Hechos 7:51 - Nuevo Testamento Toba Maskoy

⁵¹ Aplhengkeskangkek nak mokhom Esteban apkeltennaikama m'a, lhna aptemak: —¡Mamma apqatko'ok ketlhengkap, mang na nkomak'ak ellailhok, mankolatsema nhan apvalho'ok! Apkelnavek apkelieihengka nnenga, apkeltaknevakke mota Espíritu Santo.

Hechos 7:51 ပူးပေါင်းရင်းမြစ်များ

Hechos 6:10

Mang noka nkonmopvanka'ak ellammelhek Esteban ma'a ngkanek avanhek nak apiangveiakmo aniem'o Espíritu.

Hechos 7:27

Koka apto lhnak aptekpoikama po'ok apanke, apiengangkek nak Moises ma'a, lhnak aptemak: "Manghengennaveska, have apveske engankok lheiap, have nhan hengiekpelkemo niapom.

Hechos 7:35

Koka m'a apkeltaknongvekhek nak nanek apaivomo lhema m'a Moises, lhnak nanek aptaiangkok ma'a: "Manghengennaveska, have apveske engankok lheiap, have nhan hengiekpelkemo niapom", lhnak nanek aptaiangkok ma'a. Koka apkapaskangkek nak nanek Eniapom Neten lhema ángel ma'a, apiephongvei'o lhnak nanek aiseksek panaktema ava, kakpota eniapaksek Moises etneskesek na apkel·hatsoskekha niapom kanhan Apveske.

Hechos 7:39

Koka nelieihengka mang nak eleliehekhok ma'a, apkelleltaknonvekhek nak, apkelmahai'o lhnak eltaqhok mokhom akieto Egipto.

Hechos 7:9

José lhnak apvesai'a lhema apketka apieseksek 12 nak ma'a, akietnemo lhnak apkeliasepkeskama apkelpetma'ak ma'a, lhna nkeniemai'ak apkelhakhamo lhnak patakkom akianmoma kakpota ngkolhek akiantemakho iokhalhma Egipto. Koka Eniapom Neten noka mota aplhelhma José m'a,

Romanos 2:25

Ntase niekhe nema aliaqtemenkeskama nak nekhatkok apkellammelhakha apkelleliahakho la ley anak Moises, koka meleliahakho la m'a, akhemo ta ngkotnek nema aliaqtemenkeskama nak, malha ta ngkotnek metka nema aliaqtemenkeskama napaqtek Eniapom Neten.

Efesios 4:30

Meltemeskes na akmaiose apvalhok Espíritu Santo apkeniem'o Eniapom Neten, apto nhan ma'a malha mongenatkeskama la apiempeiok apkeltemeskeskama lhta ketlhengkap kakpota eliekpelkok enenlhet apanko'ok akvakmo ta m'a aknem apsavhomakha apkel·hatsoskekha neksa anmaikama moniamolhma.

Filipenses 3:3

ngkanek aplhamakho apkellelto nak apkellasennaikama Eniapom Neten aniem'o nhan Espíritu, malha nhan nema aliaqtemanma nekhatkok apkellammelhakha m'a ntak napaqtek ma'a. Koka akto nhan neten ankek akiaspommalhka m'a mangkolhnok ma'a aliaqtemenammalhka nekhatkok apkellammelhakha judios apankave'. Nkellaqhama ennengko'o engelvalho'ok aniem'o mongeliaskeiam Cristo Jesús, mongelleltemo ennengko'o ngkolhek hengelleltaqmelkeskaso aniem'o nelieplavkeskama aptaiangkolha nak judios.

Colosenses 2:11

Neksa apkelpasmekha Cristo ketlhengkap, Eniapom Neten malha apkeliaqtemenkasekamok nekha tkok apiempeiok meliamolhma aniem'o Cristo, koka mok aktema m'a enenlhet apankave nak judios apkeliaqtemenaikamo nak nekhatkok apkellammelhakha.