Hechos 8:1 - Nuevo Testamento Toba Maskoy

¹ Apnengkek nak ma'a Saulo apkennapmo enenlhet Esteban, nietemavek nak na aktemakha aklheianma apvalhok ma'a. Koka aknem nak ma'a ampai'o lhnak nema akmenlhenaikama iglesia akieto Jerusalen, apkelhpanmek nak aplhamakho apkenmaiangko lhnak mok iokhalhma Judea kakpota nhan Samaria, koka nema allapaskamo mang nak enieniaiangkok ma'a.

Hechos 8:1 ပူးပေါင်းရင်းမြစ်များ

Juan 15:20

Kotlheianvakho no apvalho'ok astakha lhta askellano, nema asennaikama nak have apto neten apankek apveske apankok. Heliaqmasema lhta ko'o enenlhet, hata nhan ngkotnek ketlhengkap ma'a. Koka moklhem'a lhta nhan apkelleliehekho lhta aspaioma, eleliehekhok hata nhan aptangkolha la apketlhekmosekamok ketlhengkap ma'a.

Juan 16:2

Nkolhek hata nhan alentepkaso konne apkaqnekhelha nak judios, etekio'ok hata nhan ketlhengkap, nkotlhenek hata apvalho'ok ma'a enenlhet'avok anak aniem'o apkellasennaikama Eniapom Neten.

Hechos 1:8

Koka etlhevangkok hata aknema akmovana aliennakteskama ketlhengkap apvo'o ta Espíritu Santo takhaplhet'ok ma'a. Enmankok hata lhma nkek ham Jerusalen, Judea, Samaria, akvakmo aktakha mokhek ankek avhok lhepop mo'ok apkellavakha. Eleltennasama ta aplhamakho enenlhet'avok aktemakha apkelvetaiangko lhamakho qaselha askelanai'a lhta —lhna aptemak Jesús ma'a.

Hechos 13:1

Apkakhaiangkek nak apkeleltennasemmap ania'a m'a kakpota nhan hengetlhekmoskama apieseksek apkellelto iglesia akieto iokhalhma Antioquia. Apkelvesai'a Bernabe, Simon mo'ok nema ltema Apaiseiam, Lucio apkeniem'o natemma Cirene, Menahem kakpota nhan Saulo. Menahem noka knema akvanengkeskamo lhemek ma'a apveske Herodes Antipas.

Hechos 13:36

Apiav'akha apveske David apkelpasmongkek nak nane mota apkennemolhema aniem'o Eniapom Neten apkeltema etnek ma'a, netamen apketsepmek nak ma'a, aknemo aklhengkeskaiakmo nhan konne metaimong alhva aphapak ma'a akieto apnaiangkolha nhan apkelieihengka apkeletsepma, koka ntepelkammalhkek nak nanek aphapak ma'a.

Hechos 2:47

Apkeliavenkaseiangka nhan apvesai'a Eniapom Neten ma'a, apketlhenammakpo lhnak na apkellelto apkeliamolhma m'a. Lhamakho knem na ntemak aplhamasekamok Apveske m'a enenlhet'avok knema ta alvongkeskama tep.

Hechos 22:20

Apkeliavek na enenlhet asne lhta nhan ko lha m'a akieto lhta apkennapakha enenlhet Esteban, apto lhta apkasennaikama lheiap, aplhenaikama lhta nhan apvesai'a lheiap ma'a. Nlekave lhta nhan evalhok apkennapo Esteban ma'a, askeltaqmelkaskaske lhta nhan apkelaqlammap apkellelto lhta apkennapma m'a hellangkongvai'a", lhta stak askano m'a.

Hechos 26:10

Astemengke lhta m'a natemma Jerusalen, askellaklhengkeskangkek mota'a nengaqlhengkasemmalhkelha apentalhnema apkelpokkenammap akieplomo alhevai'a lhta ania'a hellaikamo lhta apkelemhama apmaniaie sacerdotes. Nlekave lhta nhan evalhok aslengai'o mota aptekioma m'a.

Hechos 5:18

ka apkelpathetmo lhnak ma'a apkellaqlhengkeskamo nhan nengaqlhengkasemmalhkelha m'a.

