35 ပူးပေါင်းရင်းမြစ်များ

Lucas 24:27

Ka apkelpeiveskasekho lhnak Jesús aktemakha aktalhesammalhka Vakkahak Eniapom Neten Apaivoma aplhenammap Cristo, ampai'o lhnak nanek aktalhesammalhka ley Moises, ka amhaiangko nhan vakkahak apnaktalheskama lhnak nanek apkeleltennasemmap ania'a annenga.

Hechos 10:34

Ka apkempai'o lhnak apkeltennaikama Pedro m'a, lhna aptemak: —Koka kolhvave nak asiangvakmek nennavek emmo'ok nentemo lhemek enenlhet napaqtek Eniapom Neten,

Hechos 11:20

Koka apkelvai'ak nak na moklhem'a enenlhet'avok apkelleniem'o Chipre kakpota nhan Cirene, apkeleltennaseiangka lhnak na ania'a aktaqmanma aplhenammap Apveske Jesús enenlhet griegos ma'a akieto Antioquia.

Hechos 17:18

Apketlhekmoskangkek nak Pablo m'a aptemakha Jesús kakpota nhan aktemakha nema apnaklhatekhaskeiam hata apieseksek apkenmaskengvaiakmo. Koka apkellammelhmek nak na m'a moklhem'a enenlhet apkelvesai'a Epicureos kakpota nhan po'ok apasmekha apkelvesai'a Estoicos, lhna aptaiangkok: —¿Se lha aplheno ham enenlhet anak aplhamasammap, he? —lhna aptaiangkok. Lhnak na aptaiangkok apketlhelhma'ak: —Malha nak apketlhekmoskama apkeltemakha dioses mo'ok apkellavakha —lhna aptaiangkok.

Hechos 18:28

Nkelammelhmek na mota apaivoma akmovana nkek Apolo judios ma'a, ka apkelietsatmo nhan Vakkahak Eniapom Neten Apaivoma, apkelpeiveskasekho nhan akietemo nkek Jesús apto Cristo aplhenammap eva'.

Hechos 19:13

Apkellomaka lhnak na 7 enenlhet judios ma'a, sacerdote lhnoka apkeliapom ma'a, Esceva lhnak apvesai'a m'a. Apkenmahai'o lhnak na elienieskasekhak kasekapok av'alhok ngkollatsekama aplhamakho enenlhet'avok ma'a, apkenmahai'o lhnak enmama apmopvana Apveske Jesús ma'a, lhna aptaiangko mota apkellanemo kasekapok av'alho'ok: —Nietnek ennengko'o apmopvana aniem'o Jesús apkeleltennaskamo lhta nha mota Pablo, kolentep ham enenlhet'avok anak —lhna aptaiangkok.

Hechos 28:23

Ka apkelpekkeno lhta lhema aknem eniaqnekhak hata mokhom ma'a. Ma lhta ntek enenlhet'avok apkenmeioiam apnakha nhan Pablo m'a apkenmahai'a ellailhok ma'a. Sosekhe anke lhta apkempak apkeltennaikama Pablo m'a akvakho ienaqteso ania'a aktemakha aptema apveske Eniapom Neten. Ka apkelpeiveskasakho lhta nhan ley Moises kakpota nhan vakkahak apnaktalheskama apkeleltennasemmap ania'a annenga aktemakha aplhenammap Jesús.

Hechos 3:20

Netamen hata m'a elpaieskeskamok apvalho'ok Apveske, apkapaso ta mokhom apto apkeliekieskama tep nak nanek, apto Cristo, Jesús apvesai'a m'a.

Hechos 5:42

Lhamakho aknem nak apketlhekmosekamok aptemakha Jesucristo akieto m'a Eniapom Neten apnemakha kakpota nhan lhamakho apkakhaiangkolha la enenlhet ma'a.

Hechos 8:34

Netamen nak apeneskama apkelietsatema vakkahak enenlhet nema alhakkeskama appopok ma'a, ka apkenmalhneiangka lhnak Felipe, lhna aptemak: —¿Se lha enenlhet m'a ie, he? ¿Aplhenammakpo apanke nlho m'a apkeltennasemmap ania'a nak, nlho ka la nhan po'ok enenlhet, he? —lhna aptemak.

Hechos 9:20

Apkempai'akha lhnak kolhvavek anke apkeltennaikama Saulo apkaqnekhelha judios Jesús apto Eniapom Neten apketka.

1 Corintios 1:23

Ennengko'o koka neleltennaskek ania'a Cristo apketsepma lhta neten iamet aktenneskama, apkeltaknevakkek koka judios ania'a nak, aktaikama nkek koka apkellanemak ania'a nak metnangko nak judios.

1 Corintios 2:2

Vanlha lhta mota askeleltennaskamo akietemo nkek aklheianma evalhok ania'a aplhenammap Jesucristo apketsepma neten iamet aktenneskama.

2 Corintios 6:11

Engelialheng'a ko Corinto, nelletsavhavek lhek neleltennasekama iokhalhmek ankek ma'a, malha nenmaieskama engvalho'ok la'a napaqtavek ketlhengkap.

Efesios 4:21

have niapak ankek na apkellengai'o ania'a akto have niapak ankek aplhenammap Jesús, apkeliangveiakmek na apkelleliehekho m'a alietemo nkek na aptaiangkolha.