Hechos 8:12 - Nuevo Testamento Toba Maskoy

¹² Koka netamen ma'a akvekho lhnak meliaskeiam Felipe aplheianmo aktemakha ania'a aktaqmanma aptema apveske Eniapom Neten kakpota nhan apvesai'a Jesucristo, ka apkeleltemo lhnak ngkolhek allavkesangko konne iemmen ma'a apkelennava'ak kakpota nhan ngkelvana'ak.

Hechos 8:12 ပူးပေါင်းရင်းမြစ်များ

Lucas 9:2

Apkellapaskamo lhnak eleltennasama ania'a aktaqmanma aptemakha aptaiekha apveske Eniapom Neten, kakpota eltaqmelkeskamok na anmaska apiempeiok ma'a.

Lucas 9:60

Ka apkatemmoiangka lhnak Jesús ma'a: —Ellangko apkeletsepma elkatonnek apkeletsepmo lheme nak, koka lheiap emhamok ma'a epaieskam hata ania'a aktemakha aptema apveske Eniapom Neten —lhna aptemak.

Hechos 1:3

Apketsepmek nak Jesús ma'a koka netamen aplhatekhangveiakmo lhnak mokhom ma'a, 40 knem nak ngvaiakmok apkaniemhaikama mokhom apieseksek apkelapaskamo apanko'ok ma'a. Apkeleltennaseiangka lhna mota aktemakha aptema apveske Eniapom Neten, apkellanei'o nhan nkeskama qaselha kakpota elvetaskesangkok akto have niapak anke aplhatekhangveiakmo mokhom apieseksek apkenmaskengvaiakmo.

Hechos 11:20

Koka apkelvai'ak nak na moklhem'a enenlhet'avok apkelleniem'o Chipre kakpota nhan Cirene, apkeleltennaseiangka lhnak na ania'a aktaqmanma aplhenammap Apveske Jesús enenlhet griegos ma'a akieto Antioquia.

Hechos 18:8

Apkemhama apmanie nemaknekhelha apvesai'a Crispo kakpota nhan apketkak mang nak na eliaskeiakmok Apveske, kakpota nhan mantek enenlhet'avok ko Corinto, ka aknemo lhnak na allavkesaiangko konne iemmen ma'a.

Hechos 19:5

Apkenmaiangkek nak takha ania'a apkellengai'o m'a, nemo lhnak na allavkeskamo konne iemmen ma'a akieplomo koka apvesai'a Apveske Jesús.

Hechos 2:38

Ka apkatemmoiangka lhnak Pedro m'a, lhna aptemak: —Eliaqmongkasekha mo'ok apvalho'ok, elvatesamok apkeltemakha ngkollatsekama, elteniamok nema allavkeskama konne iemmen akieplomo apvesai'a Jesucristo. Netamen Eniapom Neten etnama ta apankek meleliehekho apkellaskamakha, kakpota ellangkok na metka akianmoma Espíritu Santo.

Hechos 2:41

Nnengkek nak allavkeskamo konne iemmen apkellelto meliaskeiam aptemakha apkeltennaikama Pedro m'a, aplhameiangkek nak aptaikamok meliaskeiam Jesús ma'a, malha lhnak 3.000 enenlhet'avok ma'a.

Hechos 20:21

Askeliatengke lhta judios kakpota nhan metnangko nak judios askeltemo eliaqmongkasekhak mo'ok apvalho'ok napaqtek Eniapom Neten kakpota nhan meliaskame Apveske engankok Jesús.

Hechos 20:25

Askeleltennaseiangko lhta mota apieseksek ketlhengkap ania'a aktemakha aptema Apveske Eniapom Neten, koka nkomaskok hata helvetai'ak mokhom ketlhengkap, haveniapak ankek astakha nak alheianma.

Hechos 28:31

Ma lhta nhan eniai'ak Pablo apkeltennaiangka mota ania'a aktemakha aptema Apveske Eniapom Neten ma'a kakpota nhan apketlhekmoskamo ania'a apveske Jesucristo, mamma lhta nhan alaptenkaseiangka apkeltennaiangka Pablo m'a.

Hechos 5:14

Aplhameiangkek nak apkelennava'ak kakpota nhan ngkelvana'ak aptaikamok meliaskeiam Apveske m'a,

Hechos 8:4

Koka apkellelto lhnak nema alhpankeskama m'a, apketlheianveiakmo lhnak ania'a aktaqmanma apkelvaianlha la m'a.

Romanos 10:10

Hai, nkaimelhkek mankoiaskamek apvalhok kakpota ngkolhek aktemeskeso apeivomo. Nkaimelhkek na etlhenek Jesús apto Apveske kakpota evongkasakpok tep.

1 Corintios 11:11

Koka metka akiekammalhka mo'ok ma'a apkenno kanhan ngkelvana apieseksek anak meliaskeiam Apveske, apkenno mankapvankek eloka metka ngkelvana, ngkelvana nhan mankavanke nkoloka metka apkenno.

Galatas 3:28

kolhva koka aptaiangkok ketlhengkap apkelpasmekha Cristo Jesús, judios, griegos, nema allasennaikama nema apkelianmoma, metnangko nak nema apkelianmoma, apkelennava'ak, ngkelvana'ak, aplhamakho apankavek.

1 Pedro 3:21

Ka iemmen lhnak nanek ma'a akietkesammalhka nellavkesammalhka konne iemmen anak kakpota nhan evongkasakpok tep enenlhet. Ka nenlavkesammalhka nak konne iemmen have alhnaskama eniempehek, vanlha koka akto malha alhnaskama alketamekama engvalhok napaqtek Eniapom Neten, koka nhan nenvongkasemmalhka nak tep aniem'o m'a nema aklhatekhaskeiam alhta Cristo,