Hechos 5:20

—Enmeiakha Eniapom Neten apnemakha, eleltennasama ta m'a ania'a aktaqmanma hengaikamok nenganiemhaikama akiennaktema —lhnak aptemak apkellanemo ángel.

Hechos 5:33

Nkennatheskangkek nak apkelemhama apmaniaie apkellengai'o m'a, apkenmahai'ak nak ennapok ma'a.

Hechos 5:40

Nkelleklemavek nak apvalho'ok apkelveskai'e aktemakha apkeltennaikama Gamaliel, ka apkellapaskamo lhnak lhema enenlhet eliantementa nema allapaskamo napaqtavek ma'a kakpota eliaqpelhketangkok, meleltemo nhan etlhenek mokhom apvesai'a Jesús, ka apkelpaknemekho nhan ma'a.

Hechos 7:38

Koka m'a Moises apaqmetkeskangkek nak nanek lhema ángel akieto metaimong akhaiam Sinai, ka apkelletsantengkeskamo nhan nema akpaivoma akmovana nkoltaqmelkeskesek apkellaniemhaikama nelieihengka nnenga apkellelto apkaknaikama m'a akieto iokhalhma metkelha temma, hengellangkongvai'o nhan ennengko'o.

Hechos 7:54

Apkeltaklheiangkek nak apmo'ok apkelemhama apmaniaie m'a aniem'o annatheskama.

Hechos 7:58

Ka apkellentepkeskamo lhnak ma'a apiav'akha temma m'a, apkel·hatsosaiangko nhan apkelaqlammap apkellelto apkelvetaiangko aplheianma apkammelhma Eniapom Neten ma'a, apkellangkongvaiakmo m'a lhema apketkok ma'a apvesai'a Saulo, ampai'o lhna apkeliaqnekamok metaimong Esteban ma'a.

Hechos 8:14

Apkellengai'ak nak ma'a nema allapaskamo akieto Jerusalen enenlhet ko Samaria apkenmaiangko takha ania'a Eniapom Neten apaivoma, ka knemo lhnak allapaskamo Pedro kakpota nhan Juan ma'a.

Hechos 8:2

Moklhem'a enenlhet nak na apkelleliehekho mota Eniapom Neten apkenmaiangko aphapak apketsepma Esteban ma'a, apkelkatonnemo nhan, avanhek ankek nak apkeliapqalhema m'a.

Hechos 8:4

Koka apkellelto lhnak nema alhpankeskama m'a, apketlheianveiakmo lhnak ania'a aktaqmanma apkelvaianlha la m'a.

Hechos 8:5

Felipe lhnoka apmaiangkok iokhalhma Samaria, ka apkeleltennaskeiakmo lhnak ania'a aplhenammap Cristo m'a.

Hechos 9:31

Metka akmaska lhna ntemak apkakhaikamok ma'a apkellelto iglesias akieto iokhalhma Judea, Galilea, kakpota nhan Samaria. Ntepeiangkek nak apkeliangveiakmo aptemakha Eniapom Neten, aplhameiangkek nak enenlhet ma'a aniem'o apkelpasmoma Espíritu Santo, apkellai'avek na mota Apveske m'a.

Romanos 1:32

Apkeliavek niekhe Eniapom Neten aptemakha aplheianma nietavek eletsepok meliamolhma nak ma'a. Aptaiangkek koka apankavek ma'a, nkelpaihakhe mota apvalho'ok apkelvet'o la apkellanekamok ngkollatsekama po'ok ma'a.

Filipenses 1:12

Ketlhengkap elialheng'a, smak'ak aleltennaksek kolhvave nak ma lhta ngkolatsekama nkek ko'o askaniemhaikama, nkaqhok koka ngkolatsekama nak malha heihengekamok ntemak ma'a aspaieskamo ania'a aktaqmanma.

Hebreos 11:27

Mang nak nanek na ei'askeiakmok Moises ma'a, ka nkeniemai'ak apteiapmo m'a Egipto metka apkai'a elvok apiav'akha apveske. Apiennaktemo nhan ma'a neksa aplhengama aniem'o m'a malha apvetai'a apto mongvetai'o niekhe apasmomo lhnak nanek ma'a.