Hechos 7:58 - Nuevo Testamento Toba Maskoy

⁵⁸ Ka apkellentepkeskamo lhnak ma'a apiav'akha temma m'a, apkel·hatsosaiangko nhan apkelaqlammap apkellelto apkelvetaiangko aplheianma apkammelhma Eniapom Neten ma'a, apkellangkongvaiakmo m'a lhema apketkok ma'a apvesai'a Saulo, ampai'o lhna apkeliaqnekamok metaimong Esteban ma'a.

Hechos 7:58 ပူးပေါင်းရင်းမြစ်များ

Lucas 4:29

Ka apkeliengeikokho lhnak neten metaimong akhaiam akieto apkakhaiangkolha takhalhet, kakpota eliong aniekhe koneng ma'a.

Hechos 22:20

Apkeliavek na enenlhet asne lhta nhan ko lha m'a akieto lhta apkennapakha enenlhet Esteban, apto lhta apkasennaikama lheiap, aplhenaikama lhta nhan apvesai'a lheiap ma'a. Nlekave lhta nhan evalhok apkennapo Esteban ma'a, askeltaqmelkaskaske lhta nhan apkelaqlammap apkellelto lhta apkennapma m'a hellangkongvai'a", lhta stak askano m'a.

Hechos 22:23

Nheklhe lhta apiapqalhekama enenlhet'avok ma'a, apkelelpalhnelhkangka lhta nhan apkelentalhnema lhepop aktek, ka apkelhakho lhta nhan neten lhepop anek aniem'o annatheskama m'a.

Hechos 22:4

Asmenlhenaikama lhta mota lhennenga aklhamakho apkellavakha apkellelto apkelvesai'a Alhnankok Amai kakpota annapok ma'a. Askelpathetmo lhta nhan ngkelvana'ak kakpota nhan apkelennava'ak askellaklhengkeskekho nhan nenmammalhkelha.

Hechos 26:10

Astemengke lhta m'a natemma Jerusalen, askellaklhengkeskangkek mota'a nengaqlhengkasemmalhkelha apentalhnema apkelpokkenammap akieplomo alhevai'a lhta ania'a hellaikamo lhta apkelemhama apmaniaie sacerdotes. Nlekave lhta nhan evalhok aslengai'o mota aptekioma m'a.

Hechos 6:11

Ka netamen nak ma'a apkellaiangko lhnak patakkom moklhem'a enenlhet meliamolhma kakpota etnangkok apkenmopvanka ania'a etlhenek Esteban apkammelhma Moises kakpota nhan Eniapom Neten.

Hechos 6:13

Apkelleliaiangka lhnak na m'a enenlhet kakpota etnangkok apkenmopvanka'a ania'a ellammelhek Esteban, lhna aptaiangkok: —Ka enenlhet anak ham melvateskaiakmo mota aplheianma apkammelhma pa'at akpokkenammalhka nak kakpota nhan ley engankok anak.

Hechos 7:57

Apkellapeiangkek nak apaiko'ok ma'a kakpota nhan ngkelpaihekama lhnak apatno'ok, apkelketameiangko apkelpathetmo nhan Esteban ma'a.

Hechos 8:1

Apnengkek nak ma'a Saulo apkennapmo enenlhet Esteban, nietemavek nak na aktemakha aklheianma apvalhok ma'a. Koka aknem nak ma'a ampai'o lhnak nema akmenlhenaikama iglesia akieto Jerusalen, apkelhpanmek nak aplhamakho apkenmaiangko lhnak mok iokhalhma Judea kakpota nhan Samaria, koka nema allapaskamo mang nak enieniaiangkok ma'a.